ЯҢАЛЫКЛАР

Буа драма театрында Зифа Кадыйрованың «Бәхеткә юл кайдан?»  әсәре буенча спектакль премьерасы тулы аншлаг белән узды.   Әсәрне тамашачылар ни дәрәҗәдә җылы кабул итүне автор үзе дә күрде. Театр җитәкчесе Раил Садриев чакыруы буенча Яр Чаллы шәһәрендә яшәүче Зифа Кадырова Буага кунакка килгән иде.

Зифа Кадыйрова көндез Үзәк китапханәдә Буа укучылары белән очрашты. Яраткан язучыбыз белән очрашуга килүчеләрнең күбесе өлкән буын вәкилләре иде. «Сезнең әсәрләрне күз яшьләре катыш  укыйбыз, тормышыбызны искә алабыз. Шундый матур һәм үтемле  итеп язасыз», - диделәр алар рәхмәт сүзләре белән. Автор үзе дә гади һәм халыкчан булуын яшерми.

- Мин 49 яшендә каләм алган кеше. Ә моңа кадәр төзелештә штукатур-маляр, монтажчы булып эшләдем. Шуңа күрә минем әсәрләрем геройлары гади кешеләр. Һәрберебез тормышында килеп чыгарга мөмкин булган вакыйгалар ярдәмендә мин кешеләргә хөрмәт, ярату һәм гафу итү кебек хисләрне җиткерергә тырыштым, - ди автор.

Очрашуга килүчеләр кунакка сораулар бирделәр, фотога төштеләр, китапларын сатып алдылар, автографын сорадылар.

 Кич белән Зифа Кадыйрова зал тутырып килгән тамашачылар белән спектакль карады.

Әсәрнең үзәгендә Чаллыда яшәүче гаилә - ире (Ренат Әкбәров), хатыны (Рима Хәмидуллина) һәм аларның улы Рәмис (Илфир Солтанов). Яңа ел төнендә аларның фатирына йөкле кыз Дилә (Айсылу Җәббарова) килә. Рәмис аның белән очрашкан икән, әмма җитди түгел, ә кыз аны чын-чынлап ярата икән. Рәмис Диләгә өйләнергә теләмәсә дә, әтисе сүзе җиңде.  Шулай итеп,  үзара мәхәббәтсез гаилә барлыкка килә. Балалары-уллары Рөстәм (Ришат Төхвәтуллин), кызлары Диләрә (Руфинә Хаматдинова) туа. Рәмис хәмер белән дуслаша, Диләгә еш  кулын күтәрә. Ә ахыр чиктә бай ханым янына китә (Айгөл Сагиева). Әтисенең әнисенә карата мондый мөнәсәбәтен күреп үскән балалар да Диләне хөрмәт итми башлыйлар. Кызы әтисе янына  яшәргә  китә, ә Рөстәм үзе, эчүче дуслары белән вакыт уздыра. Әнисе акча бирмәсә, аны кыйный. Диләнең сабырлыгы Рөстәмнең шешәдәше (Вильнур Шәйхетдинов) көчләгәч сына, ул өйдән чыгып китә, бомжга әйләнә.  Аны Сергей (Раил Садриев) исемле хуҗасыз ир-ат сыендыра. Сергей да бу даирәгә очраклы рәвештә эләгә. Ул кейста зур суммада акча күчергәндә талауга дучар була һәм аны үтерергә телиләр. Котылу өчен кейсны юлда ташлап кача. Һәм инде биш ел бу шушы акчалы  кейсны  эзли, табарга омтыла. Һәм менә язмыш сюрпризы- кейсны табучылар Дилә һәм аның кайнанасы.  Рәмис тә хатасын аңлап, өенә кайта, Диләне эзли, исерек килеш сугышу вакытында имгәнгән улын карый. Диләне Сергей китерә. Улының үлеме алдыннан әнисе аны гафу итә. 

Спектакль буалылар алдында сынауны узды – тамашачылар артистларны «Браво» кычкырып, көчле алкышлар белән сәламләделәр.

Соңыннан сәхнәгә автор Зифа Кадыйрова күтәрелде.

- Минем укучым: «Бәхеткә кайда юл? » дигән сорауга җавап эзли. Һәм менә җавап: хаталарны аңлап, бер-береңне гафу итә белү. Еш кына чын бәхет зур сынаулар аша килә, - диде ул.

Россельхознадзорның Татарстан Республикасы буенча идарәсе Татарстан Республикасында дуңгызларның африка чумасы буенча эпизоотик вәзгыять элеккечә үк киеренке булуы турында хәбәр итә. Авыруның алга таба таралу куркынычы бик югары кала бирә.

11 гыйнварда  авыру учагы Ульяновск өлкәсенең Кузоватов районы Налейкино урманчылыгының 8 нче кварталы территориясендә табылган. 16 гыйнварда чираттагы дуңгызларның африка чумасы  кыргый кабаннар арасында Самара өлкәсенең Кошки аучылык хуҗалыгының 87 кварталы территориясендә теркәлгән, моннан тыш, шул ук районда 91 кварталда тагын бер  очрак 20 гыйнварда теркәлгән.

Шуңа бәйле рәвештә Россельхознадзорның Татарстан Республикасы буенча идарәсе республиканың дуңгызчылык хуҗалыклары җитәкчеләренә, дуңгызлар асраучы шәхси ярдәмче хуҗалыклар җитәкчеләренә республикада авыру барлыкка килүгә юл куймау өчен профилактик чаралар күрү турында мөрәҗәгать итә.  Дуңгызларның африка чумасы  профилактикасына бәйле сораулар барлыкка килгәндә, Россельхознадзорның Татарстан Республикасы буенча идарәсенең дәүләт ветеринария күзәтчелеге бүлегенә түбәндәге телефон буенча мөрәҗәгать итәргә: 8 (843) 278-93-53.

Буа туган якны өйрәнү музеенда Буа ветеринария техникумы студентлары өчен Сталинград сугышында Җиңүнең 77 еллыгына багышланган "Батырлык дәресе" узды. Студентларга Сталинградны саклаучыларның һәм анда яшәүчеләрнең батырлыгы һәм бу җиңүгә безнең якташларыбызның - Буа районында яшәүчеләрнең өлеше турында сөйләделәр.   1942 елда Свияжск-Ульяновск тимер юлы участогы төзелешенә багышланган документаль роликны  дәрескә килүчеләр зур кызыксыну белән карадылар.

Буа ветеринария берләшмәсендә начальник вазыйфаларын башкаручы – районның баш ветеринария табибы вазыйфасына Әхмәтов Камил Равил улы билгеләнде.  Яңа җитәкче билгеләнешендә Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдинов та катнашты.

Шуны да билгеләп үтәргә кирәк, 2018 елдан башлап Камил Равил улы "Буа район дәүләт ветеринария берләшмәсе" ДБУ башлыгы урынбасары булып эшләде.

Татарстан  Республикасы Авыл хуҗалыгы  һәм азык-төлек  министрлыгы Агросәнәгать форумы һәм ТатАгроЭкспо күргәзмәсе  кысаларында  инстаблогер-студентлар арасында  конкурс игълан  итә. Конкурс республиканың урта  уку йортлары  һәм югары  уку йортлары  студентлары  арасында  уздырыла.  

Конкурс шартлары  буенча  һәр катнашучы  түбәндәгеләрне үтәргә тиеш:

Татарстан  Республикасы Авыл хуҗалыгы  һәм азык-төлек  министрлыгында  терлекчелек  тармагының  2020 елның  гыйнвар  аендагы    эшенә  йомгаклар  ясадылар.    Киңәшмәне Татарстан Республикасы  авыл  хуҗалыгы  һәм азык-төлек  министры  урынбасары    Ленар Гарипов үткәрде.

Хәрби-патриотик тәрбия айлыгы кысаларында. Р. З.Сәгъдиев исемендәге мәктәптә «Аҗаган» спорт-хәрби уенын үткәрелде.

Һәр сыйныфка тәҗрибәле өлкән сыйныф укучысы кураторы җитәкчелек итте. Балалар күп төрле ярышларда көч сынаштылар,  беренче ярдәм күрсәтү, ориентлашу, юл йөрү кагыйдәләрен белү, зирәклек, бердәмлектә көч сынаштылар.

Бәйрәм бик күңелле үтте! «Аҗаган» уенының авторы - авыл мәктәбе укытучы Зоя Кротова  булуын бик азлар гына белә. Узган гасырның алтмышынчы елларында нәкъ менә ул Пермь өлкәсенең Краснокамск районы Мысы авылында миллионлаган совет баласы уйнаган «Аҗаган» уены уйлап тапкан. Ул, гадәттәгечә, тантаналы төзелеш белән башланып, пионер учагы һәм җырлары белән тәмамланган.

Балаларны республикада барган тарихи вакыйгаларны өйрәнүгә, яшьләрнең һәм өлкән буынның патриотик хисләрен тәрбияләүгә этәрү, шулай ук Татарстан Республикасында игълан ителгән 100еллык ТАССР елы кысаларында “Теремкәй” балалар бакчасы коллективы, өлкән мәктәпкәчә яшьтәге балалар белән берлектә ТАССРның 100 еллыгы эмблемасы белән  “ТАРСТАНА ВЕК”  дип исемләнгән бәйрәм флешмобы оештырды. Әлеге чара кысаларында  бу  балалар бакчасында тәрбияләнүчеләр республикабыз барлыкка килүенең кызыклы фактлары турында белделәр. Гера һәм Символика кушаматлы Геральдика халык мультфильмы геройлары “Лалэ” белән таныштылар, мультик геройлар  Татарстанның төрле районнарындагы тормыш, республиканың һәр районы герблары турында сөйләделәр.

Бәйрәм чарасы Татарстан Республикасы гимнын бергәләп башкару белән тәмамланды.

6 февраль көнне Буа шәһәренең  Ял үзәгендә социаль яклау учреждениеләренең хезмәт коллективлары белән очрашу булды. Анда ТР Дәүләт Советы депутаты Шакир Яһүдин, Буа муниципаль районы җитәкчесе Ранис Камартдинов, район башлыгының беренче урынбасары Илдар Еремеев, Буа муниципаль районындагы  социаль яклау бүлеге башлыгы Ләйлә Камалова катнашты. Ул  районның социаль яклау бүлегенең 2019 ел нәтиҗәләре буенча эше турында  чыгыш ясады.  Буа социаль учреждениеләрендә 157 кеше эшли, дип белдерде. Социаль ярдәмнең төрле чараларын һәм дәүләт социаль хезмәтләрен 4210 инвалид (шулардан 149 инвалид бала), 407 күп балалы гаилә, 11 гаилә, социаль куркыныч хәлдәге гаилә буларак ведомствоара социаль-тернәкләндерү консилиумы исәбендә торучы гаиләләр, 735 тыл хезмәтчәне, 23  Бөек Ватан сугышы катнашучысы һәм  инвалиды ала. Социаль яклау бүлеге белгечләре тарафыннан хисап чорында 73 санатор-курорт юлламасы бирелде: бюджет учреждениеләре хезмәткәрләренә 44 шифаханә-курорт юлламасы, пенсионерларга 29 шифаханә-курорт юлламасы. Акчалата чагылышта матди ярдәмне 1 млн. 873 мең 824 сумга 194 граждан алган. Бөек Ватан сугышында катнашучылар һәм  инвалидларын  социаль хезмәткәрләр өйгә барып карауны да оештырган.

Бөек Җиңүнең 75 еллыгы алдыннан Адав-Толымбай мәктәбе авыл китапханәсе һәм клубы белән берлектә Бөек Ватан сугышында катнашкан Низамов Әнвәр Борһан улы белән очрашу кичәсе үткәрде.

Низамова Әнвәр абыйга 95 яшь, ул Буа муниципаль районының Яңавыл авылында яши. Олы яшьтә булуына карамастан, ул бүген дә районның хезмәт елъязмасына акыллы киңәшләре һәм шәхси үрнәкләре белән  үз өлешләрен кертүләрен дәвам итә.

Шунысын да билгеләп үтәсе килә, мондый чаралар - Бөек Ватан сугышында катнашучыларның һәм тыл хезмәтчәннәренә хөрмәт, һәлак булган каһарманнар алдында баш ию, тынычлыкны фашизмнан коткарган исән ветераннарга баш ию өчен тагын бер сәбәп.  Алар хәтерне мәңгеләштерүгә зур өлеш кертәләр, шулай ук Ватаныбызның иң яхшы уллары турында Халык хәтерен саклап калуга, яшь буында Ватанны саклаучылар бурычына патриотизм һәм тугрылык, милли горурлык һәм гражданлык абруен тәрбияләүгә ярдәм итәләр.