ЯҢАЛЫКЛАР
Юл хәрәкәте иминлеге буенча муниципаль хезмәткәрләр Эльвина Санатуллина һәм Рөстәм Хуҗиев, Казан шәһәренең "Юл хәрәкәте иминлеге" ДБУ профилактика бүлегенең Буа бүлекчәсе әйдәп баручы белгече Сиринә Мурзакова һәм ЮХИДИ инспекторы Алмаз Кәримов лицей-интернатның яшь юл хәрәкәте инспекторлары отряды белән берлектә яктылыкны чагылдыручы элементлар популярлаштыру буенча рейд үткәрделәр.
Бүген, 11 декабрь көнне Буа шәһәренең "АБВГДЕЙКа" балалар бакчасында тәрбияләнүчеләр Буа станциясенең хәрби һәм Хезмәт даны бүлмә-музеенда булдылар. Музей җитәкчеләре Нигматуллиннар Илгиз Фәйзер улы һәм Татьяна Николаевна экскурсия барышында балаларны Буа тимер юлы тарихы белән таныштырдылар, буалыларның Сталинград сугышында җиңү өчен стратегик әһәмияткә ия булган, шулай ук Бөек Ватан сугышында Җиңү якынлашуына өлеш керткән Свияжск – Ульяновск тимер юл линиясе турында сөйләделәр.
Балалар зур кызыксыну белән сөйләгәнне тыңладылар, агач күпер, тимер юл макетларын, борынгы предметларны һәм вокзалның иске бинасы, йортларның фоторәсемнәрен карадылар. Викторинада катнашып алар үзләренең белемнәрен күрсәттеләр, соңыннан музей җитәкчелегеннән грамота һәм истәлекле бүләкләр алдылар.
2018 елның 12 декабрендә «Бердәм РОССИЯ» партиясенең Буа җирле бүлекчәсе җәмәгатьчелекне кабул итү бүлмәсендә Буа шәһәре, Ленин урамы, 52 нче йорт адресы буенча Россия Федерациясе Конституциясе көне уңаеннан, халыкка чираттагы Бөтенроссия түләүсез юридик ярдәм көне үткәрелә.
08.00 сәгатьтән 09.30 сәгатькә кадәр - Пенсия фонды белгече Гәрәева Рузия Тәлгать кызы кабул итә
09.30 сәгатьтән 11.00 сәгатькә кадәр-суд приставы Насыйров Эльмир Кямиль улы
11.00 дән 12.30 га кадәр - нотариус Юровская Инна Виктор кызы
12: 30-14.00 - «Татарстан Республикасы БТИ " АҖ Буа бүлекчәсе җитәкчесе Таҗиев Азат Зөбәрҗәт улы
14:00дән 15: 30га кадәр - адвокат Әхмәтҗанов Руслан Рөстәм улы
Алдан язылу өчен телефон: 3-44-29.
Татарстанлылар ТР буенча Кадастр палатасында 60 меңнән артык документ алмаган. «Мондый күп документлар тулы булмаган ике ел эчендә тупланган. Кешеләр ниндидер сәбәпләр аркасында сату-алу, бүләк итү, банк закладлары, таныклык һәм тд. килешүләрен алырга "оныталар",-дип сөйләде ТР буенча Кадастр палатасы директоры урынбасары Юлия Шпалитова.
12 декабрьдә Росреестрның Татарстан Республикасы буенча идарәсенең килешүләрне дәүләт теркәве һәм физик затларның хокукларын күчү бүлеге башлыгы Галина Гончарова иртәнге "Исәнмесез! " мәгълүмати-танып-белү программасының махсус кунагы булачак."ТНВ" телеканалында.
Аудиопроект Татарстан Президенты Рөстәм Миңнеханов ярдәме белән үткәрелә. Проектны гамәлгә ашыру республика җитәкчелеге һәм Республика матбугат һәм массакүләм коммуникацияләр агентлыгы ярдәме белән мөмкин булды.
Проект өстендә эшләү иң кызу чагы һәм инде хәзер үк www.tatkniga.ru сайттында Габдулла Тукайның легендар әкият әсәрләрен бушлай тыңларга мөмкин, ә якын арада М. Җәлил, Дердменд, Ф. Әмирхан, Ә. Еники, Г. Ибраһимов, татар халык әкиятләре һәм башкалар кебек легендар татар авторларының аудиокитаплары дөнья күрәчәк.
Заманча технологияләр һәм «Интернет» челтәре үсеше халыкка аралашу, күңел ачу, төрле товарлар һәм хезмәтләр эзләү өчен киң мөмкинлекләр ача. Кызганычка каршы, бу технологияләр һәрвакытта да яхшы кулланыла. Хәзерге вакытта кулланучыны алдау өчен уйлап чыгарылган хәйләләр бик күп.
Граңданнарны алдау өчен мошенниклар төрле ысуллар кулланалар, шул ук вакытта мобиль элемтә чаралары, төрле интернет ресурслар кебек социаль челтәрләр һәм бушлай игъланнар сайтларын куланалар.
Чаңгы базасында егетләр һәм кызлар арасында Ватан Геройлары көненә багышланган "Яшьлек" балалар һәм яшүсмерләр спорт мәктәбенең ачык шәхси беренчелеге узды. Ярышлар нәтиҗәләре буенча 2002 елда туган егетләр арасында 1 урынны Буа шәһәренең 2 нче лицее укучысы Семен Тарасов, 2 урынны Буа ветеринария техникумы студенты Данил Сидоров алды. 2001-2002 елгы кызлар арасында 1 урын Алия Сөләйманова, 2 нче лицей укучысы, 2 урын Карина Александрова. 2003 һәм аннан яшьрәк егетләр арасында 1 урын Сергей Никоноров, 2 урын Константин Сайкин, 3 урын Михаил Андреев. 2003 һәм аннан яшьрәк кызлар арасында 1 урынны Адав - Толымбай мәктәбеннән Елизавета Казначеева, 2 урынны Вәсилә Җаббарова алды. 3 урын-Светлана Сайкина. 2000 һәм аннан өлкәнрәк ир - атлар: 1урын Сергей Трофимов, 2 урын - Инсаф Гыймалетдинов, 3 урын-юрист Иванов. 2000 һәм аннан өлкәнрәк хатын-кызлар: 1урын Татьяна Иванова алды.
Татарстан Республикасы (Татарстан) буенча Роспотребнадзор идарәсенең Буа, Чүпрәле, Тәтеш, Апас районы территориаль бүлеге 2018 елның 10 декабреннән 21 декабренә кадәр балалар товарлары сыйфаты һәм куркынычсызлыгы, Яңа ел бүләкләре сайлау мәсьәләләре буенча «кайнар линия» эше турында хәбәр итә. «Кайнар линия» гә җирле вакытның 8дән 17 сәгатькә кадәр 3-17-04, 3-52-89 телефоннары буенча мөрәҗәгать итәргә мөмкин.