Картаны мошенниклардан ничек сакларга

Банк картасының һәр хуҗасы мошенниклар корбаны булу куркынычы барлыгын истә тотарга тиеш.

Банк карталарын саклау дәрәҗәсе даими камилләштерелә, ләкин мошенниклар да башкаларның акчаларын алдап алуның яңа ысулларын табалар.

Мошенниклыкның иң популяр төрләрен карап чыгыйк.

Скримминг — мәгълүматны уку җайланмасы (скиммер) ярдәмендә урлау, ул кредит картасының магнит полосасын күчереп алу белән характерлана, анда аның турында барлык мәгълүмат бар. Мондый мошенниклыкны булдырмас өчен, сатып алу өчен түләү һәм акчаны ышанычлы урыннарда гына алу киңәш ителә.

Фишинг («балык тоту»). Бу төр мошенниклык пластик карта хуҗалары өчен иң куркыныч, аларның эшчәнлеге Интернет белән бәйле. Онлайн-сатып алулар вакытында тикшерелмәгән Интернет-кибеттә товар өчен түләү барышында карта буенча мәгълүматны тоту куркынычы булырга мөмкин. Шулай ук кулланучыларга электрон хатлар килә ала, алар шәхси мәгълүматны саклау максатыннан нинди дә булса гамәл башкару өчен банк сайтына керергә тәкъдим итә.

Ике тапкыр әйләнү. Бу очракта кирәкле сумма картадан ике тапкыр төшерелә.

Мошенниклардан саклану өчен, картагызны беркайчан да караусыз калдырмагыз һәм бигрәк тә пин-кодны беркемгә дә, хәтта туганнарыгызга да хәбәр итмәгез. Картаны  сатучыга яки официантка бирергә ярамый. Башка кешеләр күрә алган урында картаның пин-кодын беркайчан да язып куярга кирәкми. Счетыгызда акча хәрәкәтен даими тикшерү яхшы идея. Әгәр карта урланган һәм югалган икән, бу хакта шунда ук банкка хәбәр итәргә кирәк —ул ябылачак.

Шуны истә тотарга кирәк, карта хуҗасыннан пин-кодны хәбәр итүне беркем дә, хәтта карта биргән банк хезмәткәрләре дә таләп итәргә хокуклы түгел. Әгәр дә Сез онлайн сатып алу өчен түләргә җыенасыз икән, моның өчен зур күләмдә акча булган картаны кулланмау яхшырак. Әгәр карточка счетыннан акчаны алу шик тудыра икән, шунда ук банкка мөрәҗәгать итәргә кирәк.

Кулланучылар хокукларын яклау турындагы законнар буенча консультацияләр өчен түбәндәге адреслар буенча мөрәҗәгать итә ала:

- Татарстан Республикасы буенча Роспотребнадзор идарәсенең Буа территориаль бүлеге: Буа шәһәре ,Ефремов урамы, 135 йорт; тел. 8(84374)3-52-89, 3-17-04; Тәтеш шәһәре, Свердлов урамы, 43 йорт, тел. 8(84373) 2-52-59;

- «Татарстан Республикасында Гигиена һәм эпидемиология үзәге»нең Яшел Үзән филиалы консультация пункты, Буа шәһәре ,Ефремов ур., 135 йорт; тел. 8 (84374) 3-26-76.