ЯҢАЛЫКЛАР

Парфюмерия-берәр нәрсәне ароматлаштыру өчен кулланыла торган әйберләр җыелмасы. Гадәттә парфюмерия әйберләре оча торган ароматлы матдәләрнең сыек эремәләре булып тора.

Парфюмериянең барлык төрләре, нигездә, ароматик концентраттан, спирт һәм судан тора һәм бары тик бу компонентлар белән генә аерыла.

Парфюмерия составында буяулар һәм антиоксидантлар аз микъдары рөхсәт ителә, алар парфюм исенә берничек тә йогынты ясамый.

Төрле илләрдә төрле парфюмериянең төрле төрләре өчен хуш ис бирү матдәләре концентрациясе нормалары төрле, әмма һәрвакыт билгеле бер чикләрдә.

Ахыргы продукт төренә карап парфюмерия төрләре бүленә:

· сыек;

· каты;

· порошок.

Духи, гигиена һәм бәдрәф суы, одеколон һ.б. сыек төр парфюмер продукциягә карый.

Буа муниципаль районы башлыгы Рәнис Камартдинов җитәкчелегендәге  комиссия кышын юлларны кардан чистартуда катнашачак техниканың торышын тикшерде. "Татавтодор" һәм "Буа МПП ЖКХ" АҖ (инженерлык челтәрләре) кышка тулысынча әзер. Быел юлларны  29 берәмлек коммуналь техника чистартачак, моннан тыш, 14 мең тонна ком-тоз катнашмасы әзерләнгән. Техника белән тәҗрибәле эшчеләр идарә итәчәк. Кирәк булган очракта, дежур бригада эш урынында тәүлек буе эшләячәк.

«Көзге каникуллар» профилактик чарасы кысаларында юл хәрәкәте куркынычсызлыгы дәүләт бюджет учреждениесенең Казан шәһәрендәге Буа бүлеге башлыгы Мурзакова С.М. һәм әйдәп баручы белгече Санатуллина Э. И. мәктәп яны лагерендә ял итүче «Татарстан Республикасы Буа шәһәре Лицей-интернаты» укучылары белән юл хәрәкәте иминлеге буенча чара үткәрделәр. Балаларга яктылык кайтаручы элементларның билгеләнеше, юл йөрү өлешендә һәм ишегалдында үз-үзеңне тоту кагыйдәләре турында искә төшерделәр.

Татарстан Министрлар кабинеты яңа коронавирус йогышы аркасында 31 октябрьдән кертелгән чикләүләрне төзәтте. Торак пунктлардан читтә урнашкан юл сервисы объектларында тәүлек әйләнәсе җәмәгать туклануы хезмәте күрсәтергә рөхсәт иттеләр. Бу хакта бүген ТР премьер-министры Алексей Песошин ТР Хөкүмәт йортында узган республика киңәшмәсендә белдерде. Документ бүген үз көченә керә.

Татарстан Республикасы буенча Росреестр идарәсе региональ хөкүмәт белән берлектә Күчемсез милекнең бердәм дәүләт реестрын тулы һәм төгәл белешмәләр белән тутыру буенча «Юл картасы»н тормышка ашыра башлады. Чаралар планы агымдагы елның августында расланган һәм 2023 ел ахырына кадәр исәпләнгән.

«Юл картасы»  бердәм дәүләт мәгълүмат системасын административ-территориаль берәмлекләр, территориаль зоналар, җир кишәрлекләре һәм башка күчемсез милек объектлары чикләре турында белешмәләр белән тулыландыру, урман фонды, авыл хуҗалыгы билгеләнешендәге җирләр, махсус сакланыла торган территорияләр турындагы мәгълүматларны анализлау һәм чагыштыру буенча чаралар үткәрүне күздә тота.

Әйтик, хәзерге вакытта Татарстанда бердәм дәүләт реестрында 4 млн 300 меңнән артык күчемсез милек объекты турында мәгълүмат бар. Шул ук вакытта 920 меңнән артык хокукка ия булучылар турында мәгълүмат юк: аларның 500 меңнән артыгы – биналар һәм корылмалар, 400 меңгә якыны – җир кишәрлекләре.

 Бу бәйгедә катнашучылар өчен тавыш бирү 2 ноябрҗ1)ән башланды.

Буа районыннын конкурста катнашалар:

Малышева И.В.- Боерган авыл җирлеге башлыгы-  тавыш бирү өчен сылтама: http://визиткаруководителя.рф/lenta/users/id=62286 

"Әхмәт электромеханика заводы"  ЯАҖ җитәкчесе- Хәбибҗанов Э.М. тавыш бирү өчен сылтама:  http://визиткаруководителя.рф/lenta/users/id=62267 

“Светофорик" балалар бакчасы мөдире - Рахматуллина Г.И. тавыш бирү өчен сылтама: http://визиткаруководителя.рф/lenta/users/id=62349 

"Ромашка" балалар бакчасы мөдире - Закирова Ф.Д. тавыш бирү өчен сылтама http://визиткаруководителя.рф/lenta/users/id=62454 

Барлык катнашучылар белән тулырак танышып   конкурсының рәсми сайтына түбәндәге сылтама буенча кереп үз тавышыңны бирергә мөмкин: http://визиткаруководителя.рф/main/search/users

Татарстан Республикасы Буа районының Яңаул авылында сугыш турында ишетеп кенә белмәгән  - фронтовик-укытучы Әнвәр Борһан улы Низамов яши. 15 октябрьдә аңа 96 яшь тулды. Яшенә карамастан, ул авыр елларны, аның белдерүенчә, бик вак-төяк нечкәлекләренә кадәр хәтерли. Туган авылы Югары Наратбаш авылыннан Прагага кадәр фронтка юл географик картада кызыл карандаш белән билгеләнгән, ә истәлекләр Әнвәр Борһановичның 70 елдан артык саклана торган гади мәктәп дәфтәренә язылган.

- Безне.17 яшьлек егетләрне  1942 елның 23 августында сугышка алдылар. Бер көнне авылдан 11 кеше сугышка киттек, - дип сөйли әңгәмәдәшем. - Башта ат белән Тәтеш шәһәренә, аннары пароходта Горькийга бардык. Ул вакытта немец самолетлары Идел өстендә очалар  инде, шуңа күрә без дошман күрмәсен дип, төнлә утсыз йөздек. Юл ике тәүлек чамасы вакытны  алды. Немецлар Горькийда булган автозаводны шартлатырга планлаштырганнар, бәхеткә каршы, каршылык алганнар. Минем өчен сугышның беренче көннәре шундый иде...

4 ноябрьдә бөтен гаять зур, чиксез, күпмилләтле Россия Халыклар бердәмлеге көнен, татулашу көнен билгеләп үтә. Безнең илдә дистә еллар дәвамында төрле милләт һәм милләт вәкилләре дуслыкта һәм татулыкта яшиләр, һәм һәр халыкның үз җырлары, музыкасы, мәдәнияте, гореф-гадәтләре һәм йолалары бар.

  Шуңа бәйле рәвештә Буа муниципаль районында «Хоровод мира» акциясе кысаларында “Гармония” халыкка социаль хезмәт күрсәтү үзәге белгечләре Алших  урта гомумбелем бирү мәктәбендә Халыклар бердәмлеге көненә багышланган бәйрәм чарасы үткәрделәр.

  Психолог Шакирова Светлана Викторовна балаларны бәйрәмнең барлыкка килү тарихы белән таныштырды.  Кулга-кул тотынып, балалар әйлән-бәйлән йөрделәр, бергәләп яшәү һәм бергә үсү образын, күпмилләтле илебезнең - Россиянең бердәмлеге образын тудырдылар.

    Чара җылы, дусларча атмосферада узды. Чараны оештыручы балаларга кешеләр җирдә тынычлык һәм дуслык хөкем сөргәндә генә бәхетле була алалар дигән фикерне җиткерергә тырышты.

Буа муниципаль районының тормыш дәрәҗәсен күтәрү һәм керемнәрне легальләштерү буенча ведомствоара комиссиясе пенсия яшенә җитмәгән гражданнарның хезмәт хокукларын бозу мәсьәләләре буенча «кайнар линия» эше оештырылуын хәбәр итә.

Гражданинның пенсия яшенә җитүе хезмәт хокукларында һәм ирекләрендә, шул исәптән эшкә алганда, чикләүләр билгеләү өчен сәбәп була алмый. Барлык эш бирүчеләр (физик затлар һәм юридик затлар, аларның оештыру-хокукый формаларына һәм милек рәвешләренә бәйсез рәвештә) хезмәт законнары һәм хезмәт хокукы нормаларын үз эченә алган башка актлар нигезләмәләренә таянырга тиеш. Эшкә кабул итү буенча таләпләр бердәм булып тора, ягъни пенсия алды яшендәге гражданнарны кабул итү башка хезмәткәрләрне эшкә алу кагыйдәләреннән аерылмый.

"Кайнар линия" телефоны: 8 (843) 743-29-93.

"Кайнар линия"нең эш вакыты: эш көннәрендә 08.00 дән 17.00 гә кадәр, тәнәфес 12.00 дән 13.00 гә кадәр.