ЯҢАЛЫКЛАР

10 октябрьдә Мәскәүдә Халыкара  агросәнәгать форумы  кысаларында  Россия Федерациясе  Авыл  хуҗалыгы  министрлыгының  төп  сәхнәсендә Татарстан  Республикасы Авыл хуҗалыгы  һәм азык-төлек  министрлыгы агросәнәгать комплексы  үсешен сыйфатлы  мәгълүмати  тәэмин  итү  өчен  бүләк алды.   

 Россия Федерациясе  авыл  хуҗалыгы  министры  киңәшчесе  Юрий Косован Татарстан  Республикасы Авыл хуҗалыгы  һәм азык-төлек  министрлыгына  җәмәгатьчелек  белән  өлкәсендә  бу  елда  күрсәткән  активлыгы,  югары  һөнәри  осталык  өчен  рәхмәт  белдерде һәм  бу  юнәлештә  эшләүдә  алга  таба  уңышлар  теләде.  

Бүләкне алган Татарстан  Республикасы авыл хуҗалыгы  һәм азык-төлек  министры  урынбасары    Марсель Мәхмүтов Татарстан  Республикасы Авыл хуҗалыгы  һәм азык-төлек  министрлыгы уңышларын  федераль дәрәҗәдә  тануның  әлеге  юнәлештә  эшләү нәтиҗәлелеген бәяләүдә мөһим критерия булуын һәм  алга  таба  тагын  да  яхшырак  эшләү өчен  стимул  бирүен билгеләп  үтте.   

10 октябрьдә  шулай  ук  агросәнәгать форумы  кысаларында   Юрий Косован агросәнәгать комплексы  өлкәсендә  төбәк  хакимиятләре  органнары  эшчәнлеген сыйфатлы  мәгълүмати  тәэмин  итү мәсьәләләре  буенча  түгәрәк  өстәл  уздырды.   Татарстан  Республикасы Авыл хуҗалыгы  һәм азык-төлек  министрлыгының Матбугат  секретаре   Роза Лотфуллина Министрлыкның матбугат  хезмәте  эше турындагы  нотык  белән  чыгыш  ясады  һәм  җәмәгатьчелек  белән  элемтә  өлкәсендә эшләү тәҗрибәсен     хезмәттәшләре  белән  бүлеште.  

“Авангард” агрофирмасында терлек азыгын мулдан әзерләү белән беррәттән, анда туклыклы матдәләрнең мөмкин кадәр күбрәк саклануы, үзкыйммәте түбән булуы турында да кайгырталар. Арпа, бодай һәм кукурузны сытып консервлауны нәкъ шул максатта куллануга алганнар да.

Җыеп әйткәндә, әлеге технологиянең өстенлеге бөртекне аның дымлылыгы 30-35 процент чагында, ягъни ике-өч атнага иртәрәк җыю мөмкин-легеннән, ындыр табагына кайтарып тору, бигрәк тә киптерү һәм чистарту кирәк булмавыннан, балавыз өлгерешендәге бөртектә туклыклы матдә-ләр күбрәк булудан, сытып консервланганның киптереп ваклатылганга караганда терлекләр тарафыннан яхшырак үзләш-терелүеннән гыйбарәт. Баш зоотехник Илдар Сә-мигуллин раславынча, сыерларга консервланган бөртек ашату тәүлеклек савымны уртача 1 килограммга арттыра.

Санлы телевидение тапшыруларын карар өчен аңа приставка һәм антенна сатып алган очракта аерым категория гражданнарга компенсация бирелә.

Моның өчен агымдагы елның 1 декабренә кадәр Буа районындагы 15 номерлы республика матди ярдәм күрсәтү үзәгенә мөрәҗәгать итәргә кирәк. Ярдәм бары тик инвалидлар, 70 яше тулган пенсионерлар гына яшәгән гаиләләргә бирелә. Икенче төп шарт булып керемнәре  җан башына 20 мең сумнан артмау тора. Сатып алган  приставка һәм антеннаның һәрберсенең бәясе 1 мең сумнан артмаска тиеш. Адрес: Буа шәһәре, Ленин урамы, 52. Телефоннар: 3-16-89, 3-17-03, 3-28-09.

“Дружба” агрофирмасының бер кырында комбайннар соңгы гектарда арпа суктыра. Янәшәдәге бодай басуында берәү башакларның өлгерүен тикшереп йөри. Баш агроном Роберт Габбазов һәр секунды санаулы булган чорда дөрес карар кылуда агрономнарның роле гаять зур булуын бик яхшы белә.

Мондый җаваплы хезмәткә алынганчы Роберт Габбазов авыл хуҗалыгында берникадәр тәҗрибә туплаган иде инде. Ә генераль директор Радик Гыйсмәтов бу вазифага тәкъдим иткәч, миннән дә тәҗрибәлерәкләр бар бит, дип, аптырап та калды. Үзе җиң сызганып эшкә кереште. Егет кечкенәдән үк авыл тормышы, андагы халыкның яшәеше белән яхшы таныш. Җирдә эшләү серләренә әтисе Ринаттан да күреп өйрәнде. Кызганыч, Ринат абый гына улының бүгенге үсешләрен күрә алмыйча, иртә дөнья куйды. Аны Иске Суыксу Выселкасы авылы халкы сагынып искә ала. Анда яшәүчеләрнең йортларын зәңгәр ягулык белән ягып җылытуга күчерде. Дүрт авылда да мәчетләр төзетүдә катнашты.

Авыл хуҗалыгы билгеләнешендәге һәм социаль  билгеләнештәге объектлар  төзүгә мөһим өлеш кертүе, күпьеллык нәтиҗәле хезмәте өчен “Татагропромстрой” акционерлык  җәмгыяте  генераль директоры Ирек  Мөнир улы Закиров  “Татарстан Республикасы алдындагы казанышлары өчен” ордены медале белән бүләкләнде.

Бүген бу хакта хәрби хезмәткә чакырылучылар көнендә Буа һәм Чүпрәле районнары хәрби комиссары Радик Төхфәтуллин хәбәр итте.
Ул булачак солдатларга, аларның әти-әниләренә үзенең киңәшләрен бирде, хәрби частьлардагы тормыш турында сөйләде. Радик Харисович сүзләренә караганда, хәзер хәрби хезмәткә чакырылучыларның сайлау мөмкинлеге бар: алар вакытлы хезмәт үтә яки контракт буенча хезмәт итә алалар. Тик контракт буенча хезмәт иткән очракта, хәрби хезмәткә чакырылучының югары яки урта махсус белеме булырга тиеш. Контракт буенча чакырылыш ел дәвамында дәвам итә. Быел контракт буенча хезмәт итәргә 10 егет киткән.

Буа муниципаль районы Кырык Садак авыл җирлегендә гомер итүче Миначева Мөкатдисә Нәгъмәтҗан кызын 90 яшьлек юбилее белән котладылар. Аңа РФ Президенты Владимир Путинның котлау хаты, чәчәкләр һәм бүләкләр тапшырылды.

Шушы көннәрдә Буа муниципаль районы Башлыгы вазыйфаларын башкаручы Ранис Камәртдинов, районның авыл хуҗалыгы һәм азык-төлек идарәсе начальнигы Рәнис Габитов белән бергә, «Дружба» агрофирмасы басуларында булды, анда аларны хуҗалык җитәкчесе Радик Гыйсмәтов каршы алды. Бу хуҗалыкта көзге чәчү 13 августта башланды, аларның мәйданы 4554 га тәшкил итә, дип хәбәр итте Буа Авыл хуҗалыгы үзәгенең үсемлекләрне саклау буенча әйдәп баручы агрономы Анна Алексеева. «Дуслык» кырларында тамыр черекләре һәм ончу чыклары табылмады - моңа уңай һава торышы һәм әйбәт алдагы культура мөмкинчелек тудырды», - диде Анна Степановна.

2019 елның 16 октябрендә 13.00 сәгатьтә «Бердәм Россия» партиясенең Буа җирле бүлекчәсе башкарма комитеты бинасында (Буа шәһәре, Ленин урамы, 52) Татарстан Республикасы Дәүләт Советы депутаты Ринат Рәүф улы Гайзатуллинның шәхси сораулары буенча гражданнарны кабул итүе була.
Белешмәләр һәм алдан язылу өчен телефоннар: 3-56-24, 8-9375-24-22-24.

"Сетевая компания" ААҖ филиалы Буа электр челтәрләре электр челтәре хуҗалыгы объектларында ремонт һәм профилактик эшләр башкаруы турында хәбәр итә, шуңа бәйле рәвештә 16 -18 октябрьдә 9.00 сәгатьтән 17 сәг. кадәр Буа шәһәренең Люксембург ур., 128,130,134,136,93, Арефьев ур., 2а, БВТ тулай торакларында, МБМББУ "Сказка", элемтә бинасы, Магнит, Резалит, Фея, Миләүшә, "Уют, "Тәмәке лавкасы", "Строймаркет", "Тургай", Зенит кибетләрендә, Космовский ур., 31,779,80, Шафранов ур., 6,8, кислород цехы, "Кызык бәяләр" кибете, Шиномонтаж, Автомойка, социаль белем бирү академиясе бинасында, Суворов ур., 1-22, Нахимов ур., 1-24, Кутузов ур., 1-22, "Шик" кибетендә ут булмаячак.