ЯҢАЛЫКЛАР

Һәркем үзенең хезмәт хокукларын тормышка ашыру өчен тигез мөмкинлекләргә ия.
Граждан пенсия яшенә ирешүгә хезмәт хокуклары һәм ирекләрендә, шул исәптән эшкә кабул иткәндә дә, аңа чикләүләр билгеләү өчен сәбәп була алмый.
Барлык эш бирүчеләр (физик затлар һәм юридик затлар, аларның оештыру-хокукый формаларына һәм милек формаларына бәйсез рәвештә) хезмәт мөнәсәбәтләрендә һәм хезмәткәрләр белән турыдан-туры элемтәдә хезмәт законнары һәм хезмәт хокукы нормаларын үз эченә алган башка актлар нигезләмәләренә таянып эш итәргә тиеш.

4 октябрьдә Татарстан Республикасы буенча Росреестр Идарәсе бөтен республика буенча төрле дәүләт органнары катнашында Бердәм консультацияләр көне үткәрәчәк.

Район хуҗалыкларында көзге эшләр дәвам итә. Авыл хуҗалыгы һәм азык-төлек идарәсеннән алынган мәгълүматларга караганда, 2 октябрьгә 9080 гектарда игелгән шикәр чөгендеренең 34 проценты казылган. “Дружба” агрофирмасының 1 номерлы филиалында татлы тамыр алу төгәлләнгән, “Авангард” агрофирмасында ул барлык мәйданның 90 процентында җыелган. Һәр гектардан уртача уңыш күләме 228 центнерга тиң. Иң зур күрсәткеч  “Авангард”та – 369 центенр тәшкил итә. Биредә кукуруз суктыру да дәвам итә. Аның 47 проценты җыеп алынган. Һәр гектардан уртача 60,3 центнер уңыш чыга.

Хуҗалыкларда туңга сөрү ахырына якынлаша – ул тиешленең 84 процентында башкарылган.

Шәһәрнең 1 номерлы мәктәбенең тарих укытучысы Нина Казакова “Буа ягында халык мәгарифе тарихы” дигән китабын язды. Шушы көннәрдә ул басма варианттагы бердәнбер экземплярын район архив бүлегенә бүләк итте.

Кичә Буа муниципаль районы Башкарма комитетының архив бүлеге 1956-2011 елларда «Буа шикәр заводы» ААҖ шәхси состав буенча 1238 саклау берәмлегендә документларны даими саклауга кабул итте.
Гражданнар өчен: хезмәт хакы һәм эш стажы турында мәгълүмат алу өчен гаризалар бирү күп функцияле үзәк аша башкарыла, адресы: Буа шәһәре, Космовский урамы, 108 йорт.
 

Бакча һәм шәхси торак йортларны төзегәндә һәм реконструкцияләгәндә хәбәр итү тәртибен керткән Закон бу елның августында үз көченә керде. Шуны да искәртик: аның нигезендә хакимияткә дача йортын төзи башлау, аны реконструкцияләү эшләре тәмамлану турында хәбәр итәргә кирәк. Хәбәрнамә шулай ук шәхси торак йортлар өчен төзелешкә рөхсәтен дә алыштырган

2019 елның 1 гыйнварыннан " гражданнарның үз ихтыяҗлары өчен бакчачылык һәм яшелчәчелек алып бару турында «Федераль закон үз көченә керә. Әлеге законның төп нигезләмәләрен Росреестрның Татарстан Республикасы буенча идарәсенең физик затларның күчемсез милеген дәүләт теркәве бүлеге җитәкчесе Энҗе Мөхәммәтгалиева аңлатты.

Халыкара өлкәннәр көне уңаеннан Әгъләмова Нурия Нургаян кызы Буа муниципаль районындагы халыкка социаль ярдәм күрсәтү үзәге ”Гармония” хезмәткәрләре  тарафыннан котлау кабул итте.

Бүген, 2 октябрьдә, «Бердәм Россия " партиясенең Татарстан төбәк бүлеге хезмәткәрләре, «Яшь Гвардия» МШ белән берлектә, ветераннарны Өлкәннәр көне белән котладылар һәм азык-төлек пакетлары тапшырдылар.

Татарстан Республикасы Икътисад министрлыгы " Татарстан Республикасы Эшкуарлыкка ярдәм фонды» Коммерциячел булмаган микрокредит компаниясе белән берлектә (алга таба – Фонд) 2018 елның 10-13 октябрь көннәрендә Калининград өлкәсендә бизнес-миссия планлаштырылуы турында хәбәр итә.