ЯҢАЛЫКЛАР

Һөнәри бәйрәм алдыннан район эшкуарлары белән электрон сәүдә индустриясен үстерүгә һәм җирле җитештерүчеләр продукциясен алга җибәрүгә багышланган очрашу оештырылды.

Районда 1319 кече һәм урта эшмәкәрлек субъекты теркәлгән. Бу секторга тулаем территориаль продуктның 24% туры килә. Җирле үзидарә органнарының бурычы-аларга ярдәм итү һәм алга таба үсеш өчен шартлар тудыру. Шуңа күрә районда, гадәттәгечә, бизнес җәмәгатьчелеге вәкилләре белән тематик очрашулар, түгәрәк өстәлләр уза, аларда проблемалы мәсьәләләр күтәрелә һәм тикшерелә.

27 майда 7дән 17 сәгатькә кадәр Буада төзекләндерү эшләре бару сәбәпле түбәндәге урамнарда газ өзеләчәк :

Комаров урамы;

Тимер юл урамы;

2 нче Тимер юл урамы;

Татар Буасы торак пунктында һәм Көнбатыш бистәсендә дә газ булмаячак.

Сак булыгыз! Туганнарыгызга, якыннарыгызга, дусларга һәм танышларга элеге хәбәрне тапшырыгыз. ⠀

“Буа газы”эксплуатация-җитештерү идарәсе

"Демография" милли проектының «өлкән буын» төбәк проекты кысаларында Буа районы «Гармония» халыкка социаль хезмәт күрсәтү үзәге белгечләре скандинавия йөрешендә катнашучылар белән дәресләр онлайн аша дәвам итәләр. Эпидемиологик вәзгыять уңаеннан, барлык өлкәннәр дә шәхси саклану чараларында, үз йорты ишегалдында йөри. Скандинавия йөрешендә катнашучылар уңышлы гына эшлиләр, тулы программага әйләнеп кайтуларын көтәләр һәм чикләү чараларының тиз арада тәмамлануына өметләнәләр.

27 май көнне 14.10 сәгатьтә «Бим-радио Казан» да туры эфир булачак, аның темасы- шәһәр читендәге күчемсез милекне сатып алу үзенчәлекләре.

Шәһәр читендәге күчемсез милекне сатып алганда нинди документларга игътибар итәргә; сату-алу килешүе төзер алдыннан нинди документларны тикшерергә кирәк; бакча участогында хуҗалык корылмалары рәсмиләштерелергә тиешме-бу һәм башка сорауларга Росреестрның Татарстан Республикасы буенча идарәсе эксперты Наталья Тимашева җавап бирәчәк.

Тыңлаучылар үз сорауларын WhatsApp-Канал + 7 927 242 10 28 буенча бирә алачаклар. Радио 102,8 FM ешлыгында хәбәр итә. Әлеге дулкында программаны Казан халкы гына түгел, Яшел Үзән, Арча, Волжск, Лаеш, Кама Тамагы һәм Югары Ослан халкы да тыңлый ала. Онлайн режимында радиоэфирны Бим-радио рәсми кушымтасы аша да, дөньяның теләсә кайсы почмагында да тыңларга мөмкин

Балалар товарларына карата таләпләр Таможня берлегенең «Балалар һәм яшүсмерләр өчен билгеләнгән продукция иминлеге турында» (ТР ТС 007/2011) һәм «Уенчыклар иминлеге турында» (трс 008/2011) техник регламентлары белән билгеләнгән.

Әлеге техник регламентлар балалар өчен түбәндәге продукциягә кагыла:

Казан артистлары Буа кызы Ясминәгә ярдәм өчен онлайн-концерт оештыралар. 2 яшьлек кыз сирәкочрый торган генетик авыру белән авырый (Гофман формасы формасының 1 тибындагы мускул атрофиясе). Аның әнисе Диана сөенечле хәбәр җиткерде: аның нәниенә ярдәм йөзеннән татар эстрадасы артистлары онлайн-концерт оештыралар. Тамашачыларны билетлар өчен түләргә мәҗбүр итмиләр. Шулай ук ярдәм суммасын беркем дә билгели алмый. Тамашачылар rishat_fazliakhmetov_official Инстаграммасы аккаунтында туры эфирда узачак концертны күрәчәкләр һәм кулдан килгән сумманы күчерә алачаклар. Хәйрия концерты 28 майда 19 сәгатьтә була. Дуслар, әйдәгез, артистларның хәйрия акциясенә кушылыйк һәм балага ярдәм итик.

Һәр шәхси хуҗалыкта һәм бакча участогында диярлек хәзер алмачлар чәчәк эчендә утыралар. Алар көз көне безне мул уңыш белән сөендерсен өчен хәзердән үк кайгыртырга кирәк. Россия Фәннәр академиясе Казан фәнни-үзәгенең Татарстан фәнни-тикшеренү институты (ТатНИИСХ) галимнәре Татарстан Республикасы Авыл хуҗалыгы һәм азык-төлек министрлыгы белән берлектә татарстанлылар өчен алмагачны авырулардан һәм корткычлардан яклау буенча киңәшләр әзерләделәр.

Шулай итеп, башлыйбыз. Алмагачка зыян салучы төп корткыч - ул алма корты(плодожорка), ул урта полосада, гадәттә, бер генерациядә үрчи. Органик бакчада алма кортыннан һәм башка корткычлардан яклау өчен лепидоцид (күбәләк кортларына(гусеницаларга) каршы киң спектрдагы бактериаль препарат) һәм Фермовирин-ЯП – алма кортының вируслы гранулезы препараты кулланыла. Алма кортыннан яклауда шулай ук дезориентацияләү һәм ата кортларны вакуумлы җыю ысуллары кулланыла. Органик бакчада алма кортына каршы биопрепаратларны кыска гына вакыт эчендә дүрт-биш мәртәбә куллану максатка ярашлы.

Ел саен 26 майда Россия Эшмәкәрләре көне билгеләп үтелә. Хәзерге вакытта кече һәм урта эшмәкәрлек безнең республика икътисадының тотрыклы үсешенең аерылгысыз өлеше булып тора.

2020 елның 26 маенда (15:00) Татарстан Республикасында эшкуар көнен онлайн-форматта Татарстан Республикасы Президенты Р. Н.Миңнеханов катнашында уздыру планлаштырыла.

26 май көнне 6.45 сәгатьтә «Татарстан радиосы»нда «Яңа көн» программасы чыгачак.

Әлеге программа кысаларында Росреестрның Татарстан Республикасы буенча идарәсе эксперты Альбина Мәгъсүмова радиотыңлаучыларга яңа коронавирус инфекциясе таралуга бәйле булган чикләүләр вакытында гариза бирүчеләр белән эшләү үзенчәлекләре, хокукларны һәм кадастр исәбен алуны туктатып тору вакыты кайсы очракларда озайтылуы һәм гариза бирүчеләргә уңайлы булсын өчен кабул ителгән башка өстәмә чаралар турында сөйләячәк.

Казанда «Татарстан радиосы» 99.2 FM дулкынында хәбәр итә.

Шулай ук исегезгә төшерәбез, узган радиоэфирларның язмалары белән Росреестрның Татарстан Республикасы буенча Идарәсенең рәсми сайтында танышырга мөмкин rosreestr.tatarstan.ru «Матбугат хезмәте-радиоэфирлар» бүлегендә, шулай ук безнең Вконтактеда. vk.com/rosreestr16.

Казан сугару техникасы заводы быел Дагстан, Оренбург һәм Төньяк Кавказ республикаларына су сиптерү машиналарын җибәрүне планлаштыра. Бу хакта Татарстан Республикасы Авыл хуҗалыгы һәм азык-төлек министрлыгы башлыгы Марат Җәббаров Татарстан Республикасы Хөкүмәте Йортында узган киңәшмәдә хәбәр итте, аны Татарстан Республикасы Президенты Рөстәм Миңнеханов алып барды.

Авыл хуҗалыгы һәм азык-төлек министры 2016 елда Казан сугару техникасы заводы эшли башлавын билгеләп үтте. “Бу Россиядә киң колачлы су сиптерү машинасы эшләп чыгарыла торган өч заводның берсе һәм ул республиканың зур өстенлеге булып тора”, - диде ул.

Бу машина сугару системаларын җитештерүнең дөньякүләм алдынгы тәҗрибәсенә нигезләнеп эшләнгән һәм аның сыйфаты һәм тасвирламасы буенча чит ил аналогларыннан калышмый. Машинаның җиде секцияле стандарт озынлыгы 444 метр, ә су сиптерү мәйданы - 64 гектар.