Ранис Камартдинов буалыларны Җиңү көне белән котлый
Кадерле ветераннар! Хөрмәтле Буа районы халкы!
Сезне Бөек Ватан сугышында Җиңүнең 79 еллыгы белән котлыйм!
Җиңү көне-безнең йөрәкләрне горурлык белән тутыра торган бәйрәм. Солдатларыбызның, тыл хезмәтчәннәребезнең батырлыгы безнең өчен чын патриотизм, ныклык һәм фидакарьлек үрнәге булып тора. Җиңү көне Бөек рух һәм халыклар туганлыгы символы булып тора.
Ел саен без 9 майда геройларыбызның исемнәрен искә төшерәбез. Һәр гаилә Бөек Ватан сугышы елларында якын кешесен югалту ачысын татыган, әмма аларның батырлыклары беркайчан да онытылмаячак. Җиңү исәпсез газаплар һәм югалтулар, сугышчан батырлык һәм фидакарь хезмәт бәрабәренә яулана. Без Ватаныбызның намусын һәм бәйсезлеген яклаган, дөньяны фашизмнан азат иткән сугышчыларыбыз белән горурланабыз. Сугыш кырларында һәлак булган һәм тыныч вакытта безне ташлап киткән буалылар истәлегенә баш иябез.
Бүген Буа районында 249 ветеран яши. Шуларның 5се Бөек Ватан сугышында катнашучылар, 17се һәлак булган һәм үлгән фронтовикларның тол хатыннары һәм 227се тыл хезмәтчәннәре. Ветераннарыбыз безнең өчен илһам һәм рух чыганагы булып тора.
Җиңү Көнендә гаиләләрегезгә сәламәтлек, бәхет һәм иминлек телим. Бу Бөек бәйрәмнең мөһимлеге мәңгегә сүнмәсен. Без җиңүчеләр белән горурланабыз, аларга тиңләшәбез һәм җиңүчеләрнең лаеклы варислары булачакбыз!
Һәр йортта тынычлык һәм бәхет булсын! Бөек Җиңү көне белән!