"Мамы в медиа" проектында катнашырга чакырабыз
Россия Федерациясе Президентының 2024 елда Россиядә Гаилә елын уздыру турындагы Указын үтәү һәм 2023-2030 елларга хатын – кызлар мәнфәгатьләрендә эш итүнең Милли стратегиясен гамәлгә ашыру кысаларында Татарстан Республикасы Хөкүмәте Россия Федерациясе Хезмәт һәм социаль яклау министрлыгы һәм «Төбәкләр диалогы» оешмасы белән берлектә "Мамы в медиа" белем бирү проектын башлап җибәрә.
Проект кечкенә балалары булган хатын-кызларга медиа өлкәсендә эш күнекмәләрен үзләштерергә, аннан соң стажировка үтәргә һәм республиканың медиа тармагында эш табу мөмкинлеге алырга мөмкинлек бирәчәк.
Инициатива шул исәптән хакимият органнарында һәм ММЧда мәгълүмат блогы кадрлары дефициты проблемасын хәл итүгә юнәлдерелгән, беренче чиратта, декрет ялында булган һәм өлешчә мәшгульлек шартларында һәм/яки ерак форматта эшләргә теләгән хатын-кызларны яңадан әзерләү юлы белән. Катнашучылар булып үзләрен яңа амплуада сынап карарга теләгән хакимият органнары һәм ведомство карамагындагы учреждениеләр хезмәткәрләре дә була ала.
Проект онлайн-укытуны, көндезге семинарларны (Казан шәһәрендә, Татарстан Республикасы төбәк идарәсе үзәге базасында), хакимият органнарында стажировка узуны, шулай ук эшкә урнашуда ярдәм итүне күздә тота. Үткәрү вакыты 2024 елның июленнән октябренә кадәр.
Гаризалар 17 июльдән 7 августка кадәр мамы-в-медиа.рф сайтында кабул ителәчәк. Һәр катнашучыга катнашу өчен запрос җибәрергә кирәк. Беренче чакырылыш Татарстанда яшәүче барлык хатын-кызлар өчен ачык форматта үткәрелә. Уку бушлай.