ЯҢАЛЫКЛАР
Бүген, 21 гыйнвар көнне Шәһәрнең мәдәни үсеш үзәгендә предприятие, оешма, учреждение җитәкчеләре һәм авыл җирлекләре башлыклары белән киләсе елда беренче киңәшмә узды.
Эшче киңәшмә конкурслар һәм ярышлар җиңүчеләрен бүләкләүдән, шулай ук яңа билгеләнешләр турында белдерүдән башланды.
Район башлыгы Марат Җәббаров күпьеллык нәтиҗәле хезмәте һәм яшьләргә хәрби-патриотик тәрбия бирүгә зур өлеш керткәне өчен республиканың Буа һәм Чүпрәле районнары хәрби комиссары Радик Төхфәтуллинга Татарстан Республикасы Министрлар Кабинетының Рәхмәт хатын тапшырды, югары һөнәри казанышлары өчен «Татмедиа» АҖ хезмәткәрләренә Ранис Әхмәтшинга һәм Илсөяр Мөхәммәтҗановага Россия Журналистлар берлегенең Мактау грамоталарын тапшырды. 2018 елдагы эш нәтиҗәләре буенча җирлекләр рейтингында 1 урын өчен 15000 сумлык сертификат белән җирлек башлыгы Гөлчәчәк Булатова җитәкчелегендәге Нурлат авыл җирлеге бүләкләнде. Шулай ук халыкара, бөтенроссия музыкаль конкурсларда һәм спорт ярышларында призлы урыннар алган район укучылары да котлау һәм бүләкләр алдылар.
Аннары киңәшмә кысаларында 2018 елда авыл җирлекләре эше нәтиҗәләре буенча мәсьәләләр турында фикер алыштылар. Буа РЭСы начальнигы Виктор Быченков катнашучыларны предприятиенең 2018 елдагы эш нәтиҗәләре һәм 2019 елга планнары, 2019 елга планнар белән таныштырды, Буа шәһәре идарәче компаниясе ҖЧҖ эше турындагы хисап белән Виктор Мясников чыгыш ясады. Шулай ук шәһәрне Яңа ел белән бизәү, уздырылган Яңа ел чаралары, үзара салым акчаларын җыю һәм урамнарны кардан чистарту мәсьәләләре дә күтәрелде. Киңәшмә ахырында Россия Эчке эшләр министрлыгының Буа муниципаль районы буенча бүлеге начальнигы Ренат Хәсәнов Буа районының һәм Буа шәһәренең оператив хәле турында сөйләде.
Буа шәһәренең халыкны эш белән тәэмин итү үзәге 25 гыйнварда 13:00 сәгатьтә вакантлы эш һәм уку урыннары ярминкәсе үткәрә. Ярминкә Буа шәһәре, Комсомольская урамы, 32 нче йорт адресы буенча үткәрелә ("Буа медицина училищесы" ДАҺБУ бинасында) белешмәләр өчен 8 (84374) 3-21-15 телефоны буенча мөрәҗәгать итәргә була
Хәзер беренче катның бер генә бинасыннан кибет, чәчтараш, элемтә салоны яки башка кече предприятие булмаган биеклекләрне сирәк очратырга мөмкин. Әмма яңа төзелешләрдә беренче катлардагы биналар бизнес өчен проектлана икән, иске күпкатлы йортларда моның өчен гадәти фатирлар сатып алына. Һәм күпчелек очракта эшмәкәрлек эшчәнлеген алып бару өчен торак булмаган биналарны яңадан планлаштыру таләп ителә. «Безгә торак булмаган бинаны үзгәртеп планлаштыруны ничек тормышка ашыру һәм рәсмиләштерү буенча бик күп мөрәҗәгатьләр килде. Бу мәсьәлә һәрвакыт проблемалы мәсьәлә булды, чөнки элек яңадан планлаштыру мөмкинлеге дә закон тарафыннан каралмаган иде
2019 елның 18 гыйнварында Буа шәһәренең "Аленушка" балалар бакчасында "Россиянең Ел тәрбиячесе – 2019" һөнәри осталык конкурсының муниципаль этабы тәмамланды. Конкурс нәтиҗәләре буенча: 1 урын – Ельчиева Екатерина Андреевна, «АБВГДЕЙКа» балалар бакчасының музыка җитәкчесе, 2 урын-Сафиуллина Ильвира Әсфир кызы, «Светофорик» балалар бакчасы тәрбиячесе, 3 урын – Абдуллина Гөлия Гаравдин кызы, «Әкият» балалар бакчасының педагог-психологы. Буа муниципаль районы данын «Россиянең Ел тәрбиячесе – 2019» һөнәри осталык конкурсының зона этабында"АБВГДЕЙКа" балалар бакчасының музыка җитәкчесе Ельчиева Е. А. һәм «Светофорик» балалар бакчасы тәрбиячесе Сафиуллина И. А. яклаячак.
Аларга уңышлар телик!!
Җәй Адав-Толымбайда узган пленэр-симпозиумда рәссамнар авылның кышкы табигатен дә ясарга сүз куешканнар иде. Яңа елдан алар Толымбайга әйләнеп кайттылар.
Урамда күз ачмаслык буран. Рәссамнар мольберт-буяуларын ышыккарак куеп, кышкы күренешне ясый. Без ерак түгел кар эчендә калган иске авыл йортын тасвирлаучы хатын-кыз янына тукталдык. Наилә Нигъмәтҗанова Чистай шәһәреннән килгән. Туган ягында шәхси студиясе дә бар. Бүген кар эчендә калган авылны ясый. Җил, көчәеп, әле рамага беркетелгән тукыманы каера, әле яңа гына сызган буяу өстенә юеш кар көртләре китереп сылый. Әңгәмәдәшебез шундый һава торышы шартларында эшләү процессының әйтеп бетергесез рәхәтлеге турында сөйли:
Шушы көннәрдә, 16 гыйнварда Буа муниципаль районында ТР Эчке эшләр Министрлыгының Миграция мәсьәләләре буенча идарә башлыгы Артем Кузнецов булып китте. Эшлекле визит барышында ул Буа хезмәттәшләренең узган елгы эшчәнлегенә йомгак ясауда катнашты, шулай ук алдынгы хезмәткәрләрне бүләкләде, ветераннарны лаеклы ялга озатты
Ел башыннан автогражданлык җаваплылыгын мәҗбүри иминиятләштерүдә (ОСАГО) яңалыклар керде. Тарифлар гына үзгәреп калмады, полис бәясен исәпләп чыгаруга якын килү дә башкача булачак. Автомобильчеләрнең кайсылары отачак, кемнәргә күбрәк чыгым тотарга туры киләчәк?
Анжела Вавилова исемендәге фонд һәм Казанның хоспис җитәкчесе Владимир Вавилов бер төркем табиблар белән Буага килде шушы көннәрдә. Районнардагы беренчел звено медицина хезмәткәрләрен – авыл фельдшерларын, участок педиатрларын, терапевтларны авыр хәлдәге пациентларның хәлен җиңеләйтү буенча комплекслы паллиатив ярдәм күрсәтергә өйрәтү ниятендә.
Крещение-христианнар тарафыннан Раштуа бәйрәменнән дә ким булмаган тантаналы рәвештә билгеләп үтелә торган иң зур бәйрәмнәрнең берсе. Буа муниципаль районы башлыгы Җаббаров Марат Азат улы барлык православие христианнарын бәйрәм белән котлый: «Хөрмәтле буалылар, православие христианнары! ⠀ Сезне чын күңелдән Крещение бәйрәме белән котлыйм! Бу матур һәм якты бәйрәм православие христианының һәр бәйрәме өчен иң мөһим бәйрәмнәрнең берсе булып тора. ⠀ Сезгә һәм якыннарыгызга нык сәламәтлек, бәхет,эшегездә уңышлар һәм бетмәс-төкәнмәс тормыш энергиясе телим. ⠀ Сезне кайгы-борчулар узып китсен, ә өйдә тынычлык, татулык һәм мәхәббәт хөкем сөрсен!» ⠀
Буа районы Боерган мәктәбенең ата-аналар комитеты Чүпрәле муниципаль районында узучы "Дус сыйныф серләре" республика конкурсының зона этабында җиңүче булды. Актив ата-аналарга конкурсның финал этабында уңышлар телибез