Буа районында коррупциягә каршы тору эшен координацияләү буенча комиссия утырышы узды
Район башлыгы Ранис Камартдинов Буа муниципаль районында коррупциягә каршы тору эшен координацияләү буенча комиссия утырышын уздырды
Утырыш эшендә Буа шәһәр прокуроры ярдәмчесе Ришат Гыйззәтуллин, Буа муниципаль районы Башкарма комитеты җитәкчесе урынбасарлары, дәүләт хакимияте һәм җирле үзидарә органнары вазыйфаи затлары катнашты.
Сәламәтлек саклау, мәгариф өлкәләрендә коррупцияне профилактикалауга кагылышлы мәсьәләләр тикшерелде. Буа үзәк район хастаханәсенең баш табибы Рөстәм Сәмәрхәнов һәм Мәгариф идарәсе башлыгы Наталья Македонская учреждениеләрдә алып барылган коррупциягә каршы эшчәнлек турында сөйләделәр.
Җир кишәрлекләре бирү, җир кишәрлекләрен һәм мөлкәтен арендага бирү, сатып алу-сату, күчемсез милек объектларын сату буенча аукционнар үткәрү турында мөлкәт һәм җир мөнәсәбәтләре палатасы рәисе вазифаларын башкаручы Анастасия Таканаева хәбәр итте.
Оештыру бүлегенең баш белгече Гөлия Ибраһимова 2023 елда сайлап куелган вазыйфаи затлар, муниципаль хезмәткәрләр һәм аларның гаилә әгъзалары тарафыннан керемнәр, чыгымнар, мөлкәт һәм мөлкәти характердагы йөкләмәләр турында мәгълүмат бирү буенча башкарылган эш турында сөйләде.
Шулай ук Буа муниципаль районының Исәк авыл җирлегендә үзара салым чараларын нәтиҗәле куллану мәсьәләсе каралды. 2023 елда гражданнарның үзара салым акчалары хисабына эшләрне башкаруга муниципаль контрактларны үтәү нәтиҗәләре турында. Әлеге мәсьәлә буенча Исәк авыл җирлеге башлыгы Зөбәйдә Мөхәммәтҗанова таныштырды.
Буа муниципаль районы халкы арасында «Минем коррупциягә мөнәсәбәтем» дигән сораштыру нәтиҗәләрен яшьләр эшләре бүлеге башлыгы Рамилә Зиатдинова җиткерде.
Утырышка йомгак ясап, район башлыгы Ранис Камартдинов ассызыклаганча, һәртөрле гаделсезлек, бюрократия, түләүле хезмәтләр күрсәтү омтылышы яки мәгариф яки сәламәтлек саклау учреждениеләрендә җыемнар коррупция һәм гражданлык хокукларын бозу буларак кабул ителә. Бу гражданнарның хакимият органнарына тискәре мөрәҗәгатьләрен китереп чыгара. Коррупциягә каршы тору максатларында билгеләнгән тыюлар, чикләүләр һәм таләпләр системасын камилләштерүне, шулай ук муниципаль хезмәткәрләрнең коррупциягә каршы тәртибен формалаштыруга, җәмгыятьтә коррупциягә каршы стандартларны популярлаштыруга һәм җәмәгать хокук аңын үстерүгә юнәлдерелгән мәгърифәтчелек, мәгариф һәм башка чараларның нәтиҗәлелеген арттыруны үз эченә алган профилактик чараларга басым ясарга кирәк.