ЯҢАЛЫКЛАР

Ел башыннан Социаль фонд инвалид балалары булган  ата-аналарга өстәмә ял көннәре өчен  якынча 95,2 млн. сум акча түләгән. Айга дүрт көн тәшкил иткән  мини-отпуск ата-аналарга, опекуннарга һәм попечительләргә бу көннәрне инвалид  баланы тәрбияләүгә багышлый алсын өчен бирелә. Гомумән алганда, әти-әниләргә ял көне өчен акча  түләнгән.

Яңалыклар 2024 елның 1 гыйнварыннан үз көченә керәчәк һәм дәүләт кадастр бәяләү системасын камилләштерүгә ярдәм итәчәк

Бердәм цифрлы платформа турында нигезләмәгә үзгәрешләр кертү турында карарны Хөкүмәт рәисе Михаил Мишустин имзалады. Документ нигезендә, системага өстәмә рәвештә дәүләт кадастр бәяләмәсе мәгълүмат фондын алып бару функциясен тәэмин итү, шулай ук дәүләт кадастр бәяләмәсен үткәрүне автоматлаштыру һәм мониторинглау беркетелгән.

Буа шәһәр прокуратурасы 47 яшьлек җирле кешегә карата җинаять эше буенча дәүләт гаепләвен хуплады. Суд аны РФ ҖК 264.1  статьясының 1 өлеше буенча гаепле дип таба (административ җәзага тартылган кеше исерек хәлдә транспорт чарасы белән идарә итү).

1 июльдән кулланучыларга кредит бирү турындагы законга берничә төзәтмә үз көченә керде. Мәсәлән, килешү буенча процент ставкасы хәзер көненә 0,8 проценттан артмаска тиеш, элек лимит 1 процент тәшкил иткән.

Кулланучылар кредиты турындагы законга төзәтмәләр бастырылган. Бер елдан соң банклар куллану кредиты (займ) килешүенә аның уникаль идентификаторын кертергә тиеш булачак. Хәзер кредитор идентификаторны бирергә тиеш, әмма аны килешүдә күрсәтергә кирәкми.

Эскроу-хисап механизмын мәҗбүри куллану турындагы закон гамәлгә кергәннән бирле 4 ел эчендә Татарстан Росреестры тарафыннан 47 323 шундый өлешле катнашу килешүе  теркәлгән.

2023 елның беренче яртыеллыгында эскроу-хисаплар кулланып 8 993 өлешле катнашу килешүенең  7 772се теркәлгән, бу 88% тәшкил итә.

Россия Федераль салым хезмәтенең Татарстан Республикасы буенча идарәсе салым түләүчеләрне «Бердәм салым счеты. Актуаль сораулар» темасына вебинарга чакыра. Ул 2023 елның 24 июлендә 10.00 сәгатьтә узачак.

Буа районы хуҗалыклары  көзге бөртекләрне һәм борчакны күпләп җыеп ала башладылар. Бу көннәрдә басуларда 30дан артык комбайн эшли, ашлыкның дымлылыгы 13-16%, дип хәбәр итте район башлыгы Ранис Камартдинов үзенең телеграмма-каналында.

«Көзге бодайның уртача уңышы-гектардан 38 центнер, борчакның – 22 центнер! Һава шартлары, уңышка тәэсир итсә дә, бу күрсәткечләргә без бик шат», - дип билгеләп үтте район башлыгы.

Буа районында барлыгы 43 мең гектар ашлык, 95 мең гектар шикәр чөгендере, шулай ук 5 мең гектар көнбагыш чәчелгән.

2019 елның 1 июленнән товарлар сатучы һәм хезмәт күрсәтүче барлык эшмәкәрләр һәм оешмалар исәп-хисаплар вакытында касса аппаратларын кулланырга һәм касса чеклары бирергә тиеш. Чексыз сатып алырга ризалашмагыз.

Әгәр сатучы чек бирмәсә, димәк, ул законны боза (салымнардан яшеренә яки легаль булмаган товар белән сәүдә итә).

"Татэнергосбыт" АҖ филиалының Буа шәһәре һәм Буа районы хезмәт күрсәтү зонасында планлы ремонт эшләре үткәрү турында мәгълүмат