ЯҢАЛЫКЛАР
Пандемиягә бәйле рәвештә җитештерүнең кайбер тармакларында һәм хезмәтләр күрсәтү өлкәсендә икътисадый активлык кимү аркасында шәһәр халкының шактые эшсез калырга мөмкин. Шәһәр халкын сезонлы эшләр белән тәэмин итү мөмкинлеген исәпкә алып, эш бирүчеләр белән хезмәт мөнәсәбәтләрен оештыру максатында, Татарстан Республикасы Авыл хуҗалыгы һәм азык-төлек министрлыгы тарафыннан “АВЫЛГА ҖӘЙГЕ ЭШКӘ – 2020” чакыру игълан ителде.
Күпьеллык нәтиҗәле хезмәте, республикада ветераннар хәрәкәтен үстерүгә керткән өлеше өчен «Республика медицина китапханә-мәгълүмат үзәге» дәүләт автоном учреждениесе директорының гомуми мәсьәләләре буенча урынбасары, Татарстан Республикасы сәламәтлек саклау ветераннары советы рәисе Садыйков Наил Сәләх улына Татарстан Республикасы Президентының Рәхмәте белдерелде.
Татарстан Республикасы Хөкүмәте Йортында узган киңәшмәдә бүген Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров Татарстан Республикасында язгы кыр эшләренең барышы турында мәгълүмат бирде.
Быел районда чәчүгә 1 апрельдә керештеләр. Хәтта зур стажлы авыл хуҗалыгы хезмәтчәннәре дә, язгы чәчүгә болай иртә керешкәннәрен хәтерләмиләр, диләр.Чәчүгә беренчеләрдән булып «Авангард» агрофирмасының, «АгроНур» җәмгыяте һәм «Ембулатово» җитештерү кооперативы чыкты.
Буа драма театры төзелеше.
Буа драма театры бинасының уңайлы залы 200 урынга исәпләнгән, шәһәр үзәгендә урнашкан. Янәшәдә генә музей- каршында фонтан, аркалы шәһәр паркы. Ерак түгел алтын гөмбәзле православие храмы. Уңайлы, тыныч җирлек.
Асылда, 100 еллык тарихы булган, 50нче елларда яшәүдән туктаган театр, Татарстан Президенты Минтимер Шәймиевнең «Театр булырга тиеш!» дигән ихтыярлы карары белән 2007 елда яңадан ачыла. Коллективны шунда ук Раил Садриев җитәкли, хәзерге вакытта да ул театрның директоры һәм сәнгать җитәкчесе. Аның сөйләвенчә, беренче спектакльне татар труппасы Буада 1917 елның маенда уйнаган. Хәер, императорга Сембер губернасының Буа өязе территориясендә (ул чакта Буа аңа карый) татар телендә спектакльләр уйнау үтенече моңа кадәр ике ел алдан җибәрелгән булса да, тик рөхсәт булмый. Февраль революциясеннән соң Керенский көтмәгәндә бу рөхсәтне бирә. «Ул бит тумышы белән Сембердән булган, якташ, бәлки, шуңа рөхсәт иткәндер дә», - ди Раил Садриев.
Бүген Буа муниципаль районы җитәкчесе Ранис Камартдинов киңәшмәдә Буа муниципаль районы Башкарма комитеты җитәкчесенең яңа урынбасарын тәкъдим итте. Ул-Мифтахов Фәнис Фәриз улы.
Бүгенге көнгә кадәр Фәнис Фәризович "Милек һәм җир мөнәсәбәтләре палатасы" МКУ җитәкчесе булып эшләде.
Аңа һөнәри осталыгында уңышлар телибез.
Татарстан Президенты Рөстәм Миңнеханов Instagramда гаилә көнкүрешенең рәсемнәрен бастырып чыгарды, аларны #Оставайтесьдома хэштегы белән билгеләде.
Предприятие һәм оешма җитәкчеләре, сәүдә фирмалары һәм челтәрләре директорлары, эшмәкәрләр һәм яхшы кешеләр игътибарына!
Сездән аз керемле гаиләләрдәге балаларны дистанцион укыту өчен шартлар тудыруга кулдан килгәнчә ярдәм итүегезне сорыйбыз - файдаланылмый торган компьютерлар, ноутбуклар, смартфоннар, гаджетларны үз мәктәбегезгә алып килүегезне, интернет-трафикны түләвегезне сорыйбыз. Сезнең запас мобиль телефоннар, мониторлар, клавиатура, тычканы, веб-камералар, наушниклары һәм дистанцион
укыту өчен яраклы башка техник кирәк-ярагыгыз булса, мәктәпкә биреп, балаларга ярдәм итә аласыз.
Белешмә мәгълүматны «Буа муниципаль районы мәгариф идарәсе» МКУдә (84374) 3 27 02 телефоны буенча алырга мөмкин.
Татарстан Хөкүмәте Татарстан Республикасында яңа коронавирус инфекциясе таралуны булдырмау чаралары турында карарның яңа вариантын бастырып чыгарды. Хәзер документка зиратларга баруны тыю да, аларның кайбер чикләүләре булган күп функцияле үзәкләр (КФҮ) эшенә рөхсәт тә кертелгән.
Бу экскурсиядә патша чорыннан безнең көннәргә кадәр - агач көймәләрдән, кул насосларыннан һәм ат арбасындагы мичләрдән хәзерге катерларга, коткару машиналарыннан, янгын махсус техникасы һәм авиациядәге коткару технологияләре үзгәрәше чагыла. Уникаль архив документлары, тарихи вакыйгалар һәм коткару системасы эволюциясенең мөһим фактлары күрсәтелә. Бер буынны икенче буын коткаручылары алмаштыра. Янгын-коткару эшенә мөнәсәбәт кенә үзгәрми: элеккеге кебек үк, безнең республика халкын яклауда торучылар бәла-казага тарыган кешеләргә һәрвакыт ярдәмгә килергә әзер!