ЯҢАЛЫКЛАР
Элегрәк анонслаганча, Татарстан Республикасы буенча Росреестр Идарәсендә бу атнада "кайнар линия" эшли башлады, гражданнар дәүләт теркәве туктатылган очракта, аларга нәрсә эшләргә кирәклеген һәм сәбәпләрен 2020 елның 30 апреленә кадәр бетерергә кирәклеген белә алачак. Исегезгә төшерәбез, әлеге кайнар линияне апрель дәвамында көн саен 8.00 дән 12.00 гә кадәр һәм 13.00 дән 17.00 гә кадәр үткәрү планлаштырыла
Бүген, 9 апрельдә 15.00 сәгатьтә Татарстан яшьләр эшләре министры Дамир Фәттахов Инстаграмда үзенең рәсми аккаунтында туры эфирда чыгыш ясаячак.
Онлайн-трансляция барышында министр яшьләр кызыксындырган сорауларга җавап бирәчәк. Әңгәмә республика министрлыгы ничек итеп үз-үзен изоляцияләү шартларында һәм ул төгәлләнгәннән соң яшь кешеләргә ярдәм итә алуы темасына җавап-сорау форматында узачак.
Эфир «Яшьләр вакыты: яшьләр өчен кризиска каршы чаралар» дип атала. Теләге булган һәркем әңгәмә вакытында кушыла һәм актуаль темага үз сорауларын бирә ала.
Россия Хөкүмәте салымнар түләү һәм салым хисаплылыгын тапшыру срокларын күчерде
Татарстан Республикасы Дәүләт Советының "Мәрхәмәт - Милосердие" хатын - кыз депутатлар берләшмәсе 14 апрельдә 9:00 сәгатьтән 17:00 сәгатькә кадәр үз-үзен изоляцияләү режимы чорында авыр тормыш хәлләренә юлыккан хатын-кызлар өчен телефон аша "Хатын-кыз игътибары" кайнар линиясен оештыра.
“Кайнар линия” телефоны: 8(800) 201-16-00.
Татарстан халкы Россия Федерациясе Авыл хуҗалыгы министрлыгы тарафыннан эшләнгән ташламалы авыл ипотекасы программасына актив кушылды. Ипотеканы, авыл җирлегендә эшләвенә һәм яшәвенә бәйсез рәвештә, Россия Федерациясенең 21 яшьтән 65 яшькә кадәрге теләсә кайсы гражданы алырга мөмкин. Мәс., авылга күченергә теләүче. Әмма төзелеш объекты яисә җир бары тик авыл территорияләрендә генә булырга тиеш, боларга авыллар, поселоклар һәм авыл агломерацияләре, ягъни халкы 30 мең кешегә кадәр булган шәһәр тибындагы поселоклар һәм кечкенә шәһәрләр керә. Мәсәлән, Әгерҗе, Аксубай, Апас, Арча, Буа, Лаеш, Минзәлә районнары һәм башкалар.
Татарстан авыл хуҗалыгы җитештерүчеләренә Татарстан һәм Россия бюджетыннан бу елның гыйнвар һәм февраль айларында сатылган сөт өчен 1,2 млрд сум күләмендә субсидияләр күчерелде.
Эпидемиологик хәл аркасында мәдәният учреждениеләренә килүчеләрнең керүе вакытлыча туктатылды. Әмма буалыларга борчылырга кирәкми. Буа туган якны өйрәнү музеенда районыбызның 2 гасырлык тарихына багышланган видеоэкскурсиясе буенча өйрәнү өчен уникаль мөмкинлек барлыкка килде.
Фильм 3 өлештән тора. Без буалылар игътибарына «Гасырлар тирәнлегеннән " дигән беренче фильм тәкъдим итәбез. Сылтамасы-https://vk.com/video-160003293_456239041
Үз-үзеңне изоляцияләү һәм коронавирус инфекциясе таралуны профилактикалау чорында социаль хезмәткәрләрнең һәм волонтерларның роле кискен артты. Алар эшенең зур социаль әһәмиятен югары бәяләп, «Пятерочка» сәүдә челтәре карантинлы чаралар һәм үз-үзеңне изоляцияләү чорында волонтерлар һәм социаль хезмәткәрләр өчен ташламалар бирү турында игълан итте.
Татарстан Республикасы Авыл хуҗалыгы һәм азык-төлек министрлыгы 2020 елда матди-техник базаны ныгытуга грант бирү өчен авыл хуҗалыгы кулланучылар кооперативларын сайлап алу конкурсы башлануы турында игълан итә.
Бер кооперативка грантның максималь суммасы – 70 млн сум. Грант акчаларын авыл хуҗалыгы продукциясен әзерләү, саклау объектларын, махсуслаштырылган транспорт һ.б.ларны сатып алу, төзү яисә аларны модернизацияләү өчен кулланырга мөмкин.
Заявкалар һәм документлар ябык конвертта Татарстан Республикасы Авыл хуҗалыгы һәм азык-төлек министрлыгы белгечләре тарафыннан 2020 елның 8 апреленнән 7 маена кадәр түбәндәге адрес буенча кабул ителә: Татарстан Республикасы, Казан шәһәре, Федосеев ур., 36 йорт. Консультацияләр өчен телефон: (843)221-76-88 (өстәмә: 8841, 8842).
Грант бирү тәртибе һәм документлар формалары Министрлыкның рәсми сайтында урнаштырылган һәм сылтамадан да файдаланырга мөмкин.
Иртәгә, 9 апрельдә, хезмәткәрләр эш бирүченең хезмәт хокукларын үтәмәве турында хәбәр итә ала, шулай ук хезмәткәрләр һәм эш бирүчеләр хезмәт законнарын куллану тәртибе турында онлайн-консультация ала алалар, шул исәптән дистанцион режимга күчкәндә һәм өйдә эшкә күчкәндә, гади яллар керткәндә һ.б. лар. Туры эфир Татарстанда COVID-19га каршы көрәш штабының рәсми сайтында stopcovid19.tatarstan. узачак. Башлана 10.00 сәгатьтә. Сорауларны stopcovid19.tatarstan. директона юлларга мөмкин.