Буа шәһәренең бер мәктәбе базасында укучылар өчен язгы меню нигезендә ризык әзерләү буенча мастер-класс узды
Барлык өлкәннәр туклануның балаларыбызның сәламәтлеген билгеләүче иң мөһим факторларның берсе булуын аңлыйлар. Дөрес туклану балаларның нормаль үсешен һәм тәэмин итә, авыруларны профилактикалауга, эшкә сәләтлелекне арттыруга ярдәм итә. Сәламәт һәм дөрес туклануны оештыру мәсьәләләре соңгы вакытта бик актуаль булды, алар район, мәктәп һәм педагогик хезмәткәрләр тарафыннан гына түгел, ә ата-аналар һәм укучыларның үзләре тарафыннан да, шулай ук мәгариф учреждениеләренең азык-төлек блогы хезмәткәрләре тарафыннан да аерым игътибар таләп итә. Чөнки кулинар эшкәртү, азыкны дөрес әзерләү, бизәү мөһим әһәмияткә ия.
Шуңа бәйле рәвештә, 2021 елның 17 мартында Буа муниципаль районы мәгариф идарәсенең эш планы нигезендә Буа шәһәре лицей-интернаты базасында "АБК - Пэймент" ҖЧҖ белгечләре һәм технологлары белән берлектә мәктәп ашханәләренең пешекчеләре белән очрашу оештырылды. Технологлар эш тәҗрибәсе белән уртаклаштылар, 1-4 һәм 5-11 сыйныф укучылары өчен язгы сезонның яңа менюсы нигезендә ашамлыклар әзерләү һәм дегустация буенча мастер-класс үткәрделәр.
Чарада район мәгариф идарәсе башлыгы Наталья Македонская, ата-аналар контроле комиссиясе әгъзалары, район ата-аналар Советы рәисе Елена Юманова, мәгариф идарәсенең тәрбия эшләре буенча урынбасары Люция Исхакова, лицей-интернатның директоры һәм педагоглары катнашты.
Очрашу нәтиҗәләре буенча катнашучылар билгеләгәнчә, кайнар туклануны оештыру системасын камилләштерү эшен дәвам итәргә, укучылар белән дөрес баланслы туклану мәсьәләләре буенча белем-аңлату эшләрен оештыру һәм чаралар үткәрергә кирәк. Шулай ук мәктәп җитәкчеләренә мондый чаралар үткәрергә тәкъдим ителде, аерым алганда, меню нигезендә яраклы ризыкларны дегустацияләүне, һәм укучыларның ата-аналары белән берлектә, ризыкның тәмле генә түгел, ә сыйфат ягыннан да файдалы булырга тиешлегенә инансыннар өчен.