ЯҢАЛЫКЛАР

Агымдагы елда Татарстан Росреестры һәм ТР Кадастр палатасы тарафыннан кадастр исәбенә куелган һәм 791 төзелеп бетмәгән төзелеш объектына хокук теркәлгән. Узган ел дәвамында шундый 1663 күчемсез милек объектына хокук теркәлгән. Күчемсез милек реестрында Татарстанда урнашкан 13 658 төзелеп бетмәгән төзелеш объекты турында мәгълүматлар бар.

Татарстанлылар  төзелеп бетмәгән объектларга хокукларны теркәргә ашыкмый. Әмма, Татарстан Росреестры эксперты Энҗе Мөхәммәтгалиева аңлатып узганча, төзелеп бетмәгән объектларга хокукларны, әзер булган кебек үк, гражданнарның үз мәнфәгатьләрен теркәргә кирәк. Бу бигрәк тә якын арада төзелешне тәмамларга җыенмаучыларга кагыла.

Россия телевидение һәм радиотапшырулар челтәре кайнар линиясенә телетамашачылар фатирларында цифрлы эфир телевидениесен (ЦЭТВ) кабул итү өчен җиһазлар урнаштыру очраклары белән бәйле  борчулы сигналлар килә башлады. Кайберәүләр Россия телевидение һәм радиотапшырулар челтәре хезмәткәрләре буларак, 2,5-4 мең сумга телевизорлар, приставкалар һәм антенналар төзергә тәкъдим итә. Күп очракларда жуликлар "тапшырулар сыйфаты турында соцсораштырудан" башлыйлар һәм алга таба алардан югары бәядән җиһазлар сатып алырга тәкъдим итәләр.

Россия телевидение һәм радиотапшырулар челтәре матбугат хезмәте искә төшергәнчә, предприятие кабул итү җиһазларын урнаштыру һәм сату белән шөгыльләнми. Мондый хезмәтләрне сервис хезмәтләре күрсәтергә мөмкин. Әмма алар Россия телевидение һәм радиотапшырулар челтәре хезмәткәрләре булып тәкъдим ителсә, бу ачыктан-ачык алдау, аның артында мошенниклар яшеренергә мөмкин.

Кием тегү ательесына  бер генә тапкыр булса да һәркайсыбызның да  мөрәҗәгать иткәне бардыр. Тегү остаханәсендә иҗади эш алып барыла, анда кием тегелә, биредә киемне  заказга индивидуаль таләпләр һәм клиентның өстенлекләре буенча тегәләр. Ателье турында сөйләгәндә, еш кына нәкъ менә шундый остаханәләр күз алдында тотыла.

Соңгы вакытта шәхси тегүгә ихтыяҗ тиз арта. Кешеләр сыйфатны, уникальлекне һәм индивидуаль якын килүне бәяли.

2021 елның 1 гыйнварыннан салым салуның нинди режимына күчүне ачыклау өчен бик аз вакыт калды. Чөнки керемгә бердәм салым режимының (ЕНВД) гамәлдә булу вакыты  ахырына якынлаша.

Күп кенә эшмәкәрләр  кайсы салым режимын сайлау һәм аңа ничек күчү  турында уйлана. 2021 елның 1 гыйнварыннан нинди салым режимнары гамәлдә булачак?  Салым салуның нәкъ менә уңайлы һәм отышлы яңа режимын ничек сайларга соң? 

Көн кадагында торган шушы сорауларны бүген “Ял үзәгендә” кече һәм урта бизнес субъектлары катнашында узган киңәшмәдә яңгыраттылар.

30 октябрьдә  «Гармония» социаль яклау үзәгенең гаиләгә һәм балаларга социаль ярдәм күрсәтү бүлегенең социаль педагогы Буа муниципаль районында «Яшүсмер» клубы кысаларында Советлар Союзы Герое, Буа районы туып-үскән Петр Григорьевич Шафрановка багышланган «Батырлык дәресе» дигән темага планлы дәрес үткәрде. Чараның максаты - ватанпәрвәрлек хисләрен формалаштыру, Ватан Геройлары батырлыклары турында хәтерне саклау, Россия тарихын, дәүләт символларын өйрәнүгә кызыксыну уяту, Ватанга мәхәббәт тәрбияләү. Чарада яшүсмерләр героик якташыбызның биографиясе, аның батырлыклары турында белделәр.

Август аенда Татарстан Республикасы Авыл хуҗалыгы һәм азык-төлек министрлыгы тарафыннан «Иң яхшы комбайнчы - 2020» республика конкурсы игълан ителгән иде, ул комбайнчы һөнәренең абруен күтәрү һәм популярлаштыру, уңышны оператив һәм сыйфатлы җыеп алу, шулай ук Татарстан Республикасы агросәнәгать комплексында урып-җыю техникасы паркын нәтиҗәле куллану максатларында ел саен уздырыла.

Быел Министрлыкның конкурс комиссиясе республикада һәм район дәрәҗәсендә иң күп суктырылган ашлык һәм иң күп чабылган мәйдан күрсәткечләре буенча 200 җиңүчене билгеләде. Белгечләр 100әр мең сум акча алачак.

Казанда, Чаллыда, Зеленодольск районының Октябрьский поселогында («Яңа Тура» сәүдә-ярминкә комплексында) Татарстан Республикасы Авыл хуҗалыгы һәм азык-төлек министрлыгы тарафыннан оештырылган авыл хуҗалыгы продукциясен сату ярминкәләре узды. Үз товарларын һәм продуктларын Арча, Кукмара, Балтач, Буа районнары һәм башка районнар фермерлары һәм авыл хуҗалыгы җитештерүчеләре алып килгән иде. Барлык продукция дә ветеринария хезмәтләре тикшерүен узган.

Сатып алучылар, ярминкәләрнең җирле җитештерелгән экологик чиста фермер продукциясен сатып алу өчен менә дигән мөмкинлек кенә түгел, ә концерт программасы һәм һәр сатып алучыга карата ихлас һәм игътибарлы мөнәсәбәт белән чын бәйрәм булуын да билгеләп үттеләр.

2021 елга һәм 2022, 2023 елларның планлы чорына Татарстан бюджеты турында закон проекты бүген беренче укылышта кабул ителде. ТР Дәүләт Советының 16 нчы утырышында күпчелек депутатлар мондый карарны хуплады.

ТР финанслар министры Радик Гайзатуллин хәбәр иткәнчә, киләсе елда табышка салым 77 млрд.сум күләмендә бәяләнә. ТР берләштерелгән бюджетына физик затлар кеременә салым 81,5 млрд.сум, ТР бюджетына 57,2 млрд. сум күләмендә булыр дип көтелә. 26 млрд.сум оешмалар милкенә салымнан килер дип көтелә.

Финанс министрлыгы башлыгы сүзләренә караганда, консолидацияләнгән бюджетның салым булмаган керемнәре — 16,8 млрд.сум, ТР бюджеты-12,6 млрд. сум күләмендә планлаштырылган. 2021 елга Татарстан бюджеты проектында федераль бюджеттан кире кайтарылмый торган керемнәр 40,9 млрд. сум күләмендә исәпкә алынган.

Татарстан Республикасы Авыл хуҗалыгы һәм азык-төлек министрлыгы хәбәр иткәнчә, 29 октябрьдә 15:00 сәгатьтә «Агрополия» бердәм белем бирү платформасында «Авыл хуҗалыгы кооперациясендә Бухгалтерия исәбе» курсы буенча чираттагы бушлай вебинар узачак.

Вебинар барышында Казан дәүләт аграр универстеты икътисад институты бухгалтерлык исәбе һәм аудиты кафедрасы доценты Альберт Исхаков ни өчен кооперативларда бухгалтерлык һәм идарә итү исәбен дөрес алып бару мөһим;

-       исәпкә алу өчен нинди инструментлар бар;

-       ул компания үсешенә ничек ярдәм итә.

Татарстан Росреестры, Кадастр палатасы һәм «Идел буе» үзкөйләнешле оешма Кадастр инженерлары Ассоциациясе вәкилләренең уртак киңәшмәсе узды. Аны үткәрү максаты – дәүләт органнары һәм кадастр инженерлары арасында хезмәттәшлекне оптимальләштерү, кадастр эшләрен башкаручылар тарафыннан рөхсәт ителгән типик хаталарны анализлау.

Элегрәк хәбәр ителгәнчә, 2020 елның 16 сентябрендә Татарстан Республикасы буенча Росреестр идарәсе Күчемсез милекнең бердәм дәүләт реестрын алып бару буенча федераль дәүләт мәгълүмат системасының яңа мәгълүмат системасына күчте. Әлеге күчеш дәүләт теркәүчеләре генә түгел, кадастр инженерлары эшендә үзгәртеп коруга да йогынты ясый, алар күчемсез милек базарының профессиональ катнашучылары буларак, күчемсез милек объектларын кадастр исәбенә кую һәм аларны теркәүгә кую өчен кирәкле документлар-нигезләрне (техник яки ызанлау планын, тикшерү актын) әзерлиләр.

Татарстан Росреестрында узган эшлекле киңәшмә барышында Күчемсез милекнең бердәм дәүләт реестрын алып бару буенча федераль дәүләт мәгълүмат системасына күчкәннән соң, кадастр инженерлары тарафыннан документлар әзерләү һәм тапшыру үзенчәлекләре каралды, шулай ук типик хаталар һәм конкрет проблемалы ситуацияләр буенча аңлатмалар бирелде.

Яңа чынбарлыкта алар кадастр инженерларына үз эшләрен оптимальләштерергә һәм яңа системага - Күчемсез милекнең бердәм дәүләт реестрын алып бару буенча федераль дәүләт мәгълүмат системасына тизрәк җайлашырга ярдәм итәчәк.