Рөстәм Миңнеханов Буа районының Нигъмәтуллиннар гаиләсен «алтын» туйлары белән котлады

2024 елның 24 июне, дүшәмбе

Сабантуй мәйданчыгында Рөстәм Нургали улы «алтын» туйны билгеләп үткән Татарстан гаиләләре белән очрашты. Гаилә елы кысаларында Татарстан Республикасы Раисе Буа районыннан ирле-хатынлы Илгиз Фәйзер улы һәм Тамара Владимировнага иң җылы котлаулар юллады.

Алар 50 ел элек гаилә корганнар һәм 3 кыз үстергәннәр. Нигъмәтуллиннар гаиләсе тимер юллар династиясеннән, аларның гомуми стажы 561 елдан артык тәшкил итә.

Юбилярларга ныклы сәламәтлек, иминлек, балалары һәм оныклары арасында озак еллар бәхетле гомер телибез.