Террорчылыкка каршы көрәштә теләктәшлек көнендә Буа районында истәлекле чаралар узачак
Ел саен 3 сентябрьдә Буа районында, бөтен Россия буенча кебек үк, террорчылык актларының барлык корбаннары, шулай ук хезмәт бурычын үтәгәндә һәлак булган көч структуралары хезмәткәрләре истәлегенә багышланган чаралар уза.
2005 елда 3 сентябрь терроризмга каршы көрәштә теләктәшлек көне дип игълан ителә. Бу дата 2004 елның 1-3 сентябрендә Бесланда булган фаҗигале вакыйгалар белән тыгыз бәйләнгән, ул вакытта террорчылык акты нәтиҗәсендә 300дән артык кеше – нигездә хатын-кызлар һәм балалар һәлак булган.
Яшүсмерләр арасында экстремизм һәм терроризм идеологиясен таратуны кисәтүгә юнәлдерелгән чаралар, шулай ук Беслан корбаннары истәлегенә багышланган чаралар (сыйныф сәгатьләре, әңгәмәләр, Хәтер дәресләре) барлык уку йортларында, мәдәният һәм спорт учреждениеләрендә узачак.
Шулай итеп Буада «Хәтер шәме», «Тормыш тамчысы» акцияләре узачак. Алар Беслан фаҗигасе корбаннарын бер минут тынлык белән искә алачаклар.
Шулай ук бер ай дәвамында районда плакатлар конкурслары, тематик сәгатьләр, спорт ярышлары узачак.