Буада яшәүче исерек килеш автомобиль белән кабат идарә иткән өчен хөкем ителгән
Буа шәһәр прокуратурасы 47 яшьлек җирле кешегә карата җинаять эше буенча дәүләт гаепләвен хуплады. Суд аны РФ ҖК 264.1 статьясының 1 өлеше буенча гаепле дип таба (административ җәзага тартылган кеше исерек хәлдә транспорт чарасы белән идарә итү).
Судта 2023 елның 28 апрелендә гаепләнүченең исерек хәлдә ВАЗ-211440 автомобиле руле артына утыруы ачыкланган. Буа шәһәренең Совет урамында транспорт чарасын ЮХИДИ хезмәткәрләре туктаткан. Исерек хәлдәге кеше медицина тикшерүен узудан баш тарта. Элек ул исерек килеш йөргән өчен машина йөртү таныклыгыннан мәхрүм ителгән һәм административ җаваплылыкка тартылган булган.
Ир үз гаебен таныган. Суд аңа 300 сәгать мәҗбүри эш җәзасы билгеләде, транспорт чаралары белән идарә итү хокукыннан 2 елга мәхрүм итте.
Суд карары законлы көченә керде.