Федераль салым хезмәте кече һәм урта эшкуарлык субъектларының бердәм реестры операторы булып тора
Хөрмәтле кече һәм урта эшмәкәрлек вәкилләре!
Федераль салым хезмәте кече һәм урта эшкуарлык субъектларының бердәм реестры операторы булып тора.
Кече һәм урта эшкуарлык субъектларының бердәм реестры - ул ачык мәгълүматлар базасы, аның ярдәмендә предприятиенең яки шәхси эшмәкәрнең кече һәм урта эшкуарлыкка каравын ачыкларга була. Гамәлдәге законнар Кече һәм урта эшкуарлык субъектларының бердәм реестрына кертелгән субъектлар өчен кайбер ташламаларны күздә тота.
Кече һәм урта эшкуарлык субъектларының бердәм реестрына юридик затлар һәм шәхси эшмәкәрләр турында белешмәләр кертү һәм мондый мәгълүматларны әлеге реестрдан төшереп калдыру агымдагы елның 1 июленә салым органнары булган белешмәләр нигезендә гамәлгә ашырыла.
Алдагы календарь ел өчен хезмәткәрләрнең исемлек буенча уртача саны турында мәгълүмат салым түләүчене Кече һәм урта эшкуарлык субъектларының бердәм реестрына кертергә мөмкинлек бирүче төп документларның берсе булып тора.
Юридик затлар, шәхси эшмәкәрләр тарафыннан хезмәткәрләрнең исемлек буенча уртача саны мәгълүматларын тапшырмау мондый юридик затлар яки шәхси эшмәкәрләр турында Кече һәм урта эшкуарлык субъектларының бердәм реестрыннан белешмәләрне төшереп калдыру өчен нигез булып тора.
Югарыда әйтелгәннәрне исәпкә алып, салым органнары барлык бизнес вәкилләренә хезмәткәрләрнең исемлек буенча уртача саны мәгълүматларының «Ачык мәгълүматлар» бүлегендә яки Россия Федераль салым хезмәте сайтында «Үтә күренмәле бизнес» онлайн-сервисында булуын тикшерергә тәкъдим итә.