Татарстан сатучыларын үз продукцияләрен маркетплейсларда нәтиҗәле сатарга өйрәтәчәкләр
Чаралар РФ Президенты инициативасы белән оештырылган «Кече һәм урта эшкуарлык» илкүләм проектын гамәлгә ашыру кысаларында ТР Икътисад министрлыгы тарафыннан ТР Эшкуарлыкка ярдәм фондының «Минем бизнес» үзәге белән берлектә онлайн-форматта уздырылачак.
Барысы «PRO Маркетплейс» яңа укыту марафоннары сериясе кысаларында Wildberries, Ozon, «Яндекс.Маркет» һәм KazanExpress продукцияне алга сөрү буенча дүрт форум-марафон үткәрү планлаштырыла.
Укыту форум-марафоннары кысаларында катнашучылар түбәндәге юнәлешләр буенча белем алачак:
• Маркетплейска күзәтү - Шәхси кабинет белән танышу, мөмкин булган логистик схемалар;
• Товар картасы-товар картасын ничек дөрес төзергә, селлерлар нинди хаталар ясыйлар;
• SEO-оптимизация-нәрсә өчен кирәк һәм аны ничек дөрес кулланырга;
• Яңа селлерлар өчен реклама кораллары;
• Тәҗрибәле селлерлар өчен реклама кораллары;
• Тышкы үсеш каналлары;
• Көндәшлек анализы-көндәш анализы нигезендә алга бару стратегиясен ничек эшләргә;
• Маркетплейста урнаштыруның нәтиҗәлелеге сату статистикасын анализлау (аналитика, хисаплар).
Белемнәрен ныгыту өчен экспертлар реаль мисаллар нигезендә товар карточкасын анализлаячаклар, хаталарны чишәчәкләр һәм оптимизация үткәрәчәкләр. Укыту модульләрен узу һәм биремнәрне уңышлы үтәү нәтиҗәләре буенча марафонда катнашучылар электрон сертификат алачак.
Укыту форум-марафоннарын үткәрү графигы:
- «PRO_Wildberries» —2023 елның 14 августыннан 28 августына кадәр;
- «PRO_Ozon» — 2023 елның 28 августыннан 2 октябренә кадәр;
- «PRO_Яндекс Маркет» — 2023 елның 16 октябреннән 30 ына кадәр.;
- «PRO_KazanExpress» — 2023 елның 13 ноябреннән 27 енә кадәр.
«Электрон коммерцияне үстерү (e-commerce) бүгенге көндә безнең республика өчен дә, тулаем ил өчен дә өстенлекле юнәлешләрнең берсе булып тора. Электрон мәйданчыклар тиз үсеш темпларын күрсәтә һәм традицион сәүдә челтәрләре белән беррәттән гражданнар тарафыннан товар сатып алуның гадәти ысулына әверелде», — дип билгеләп үтте ТР Премьер-министры урынбасары — ТР икътисад министры Мидхәт Шаһиәхмәтов.
Мидхәт Шаһиәхмәтов билгеләп үткәнчә, 2019 елдан республикада интернет-сәүдәне үстерү программасы гамәлдә, ул яхшы нәтиҗәләр күрсәтте, шуңа күрә аны 2025 елга кадәр озайту турында карар кабул ителде.
2023 елның беренче яртыеллыгы йомгаклары буенча маркетплейсларда үз товарларын сатучы Татарстан сатучылары саны еллык исәпләүдә 80% ка артты һәм 53865кә җитте. 2022 елда аларның кереме 50 млрд сумнан артып киткән. Ә Россия маркетплейсларында сатучыларның гомуми саны инде 1 млн кешедән артып киткән.
«2022 елда уздырылган беренче дүрт укыту марафоны практикасы бик яхшы нәтиҗә күрсәтте аларда 2 000гә якын кеше катнашты, шуларның 70% маркетплейсларда уңышлы сәүдә итә башлады. Укулар үткән эшмәкәрләрнең айга бер миллион сум әйләнеш планкасын узганнары турында мисаллар бар», — дип сөйләде ТР Эшкуарлыкка ярдәм фондының «Минем бизнес» үзәге җитәкчесе Линара Бурханова.
Татарстан Республикасы территориясендә теркәлгән барлык теләүчеләр дә укырга керә ала.
Форум-марафоннарда катнашу өчен теркәлү РФ МСП. цифрлы платформасында «Региональ ярдәм чаралары» бүлегендә инде бар, хезмәт күрсәтү: «Маркетплейсларда продукцияне алга сөрү буенча укыту форум-марафоннарына язылу». Компьютердан һәм смартфоннан гариза бирү буенча инструкцияләр.
Ярдәм программаларын Россия Президенты башлап җибәргән һәм беренче вице-премьер Андрей Белоусов җаваплылыгында «Кече һәм урта эшкуарлык» илкүләм проекты кысаларында Татарстанның «Минем бизнес» үзәге базасында гамәлгә ашырыла.
«Минем бизнес»тан бушлай хезмәтләр алу өчен РФ МСП цифрлы платформада гариза бирү мәсьәләләре буенча эшмәкәрләр кайнар линиягә 8 (843) 524-90-90 телефоны буенча мөрәҗәгать итә ала.