Кибетне талаган 40 яшьлек Буа кешесенә хөкем карары чыгарылган

2023 елның 28 июле, җомга

Буа шәһәр прокуратурасы 40 яшьлек җирле яшәүчегә карата җинаять эше буенча дәүләт гаепләвен хуплады. Суд ир-атны РФ Җинаять кодексының 162 ст. 1 нче өлеше тарафыннан каралган җинаять кылуда гаепле дип тапты.

Эш материаллары буенча, 2023 елның 22 мартында Буадагы азык-төлек кибете бинасында булган җинаятьче, пычак белән янап, сатучыдан аңа алкоголь, тәмәке һәм кассадан акча бирергә таләп иткән. Җинаять кылганнан соң ир-ат качкан. Урланган товарның бәясе 4 мең сумнан артык. Алга таба эш буенча фигурант полиция хезмәткәрләре тарафыннан кулга алынды.

Гаепләнүче үз гаебен таныган, зыянны каплаган. Суд аңа гомуми режимлы төзәтү колониясендә 2 ел һәм 2 ай иректән мәхрүм итү рәвешендәге җәза билгеләде.

Хөкем карары законлы көченә керде.