ЯҢАЛЫКЛАР
Россия Пенсия фондының Татарстан Республикасы буенча бүлеге 3 яшькә кадәрге һәм 3тән 16 яшькә кадәрге балаларга 5 һәм 10 мең сум акча түләүгә Татарстанда 770 меңнән артык бала дәгъва итә, дип хәбәр итә. Алар арасында 3 яшькә кадәрге 136 мең бала һәм 3тән 16 яшькә кадәрге 640 меңнән артык бала бар.
Бу түләүләргә, федераль бюджеттан, республика өчен 8,5 млрд. сум тирәсе акча бүлеп бирелгән.
Бүгенге көндә өч яшькә кадәрге 114 һәм 1 мең балага 1 млрд.117 млн. сум акча түләнгән. 3 яшьтән 16 яшькә кадәр балаларга түләүләр агымдагы елның 1 июненнән башлана.
Исегезгә төшерәбез, түләүне алу өчен, агымдагы елның 1 октябренә кадәр Дәүләт хезмәтләре порталында, шулай ук шәхсән КФҮ аша шәхси кабинетта гариза бирү җитә.
Исегезгә төшерәбез, түләүне алу өчен, агымдагы елның 1 октябренә кадәр Дәүләт хезмәтләре порталында, шулай ук шәхсән КФҮ аша шәхси кабинетта гариза бирү җитә.
ТАССРның 100 еллык тарихы барышында авыл хуҗалыгы аның үсешендә зур роль уйный. Авыл хуҗалыгы хезмәтчәннәре Бөек Ватан сугышы елларында тылда, фронтны һәм республика халкын тиешле продукция белән тәэмин итеп, Җиңүне якынайтып кына калмыйча, үзләренең авыр, фидакарь хезмәтләре белән Татарстанның икътисадый иминлегенә ныклы нигез дә салдылар.
Һәм бүген дә авыл хуҗалыгы продукциясе – ул стратегик ресурс, ә агросәнәгать комплексы - республика үсешендәге локомотивларның берсе. Үзенең 100 еллык тарихи юлында Татарстан нинди генә кыенлыклар белән очрашмасын, авыл хуҗалыгы тармагының эше бер генә көнгә дә туктап калмады. Бу вакыт эчендә авыл хуҗалыгына бөтен көчләрен һәм күңелләрен салып эшләүче тулы бер гаилә династияләре барлыкка килде, алар, туган җиргә булган мәхәббәтне тулыландырып, аны горурлык белән буыннан-буынга тапшыралар. Һәм бу иң тирән ихтирамга лаек.
Республика үсешенә керткән зур өлешегез өчен ихлас күңелдән ихтирам һәм рәхмәт сүзләрен җиткерәбез! Эшегездән ямь-тәм табып эшләгез, тормышыгызда муллык-иминлек булсын, сез башкарган эшләрнең нәтиҗәсе авылларыбызны үстерүгә этәргеч бирсен!
ТАССРның 100 еллыгы белән!
ТР Премьер-министры урынбасары –
ТР авыл хуҗалыгы һәм азык-төлек министры М.А. Җәббаров
27 май-Гомумроссия китапханәләр көне. Безнең район китапханәләре тарихы да бик бай. Революциягә кадәр шәһәрдә 1500 данәдән артмаган китап фонды белән 2 китапханә эшли. Буада беренче халык китапханәсе 1887 елның 1 апрелендә шәһәр идарәсе каршында оештырыла. Китапханәне карап тотуга шәһәр идарәсе тарафыннан елына 50 сум акча бүлеп бирелгән. Ул чорлар өчен шактый ук акча. 1918 елның октябрендә клуб каршында китапханә секциясе оештырыла. Аның китап фонды 1500 томнан артмаган. Беренче китапханәче Хәмитова Хаҗәр Бәшир кызы була, ул анда 1920 елның июненнән 1944 елга кадәр эшли.
Татарстанның 16 районында әче туфракны известьлауга керештеләр. Аграрийларга бу уңышны арттырырга ярдәм итәчәк.
Исегезгә төшерәбез, әче туфрак - безнең төбәккә хас һәм яхшы уңыш алуның төп лимит факторы булып тора. Әче туфракка минераль ашламалар булышмый. Башта туфракны известьларга кирәк.
Электрон култамганы куллану вузны сайлаганда укырга керүчеләрнең документларын берьюлы берничә вузга бирә ала, икенчедән, аларның кабул итү комиссиясе белән үзара бәйләнешен җиңеләйтә. Әйтик, Татарстан абитуриенты, республикадан читкә чыкмыйча, Мәскәү югары уку йортына документларын тапшыра ала. Шулай итеп, вакытка экономия - документлар да кабул итү комиссиясенә тиз эләгә, шул ук вакытта юлга да акча сарыф ителми. Вузга документларны дистанцион рәвештә бирү өчен кирәк булган барлык нәрсә-кирәкле документлар пакеты һәм керүченең электрон имза сертификаты булу.
«Татарстан Республикасында халыкка адреслы социаль ярдәм күрсәтү турында» Татарстан Республикасы Законының 82 статьясын үтәү йөзеннән, Татарстан Республикасы Министрлар Кабинеты тарафыннан «Инвалидларның аерым категорияләренә Татарстан Республикасы бюджеты акчалары исәбеннән торак урыны алу өчен торак субсидиясе (бер тапкыр бирелә торган акчалата түләү) бирү турында» 2016 елның 18 апрелендәге 236 номерлы карар кабул ителде.
Татарстан Республикасы Авыл хуҗалыгы һәм азык-төлек министрлыгы авыл хуҗалыгы җитештерүчеләренә дәүләт ярдәме чараларын алу өчен 2020 елның 1 июненә кадәр уңыш өчен кимендә бер гектарга 35 кг ашлама тупланган булуын раслый торган документлар тапшыру кирәклеген искәртә. Бу субсидия алу алу өчен билгеләнгән минималь күрсәткеч.
Субсидияләрнең максатчан билгеләнешкә ия, ягъни аларны бары тик ашламалар сатып алуга гына кулланырга мөмкин. Ашламалар төрен һәм тәэмин итүчеләрне авыл хуҗалыгы оешмалары үзләре сайлап ала.
Татарстан Республикасы Авыл хуҗалыгы һәм азык-төлек министрлыгы белешмәләренә караганда, авыл хуҗалыгын үстерүнең заманча тенденцияләре шуны күрсәтә, үсемлекләрне корткычлардан, авырулардан һәм чүп үләннәреннән интеграцияләнгән яклау чараларын куллану югары уңыш алуда зур әһәмияткә ия. Казансельмаш өр-яңа инновацион машиналар- гидростатик трансмиссияле ОС-2500М, ОС-3000М, ОС-4000М үзйөрешле сиптергечләр линиясен эшләде һәм үзләштерде, алар максималь җитештерүчәнлеккә ирешү өчен махсус эшләнгән, аларга идарә итү җиңел, аларда үсемлекләрне яклау чараларын кертү өчен югары төгәллекле система урнаштырылган.
РФ Хөкүмәтенең 24.04.2020 ел, № 576 карары белән 2020 елда федераль бюджеттан субсидияләр бирү кагыйдәләре билгеләнде.
Субсидия яңа коронавирус йогышы таралу нәтиҗәсендә килеп туган хәлне начарайту шартларында алар эшчәнлеген гамәлгә ашыруга бәйле чыгымнарны өлешчә компенсацияләү максатларында, шул исәптән 2020 елның апрель һәм май айларында үз эшчеләренең мәшгульлеген һәм хезмәт хакын саклауга бирелә.
Бүген Татарстан Республикасы-Россиянең динамик үсештәге төбәкләренең берсе. Милләтара татулык һәм диниара хезмәттәшлекнең тормыш рәвеше булуы, халыкара танылу алуы да бик мөһим. Республика, район халкы икътисадтагы казанышлары, мәдәнияттәге уңышлары, спортта җиңүләре белән горурлана ала. Бүген безгә заманнар бәйләнешен, буыннар бәйләнешен аңлау бик мөһим. Чөнки бүгенге көннең барлык казанышларының да үткәндәге ныклы нигезе бар. ТАССР тарихы нәкъ менә шушы үткәннең данлыклы сәхифәсе булып тора.