«Виртуаль туризм» инновацион технологиясен кертү аша өлкән яшьтәге кешеләрнең ялын оештыру эше дәвам итә.
«Демография» милли проектын гамәлгә ашыру кысаларында Буа районының «Гармония» халыкка социаль хезмәт күрсәтү комплекслы үзәгендә «Виртуаль туризм» инновацион технологиясен кертү аша өлкән яшьтәге кешеләрнең ялын оештыру эше дәвам итә.
Шул максаттан чыгып, социаль эшләр буенча белгеч Шәрипова Инга социаль хезмәтләр алучыга барды һәм республикабыз башкаласының театр дөньясына сәяхәт кылды. Виртуаль экскурсиянең максаты - төбәк һәм дөнья мәдәни мирасын берләштерү, дөньяга карашны киңәйтү, өлкән яшьтәге кешедә тарих, мәдәният һәм әйләнә-тирә дөньяга кызыксыну уяту.
Бүген мавыктыргыч сәяхәткә бардылар - Казан шәһәренең иң матур театрлары белән таныштылар һәм аларның тарихын өйрәнделәр. Экскурсия Иске Татар бистәсенең тарихи районындагы Г.Камал исемендәге Татар дәүләт академия театрыннан башланды. Алга таба В.Качалов исемендәге драма театрына, яшь тамашачының дәүләт театрына, Болактагы яшьләр театрына киттеләр. Экскурсияне «Әкият» курчак театрына «бару» белән тәмамладылар, аның бинасы әкияти замок формасында эшләнгән.
Чараны оештыручы мондый чаралар өлкән яшьтәге гражданнарның һәм инвалидларның танып-белү һәм актив ялы өчен файдалы дип саный.