Инвалидлар көненә багышланган чаралар

Ел саен декабрьненең беренче ункөнендә Инвалидлар көненә багышланган чаралар уза. Бу чараларның максаты бөтен кешеләрнең хокукларын тигез булдыру һәм инвалидларның җәмгыять тормышында катнашу.

            Бу көнне дәүләт социаль хезмәтләр төрле чаралар һәм хәйрия акцияләре уткәрелә. Шулай Буа районында 1-10 декабрь көннәрендә инвалидлар  өчен түләүсез чәчтараш хезмәте (чәч кистерү) күрсәтелә.Шулай ук  2, 3, 4, 9, 10 декабрь көннәрендә (җомга, якшәмбе – хатын-кызлар, шимбә – ир-егетләр) шикәр заводы мунчасында түләүсез юыну мөмкинлеге тудырыла.

            Инвалидлар көне кысаларында 1 декабрь көнне Буа районы мәдәният йортында физик мөмкинлекләре чикләнгән балалар өчен тантаналы рәвештә чара узды. Монда 190 балага тәм-том ашамлыклар җыелмалары тапшырылды. Балаларны Буа муниципаль районы башкарма комитеты җитәкчесенең социаль мәсьәләләр буенча урынбасары Л.Н.Садретдинова котлады.         

Бэйрэм концертыннан соң балалар өчен “Мөмкинлекләр дөньясында” дип аталган  сәнгатьнең төрле төрләре буенча оештырылган мастер – класс үткәрелде. Бу чараның максаты: яшьүсмерләргә иҗатның тәмен җиткерү, сәнгатьтә үзеңне сынап карау һәм белем дәрәҗәсен арттыру иде. Чарада балаларга оригами, кәгазь, пластилин, табигать материаллары, төрле төстәге җепләр белән эшләү мөмкинлеге бирелде. Мастер – классны оештыруда мәдәният бүлеге, мәктәптән тыш эшләр  үзәге, 1нче номерлы мәдәният мәктәбе, халыкка комплекслы социаль хезмәт күрсәтү үзәге белгечләре катнашты.

Мондый очрашулар балаларны яңалыкка, бер – берсе белән аралышырга, вакытны кызыклы һәм файдалы итеп үткәрергә өйрәтә.