Федераль программа буенча төзелгән футбол кырында шимбә көнне Ырыңгының ике, Әлши, Боерган, Чуаш Киштәге командалары төп приз өчен көрәште. Беренчелек кыр хуҗаларында – Ырыңгының 1 номерлы командасы уенчыларында, икенче урында Әлши, өченчедә Чуаш Киштәге футболчылары. “Сувар”ның баш редакторы Константин Малышев әйтүенчә, алга таба газета кубогына турнирлар үткәрү традициягә керәчәк.