ЯҢАЛЫКЛАР

2020 елда «Татарстан Республикасының радиотелевизион тапшыру үзәге» филиалы объектларында планлы ремонт эшләренең расланган графигы нигезендә, Буа муниципаль районында аналог программаларын сүндереп («ТНВ» телерадиокомпаниясе» АҖ) һәм цифрлы телерадиотапшырулар программасын 2021 елның 20 апрелендә  9.00 сәгатьтән 15.00 сәгатькә кадәр Буа шәһәрендә, 2021 елның 23 апрелендә Ташкичү торак пунктында 9.00 сәгатьтән 15.00 сәгатькә кадәр планлы ремонт эшләре алып барачак.  Шуңа да район халкының башкарылган эшләргә аңлап карауларын сорыйбыз.

Идел буе территориаль идарәсе Татарстан Республикасы буенча Экология һәм табигый ресурслар министрлыгы «Экология» милли проектының «Уникаль су объектларын саклау» федераль проекты буенча үткәрелә торган «Россия суы» Бөтенроссия акциясе кысаларында чаралар үткәрү турында хәбәр итә. 2021 елда «Уникаль су объектларын саклау» федераль проектының су объектларының яр буйларын көнкүреш чүп-чарыннан һәм агач чүп-чардан чистарту эшен, санитар-эпидемиологик нормаларны үтәп, 2021 елның 1 апреленнән башларга кирәк.

Исегезгә төшерәбез, «Россия суы» Бөтенроссия акциясе 2014 елдан бирле ел саен уздырыла һәм сулыклар ярларын чистарту өчен ил буенча йөзләрчә мең волонтерны берләштерә. 2021 елда «Экология» милли проекты ярдәмендә оештырылган өмәләрдә йөз меңнән артык татарстанлы катнашты, шул исәптән буалылар да. Һәм Республика Россия төбәкләре арасында «Россия суы - 2020» конкурсында өченче урынны алды.

2021 елның 13 мартында 12.00 сәгатьтә "Яшьләр" паркында "Май чабу" дип исемләнгән бәйрәм чарасы узачак.

Кышны озатабыз - язны каршылыйбыз!

Программада:

     - "Май чабу -алтын бәйрәм!" –театральләштерелгән тамаша;

• үзешчән сәнгать артистлары катнашында концерт программасы;
• күңелле уеннар һәм спорт ярышлары;
• коймак белән сыйлау;
• Май чабу карачкысын яндыру.

Яхшы кәеф булачак!

"Без бергә"! Буада "Без бергә" Республика балалар халык иҗаты милли фестиваленең муниципаль этабы узды. Яшь башкаручылар Ял үзәге сәхнәсендә чыгыш ясадылар. Гомуми белем бирү мәктәпләре, өстәмә белем бирү мәктәпләре, сәламәтлек мөмкинлекләре чикләнгән укучылар  "Халык вокалы", "Халык ансамбле", "Инструменталь башкару" номинацияләрендә Татарстан Республикасында игълан ителгән Туган телләр һәм халыклар бердәмлеге елына багышланган әсәрләр башкардылар.

Фестивальдә мәгариф идарәсе каршындагы балалар сәнгать мәктәбенең "Сюрприз", "Яз нуры", "Замана", "Акварель", "Нәфис", "Тамчылыр" вокаль ансамбльләре дә чыгыш ясады.

Барлык катнашучыларга да яхшы нәтиҗәләр телибез!

 9 мартта Буа медицина училищесының II курс студенты Лебедцова Анастасия Казан шәһәрендә узган «Югары белем бирү мәгариф оешмаларында һәм педагогик белем бирү оешмаларында студентлар үзидарәсе» юнәлеше буенча Татарстан Республикасы студентларының IX конгрессында актив катнашты. Сәфәр нәтиҗәләре буенча, студентлар советы рәисе үзе өчен бик күп кирәкле һәм кызыклы мәгълүмат белде, ул аларны  студентлар белән алга таба эшләү өчен кулланырга планлаштыра.

 Казан шәһәрендә авыл хуҗалыгы ярминкәләрен оештыручыларны хөрмәтләделәр. Тантаналы чарага буалылар да чакырылган иде.

Казан шәһәренең Киров һәм Мәскәү районнары администрациясе оештыручыларны бүләкләде. Исегезгә төшерәбез, Буа районы Казан шәһәренең Киров һәм Мәскәү районнары мәйданчыкларында авыл хуҗалыгы ярминкәләрен оештыруда һәм үткәрүдә катнашты. Югары дәрәҗәдә оештырылуы һәм продукциянең киң ассортименты өчен буалыларга Рәхмәт белдерелде.

Бүген "Буа шәһәренең мәшгульлек үзәге" ДКУдә вакантлы эш урыннары ярминкәсе узды. Чарада Буа муниципаль районы предприятиеләренең кадрлар хезмәте вәкилләре катнашты. Чараның максаты-гражданнарга ярдәм итү, тиешле эш табу.

Барлыгы вакансияләр белән танышырга илледән артык кеше килде. Әңгәмә нәтиҗәләре буенча безнең район предприятиеләренә эшкә урнаштыру өчен 15 юнәлеш бирелде.

Бүген Кама Тамагында Татарстан Республикасында Кеше хокуклары буенча вәкаләтле вәкил «Хәрби хезмәткә чакырылучыларның хокуклары» темасына "Хокукый белемнәр мәктәбе"нең күчмә дәресен үткәрде. Анда ТР Хәрби комиссары катнашты.

Әлеге чарага буалылар да барды. Делегация составына 15 кеше керде, алар - Буа ветеринария техникумы студентлары, шулай ук район хәрби комиссариаты вәкилләре.

Татарстан Республикасы Буа муниципаль районы башкарма комитеты ел саен 1 майга кадәр торак шартларын яхшыртуга мохтаҗ буларак исәптә торучы яшь гаиләләрне яңадан терки, дип хәбәр итә.

Яңадан теркәү узу өчен яшь гаиләләргә торак сәясәте бүлегенә түбәндәге адрес буенча килергә кирәк: Буа шәһәре, Жорес ур., 110а йорт, каб. №19.

Шуны җиткерәбез, яңадан теркәү узу өчен яшь гаиләләргә:

- Тәртипнең 7 һәм 8 пунктларында каралган элек бирелгән документлардагы мәгълүматлар үзгәргән очракта, бу хакта Буа муниципаль районы Башкарма комитетына хәбәр итәргә һәм тиешле документлар тапшырырга;

- узган чорда элек бирелгән мәгълүматларда үзгәрешләр булмаган очракта, элек бирелгән белешмәләрнең үзгәрүен раслый торган расписка тапшырырга. Әлеге шарт «Татарстан Республикасы Дәүләт торак фондыннан һәм муниципаль торак фондыннан социаль наем шартнамәләре буенча гражданнарның аларга торак урыннары бирү хокукларын гамәлгә ашыру турында» 2007 елның 13 июлендәге 31-ТРЗ номерлы Татарстан Республикасы Законының 24 статьясындагы 3 пунктында каралган.

11 мартта 15.00 сәгатьтә Татарстан Республикасы буенча Росреестр идарәсе, Эшкуарлыкка ярдәм итү фонды белән берлектә, кече һәм урта бизнес субъектлары өчен икенче вебинар үткәрәчәк.

Анда түбәндәге төп темалар яктыртылачак:

✔ Төзүчегә бинаны яки күпфатирлы йортны төзеп бетергәндә торак булмаган биналарга милек хокукын дәүләт теркәве өчен нинди документлар әзерләргә кирәк.

✔ Яңа төзелгән күчемсез милек объектларына милек хокукын теркәү үзенчәлекләре нидә, аларга карата объектны файдалануга тапшыруга рөхсәт бирү таләп ителми һ. б.

Билгеләнгән темалар буенча аңлатмаларны Росреестр эксперты-күчемсез милекне инвестицион проектлар буенча дәүләт теркәве бүлеге башлыгы Александра Абдуллина бирәчәк. Шул ук вакытта вебинарда катнашучылар реаль вакыт режимында күчемсез милекне рәсмиләштерү буенча үзләрен кызыксындырган сорауларны бирә алалар.