ЯҢАЛЫКЛАР

«Балалар һәм яшьләр эшләре буенча төбәкара үзәк» ("АНО РОСДЕТСТВО") автоном коммерцияле булмаган оешма «Балаларга карата дустанә булган Россия оешмалары» Милли иҗтимагый премиясен бирү өчен конкурс сайлап алулары турында хәбәр итә.

«Буа газ» эксплуатация-җитештерү идарәсе ремонт эшләре бару сәбәпле газ бирүне вакытлыча туктату турында хәбәр итә:

-18.12.2019   Күл Черкене авылында 258 абонентка, шулай ук авыл мәктәбенә, мәчеткә һәм мәдәният йортына газ бирүне туктату;

 - 19.12.2009  Карлы авылында 28 абонентка, шулай ук авыл мәктәбенә, кибеткә һәм кафега газ бирүне туктату.

Ремонт эшләрен үткәрү вакыты 8.00 сәгатьтән 16.00 сәгатькә кадәр.

Бүген, 13 декабрьдә Буа муниципаль районы Башкарма комитетының утырышлар залында Буа шәһәре муниципаль берәмлеге территориясенең бер өлешен планлаштыру проекты буенча гавами тыңлаулар узды. Тыңлауларда район башлыгының беренче урынбасары Илдар Еремеев, Буа шәһәре Башкарма комитеты җитәкчесе Олег Панцырев, Буа районы башкарма комитеты җитәкчесенең беренче урынбасары Илдус Гыйззәтов, шәһәр башлыгы урынбасары Светлана Зайцева һәм шәһәр Советы депутатлары катнашты. Планлаштыру проектын район башкарма комитетының архитектура бүлеге җитәкчесе Ринат Гыйльфанов тәкъдим итте.

Иминият взносларын фиксацияләнгән күләмдә түләүчеләр булып торалар:

- шәхси эшмәкәрләр;

- адвокатлар;

- медиаторлар;

- шәхси практика белән шөгыльләнүче нотариуслар;

- арбитраж идарәчеләре;

- бәяләүчеләр;

- патент ышанычлылары;

- КФХ башлыклары (үзләре һәм КФХ әгъзалары өчен);

- РФ законнарында билгеләнгән тәртиптә хосусый практика белән шөгыльләнүче башка затлар.

  Тавыш бирү хокукыннан 50 дән артык кеше файдаланды.

  Буада Үзбәкстан Республикасы парламенты составы өчен вакытыннан алда тавыш бирү узды. Үз сайлау хокукларыннан вакытлыча яки даими Буада яшәүчеләр файдалана алды.  Безнең районда Үзбәкстаннан килгән 100гә якын кеше законлы нигездә яши. Тавыш бирергә исемлекләрдә игълан ителгәннәрнең күбесе  килде.

   Буада мондый тавыш бирү беренче тапкыр үткәрелде. Сайлаулар Үзбәкстан Республикасының Казан шәһәрендәге Генераль консулы катнашында узды.

    Сайлаулар алдыннан Үзбәкстан Республикасы консулы Буа районы Башкарма комитеты җитәкчесе урынбасары Лилия Садретдинова белән очрашты. Ул генконсуллыкның Идел буе федераль округының 14 төбәгендәге гражданнарга хезмәт күрсәтүен, Үзбәкстан гражданнарын мәгълүматлаштыруда күрсәткән ярдәме һәм вакытыннан алда сайлауларда тавыш бирү мөмкинлеге биргән өчен район җитәкчелегенә рәхмәт белдерде.

   Үзбәкстанда парламентка сайлаулар 22 декабрьдә узачак. Ватанында тавыш бирә алмаганнар өчен сайлау участоклары яшәү урыннарында оештырылды, алар 12-18 декабрьдә Татарстанның төрле торак пунктларында ачылачак.

Казан шәһәренең Ленин урамында Мәдәни-ял итү комплексында  җәмәгать тәртибен саклау буенча «Форпост» республика яшьләр оешмаларының йомгаклау слеты узды. Тантаналы чарада яшьләр эшләре буенча министр урынбасары А.А. Захматова чыгыш ясады. Ул яшьләр хокук саклау хәрәкәтендә катнашучыларны җиңүләре белән тәбрикләде.

  Росреестр тарафыннан Россия Федерациясе Конституциясе көненә һәм дәүләт картография-геодезия хезмәте төзелүнең 100 еллыгына багышланган «Балалар Россия картасын рәсемгә төшерә» дигән Бөтенроссия балалар рәсеме конкурсы үткәрелде.

Конкурста Росреестр, аның территориаль органнары һәм ведомство карамагындагы учреждениеләр хезмәткәрләренең балалары һәм оныклары катнашты. Конкурс өч яшь категориясендә үткәрелде: кече төркем – 7 яшькә кадәр, урта төркем – 8-11 яшьлекләр, өлкәннәр – 12-14 яшьлекләр. Барлыгы 218 иҗат эше виртуаль галереяда тәкъдим ителгән.

Бу  атнада  Татарстан  Республикасы  Президенты  Рөстәм  Миңнеханов  «Ел  инженеры – 2019» республика конкурсында  җиңүчеләрне бүләкләде.   Республиканың  иң яхшы    инженерлары  арасында  – аграр  тармак  белгечләре.   

 «Тәҗрибә, казанышлар, компетентлык» номинациясендә  иң яхшы    инженер булып  Питрәч  районында  “Ак Барс” кошчылык  комплексы” ҖЧҖенең механигы    Ринат Гизетдинов танылды,  ә  «Яшьлек, уңыш, перспектива» номинациясендә  Казан  дәүләт  аграр  университетының “Техника өлкәсе иминлеге” («Техносферная безопасность»)  кафедрасы  доценты  Фәнис Яруллин иң яхшы дип танылды.

Бүген  Буа муниципаль районы Советының 48 нче утырышы узды, аның барышында депутатлар карары белән 2020 елга һәм 2021 һәм 2022 елларның план чорына район бюджеты расланды.

Бүген, 12 декабрьдә, Буа муниципаль районы Башкарма комитетының утырышлар залында район җитәкчесе, «БЕРДӘМ РОССИЯ» партиясенең җирле бүлекчәсе секретаре Ранис Камартдинов кулыннан яшь гражданнарга Россия Федерациясе паспортларын тапшыру тантанасы булды.

  Чара Яшь гвардиянең  «Гражданлык сәгате» проекты кысаларында партиянең җирле бүлеге тарафыннан тәкъдим ителде, бу вакыйга, чыннан да, игътибарга лаек, чөнки тантана Россия Федерациясе Конституциясе көненең мөһим дәүләт бәйрәме көнендә узды.

  Ранис Рафис улы яшь буалыларны истәлекле вакыйга белән котлады, аларга лаеклы һәм горурлык белән Россия гражданины исемен йөртүләрен теләде. Ул Россия Эчке эшләр министрлыгының Буа районы буенча бүлегенең миграция мәсьәләләре бүлеге начальнигы Гөлия Заһидуллина белән бергә 14 яшен тутырган яшүсмерләргә тормышларындагы төп документны- паспортларын  тапшырдылар.