Сентябрьдән түләүле медицина хезмәтләре күрсәтүнең яңа кагыйдәләре гамәлгә керәчәк

РФ Хөкүмәтенең 2023 елның 11 маендагы 736 номерлы карары белән медицина оешмалары тарафыннан түләүле медицина хезмәтләре күрсәтүнең яңа Кагыйдәләре расланды. Кагыйдәләр 1 сентябрьдә үз көченә керәчәк һәм 2012 елның шундый ук документын алыштыра.

Яңа редакция күп яктан гамәлдәге документны кабатлый, әмма берничә яңа Нигезләмәне дә үз эченә ала.

Аерым алганда, башкаручы кулланучыга җиткерергә тиеш булган мәгълүмат исемлеге актуальләштерелгән. Моннан тыш, бу мәгълүматка медицина ярдәме күрсәтүнең булган стандартларына сылтамалар һәм хезмәт күрсәтүдә кулланыла торган клиник киңәшләр кертергә тиеш. Башкаручыга шулай ук кулланучыларга мөрәҗәгатьләрне (шикаятьләрне) җибәрү формасы һәм ысуллары турында мәгълүмат җиткерү бурычы йөкләнгән.

Кулланучының медицина оешмасыннан медицина хезмәтләре өчен түләү һәм дару препаратлары сатып алу буенча чыгымнарын раслаучы документлар (шул исәптән килешү күчермәсе, салым органнары өчен штамплы рецептура бланкы, касса чегы һ.б.) сорарга хокукы каралган.

Кулланучыларның башкаручылар белән аралашуының дистанцион формалары үсеше белән бәйле рәвештә яңа кагыйдәләр Интернет челтәре аша түләүле медицина хезмәтләре күрсәтү турында килешү төзү үзенчәлекләренә багышланган бүлек белән тулыландырылды.

* мәгълүмат «Гарант» белешмә-хокукый системасын кулланып әзерләнгән