Мәҗбүри таләпләргә юл куймау турында кисәтүләр алсак, нәрсә эшләргә?
«Россия Федерациясендә дәүләт контроле (күзәтчелеге) һәм муниципаль контроль турында» 31.07.2020елның 248-ФЗ номерлы Федераль закон нигезендә Татарстан Росреестры тарафыннан җир законнарының мәҗбүри таләпләрен бозуны профилактикалауга юнәлдерелгән чаралар үткәрелә. Әлеге чаралар контроль (күзәтчелек) чаралары белән беррәттән өстенлекле булып тора һәм контрольдә тотылган затларга мәҗбүри таләпләрне һәм аларны үтәү ысулларын аңлату максатыннан үткәрелә.
Профилактика чараларының берсе-мәҗбүри таләпләрне бозуга юл куймау турында кисәтү игълан итү.
Кисәтү юридик затка, шәхси эшмәкәргә яки гражданга игълан ителергә мөмкин һәм анда контрольдә тотылган кешенең нинди конкрет гамәлләре (гамәлсезлеге) мәҗбүри таләпләрне бозуга китерергә яки китерергә мөмкинлеге турында мәгълүмат, шулай ук әлеге таләпләрне үтәүне тәэмин итү буенча чаралар күрү турында тәкъдим бар.
Мондый сәбәпләргә:
- җир кишәрлеген үз белдегең белән алу;
- кишәрлекне максатсыз куллану;
-җирләрне максатчан билгеләнеш буенча кулланырга яраклы хәлгә китерү буенча бурычларны үтәмәү;
- җирдән файдалану срокларын бозу яки рөхсәт ителмәгән объектлар булу.
Мондый мәгълүматны җирләрне куллану һәм саклау буенча дәүләт инспекторы контрольдә тотылган зат белән үзара бәйләнешсез гамәлгә ашырыла торган контроль чаралары барышында дәүләт хакимияте һәм җирле үзидарә органнарыннан, массакүләм мәгълүмат чараларыннан, "Интернет" челтәреннән, шулай ук килгән мөрәҗәгатьләрдән һәм гаризалардан ала ала.
Кисәтү мәгълүмат һәм документлар бирү таләпләрен үз эченә ала алмый, дип ассызыклыйбыз. Контрольдә тотылган кеше тарафыннан мәҗбүри таләпләрне үтәүне тәэмин итү буенча чаралар үтәлеше турында нинди дә булса мәгълүмат бирмәү КоАП нигезендә административ җаваплылыкка тартылмый.
Мондый кисәтүне алгач, иң беренче чиратта аның эчтәлеген җентекләп өйрәнергә һәм аны бирү сәбәпләрен ачыкларга кирәк. Кисәтүнең төп максаты-хокук бозуларны булдырмау. Җирдән файдаланучы җир законнарының мәҗбүри таләпләрен бозу мөмкинлеген бетерү өчен башкарылырга тиешле алга таба гамәлләрне төгәлләштерү максатыннан кисәтү биргән җирләрне куллану һәм саклау буенча дәүләт инспекторына мөрәҗәгать итәргә хокуклы.
Кисәтү игълан итү профилактик чара булып торса да һәм тәкъдимнәрне үтәмәү РФ Административ хокук бозулар кодексы нигезендә административ җаваплылыкка тартылмаса да, аны игътибарсыз калдырмаска һәм тискәре нәтиҗәләрдән саклану өчен тиешле саклык күрсәтергә киңәш итәбез!