Буа районында дуңгызлар асраучы шәхси ярдәмче хуҗалык тотучыларны терлекчелекнең башка альтернатив төренә күчәргә сорыйлар
Дуңгызларның Африка чумасы Россия территориясе буйлап тарала. Бу авыру белән барлык токым, яшь дуңгызлары, ел сезонына бәйсез рәвештә, шулай ук кыргый кабаннар авырый. Авыруны таратучыларның берсе - кыргый кабан. Әмма авыруның таралу чылбырында кеше төп звено булып тора. Африка чумасы хайваннар хуҗаларына зур икътисади зыян китерә.
Быел күрше республикаларда кыргый кабан дуңгызлары арасында Африка чумасы учаклары барлыкка килү һәм теркәлү очраклары аз түгел: Чувашия Республикасының Шомыршы районында, Ульян өлкәсенең Сурск районында, Удмурд Республикасының Кинзер районында, Марий Эл Республикасының Звениговск районында, Түбән Новгород, Рязянь, Саратов, Тверь, Иваново, Кострома, Иваново өлкәләрендә, шулай ук Приморье һәм Ставрополь краенда.
Африка чумасы вирусы ачыкланганда, әлеге авыруны юк итү һәм алга таба таратмау өчен, инфекция чыганагыннан 20 чакрым радиуста бөтен дуңгыз башын яндыру юлы белән юк ителә. Беренче куркыныч яный торган зонада (инфекция учагыннан 20 километрга кадәр) дуңгызчылык оешмаларына хайваннар алу карантин алганнан соң бер ел узгач кына хәл ителә. Карантин алынганнан соң базарда дуңгызчылык продуктларының кытлыгы күзәтелергә мөмкин. Авыруның яшен тизлегендәге агышыннан (1 атнага кадәр) бик күп дуңгыз үлә. Бу авыру контрольсез табигать инфекциясе булып тора. Вирус үзе бары тик югары термик эшкәртү вакытында гына һәлак була (Цельсий буенча 100 градустан артык). Хәзерге вакытта бу аеруча куркыныч авырудан вакцина юк. Карантин чорында (30 көн) барлык төр хайваннарны, шул исәптән кошларны да кертеп, сату, шулай ук базарларда ит һәм башка терлекчелек продуктлары белән сату итү, ярминкәләр, күргәзмәләр үткәрү, хайваннарның күчеп йөрүенә һәм туплануына бәйле башка чаралар уздыру, дуңгызларны хуҗалыкларга һәм торак пунктларга (ишегалларына) кертү, әлеге территориядә дуңгыз суюдан алынган дуңгыз, азык-төлек һәм чимал чыгару, биналардан күчеп йөрү, үзирекле дуңгыз сую тыела. Бүген безнең бурыч республика территориясендә инфекция таралуга юл куймау. Профилактиканың төп ысулы - хуҗалыкка вирус кертүне булдырмау.
Шунысын билгеләп үтәргә кирәк, административ кодекста хайваннарның аеруча куркыныч авырулары учакларында карантин режимын боза торган гражданнар өчен штраф рәвешендәге җәза каралган ( 10.6 ст. 2 өлеше). Шулай ук ташу, тирес чыгару яки сую яисә терлекчелек продуктларын әзерләү, эшкәртү, саклау яки сату кагыйдәләре режимын бозучы гражданнар өчен штраф билгеләнде (10.8 статья 2 өлеше).
Дуңгызлар үлгән очракта, Буа ветеринария берләшмәсенә Буа шәһәре, Р.Люксембург урам, 83 йорт адресы буенча яки 8 (84374)3-25-10 телефоны буенча мөрәҗәгать итүегезне сорыйбыз.