ЯҢАЛЫКЛАР

Буа шәһәренең "Юность" спорт мәктәбе командасы 14 яшькә кадәрге кызлар арасында баскетбол буенча Алексеевск  районында узган Татарстан Республикасы Беренчелегендә катнашты. Безнең спортчылар өчен бу беренче рәсми ярышлар булды, анда алар лаеклы чыгыш ясап, мактаулы икенче урынны алып кайттылар! Команданы һәм тренер укытучы Пыркин Юрий Владимировичны котлыйбыз һәм аларга яңа спорт җиңүләре телибез!

24 ноябрьдә «Син-эшмәкәр»федераль проектының белем бирү программасы старт ала. Син дә заявка бирергә өлгер.
Проектны оештыручылар гарантия бирә:
- Заманча укыту методикалары;
- Уку материалларына бушлай керү;
- Уку вакыты дәвамында кураторны озата бару;
- Мөстәкыйль проектны булдыру һәм гамәлгә ашыру мөмкинлеге;
-Танылган лектор-практиклар һәм бизнес гурасы дип танылган Мастер-класслары.

15 ноябрьдә ТНВ телеканалында Татарстан Росреестры катнашында "Манзара" татар телендә иртәнге мәгълүмати-танып-белү программасы чыгачак.

15 ноябрь көнне 13.30 сәгатьтә "Торак-коммуналь киңәшләр» программасы туры эфирда булачак, анда махсус кунак Росреестрның Татарстан Республикасы буенча идарәсенең физик затларның күчемсез милеген дәүләт теркәве бүлеге җитәкчесе Энҗе Мөхәммәтгалиева булачак.Дәүләт регистраторы җир кишәрлекләре ияләренә закон өлкәсендәге яңалыкларны ачыкларга ярдәм итәчәк. Аерым алганда, сүз 2019 елның 1 гыйнварыннан гамәлгә керәчәк "Гражданнарның үз ихтыяҗлары өчен бакчачылык һәм яшелчәчелек алып бару турында" Федераль закон турында барачак.
 

Бүген, 14 ноябрь көнне Буа муниципаль районының социаль яклау бүлегендә ведомствоара социаль-тернәкләндерү консилиумының чираттагы утырышы узды, анда социаль яклау, мәгариф, сәламәтлек саклау, халыкны эш белән тәэмин итү үзәге, опека органнары, мәдәният бүлеге җаваплы белгечләре һәм башкалар керә.
 

15 ноябрьдә хәрби хезмәткә чакырылганда гражданнарның хокукларын саклауны тәэмин итү һәм хокукый ярдәм күрсәтү максатыннан халык өчен телефон "кайнар линия" ачылачак.

18 ноябрьдә Буа муниципаль районында үзара салым буенча референдум узачак. Буалыларны актив катнашырга чакырабыз. Тавыш бирү өчен шәһәрдә-15, район буенча 56 участок оештырылачак. Алар 7 сәгатьтән 20 сәгатькә кадәр ачык булачак.
 

Татарстан Республикасы Мәгариф һәм фән министрлыгының 2018 елның 10 ноябрендәге 1154/18 номерлы хаты нигезендә куркынычсызлык чараларын көчәйтү һәм террорчылыкка каршы яклануның һәм янгын куркынычсызлыгының тиешле дәрәҗәсен тәэмин итүгә юнәлдерелгән өстәмә чаралар күрү максатларында Буа шәһәренең М. Вахитов исемендәге гимназиягә Татарстан Республикасы Гадәттән тыш хәлләр министрлыгы каршындагы Татарстан Республикасы ПСССЫ хезмәткәрләре килеп киттеләр.
Очрашу барышында 1 нче зона эзләү-коткару отряды хезмәткәрләре белем бирү учреждениесе хезмәткәрләрен террорчылык актларында һәм янгын вакытында үз-үзеңне тоту кагыйдәләре белән таныштырдылар, шулай ук терроризмга каршы саклану һәм янгын куркынычсызлыгы буенча кирәкле чаралар белән таныштырдылар.

ТР Хезмәт, халыкны эш белән тәэмин итү һәм социаль яклау министрлыгының Буа муниципаль районындагы «Гармония» халыкка социаль хезмәт күрсәтү үзәге гаиләгә һәм балаларга социаль ярдәм бүлекчәсе белгечләре мөмкинлекләре чикләнгән балалар тәрбияләүче гаиләләргә зур игътибар бирәләр.  Алар өчен чаралар «Преодоление» клубы кысаларында гына түгел, һәр бала белән индивидуаль эш алып барыла.
 

Кичә, 13 ноябрьдә, район мәдәният йортында Буа муниципаль районының Мәдәният идарәсе хезмәткәрләре Буа медицина училищесы, Буа ветеринария техникумы, социаль-юридик институт филиалы студентлары, шулай ук Буа шәһәре белем бирү мәктәпләренең өлкән сыйныф укучылары катнашында «Коррупциягә каршы иҗат» дигән концерт программасы оештырдылар. Чара башланганчы форпостчылар барлык чакырылган кешеләргә коррупциягә каршы көрәш мәсьәләләре буенча район башлыгы ярдәмчесе Зөлфия Шәйхаттарова әзерләгән "Коррупцияне бергәләп туктатыйк" дигән буклетлар тараттылар.