ЯҢАЛЫКЛАР

Буа районы башлыгы Ранис Камартдинов мобилизацияләнүчеләр гаиләләре белән очрашуларны башлады. Бу турыда ул үзенең социаль челтәрендә сөйләде. Мондый очрашулар нигезендә районда өстәмә ярдәм чаралары да эшләнәчәк.

 «Мондый очрашулар вакытында гаиләләрнең нинди шартларда яшәве белән танышабыз. Һәр гаиләдә булачакбыз, аларның нәрсәгә мохтаҗ булуы һәм нинди ярдәм кирәклеген күрәбез, гаиләнең социаль паспортын булдырабыз», -  дип сөйләде Ранис Камартдинов.

Буа районы башлыгы килгән гаиләләрнең беренчесе -  Аксановлар гаиләсе. Ольга Аксанова-дүрт бала анасы. Ольганың ире Булат Аксанов октябрьдә чакырыла. Аларның бер яшьтән артык яшьтәге бер уртак кызы бар. Гаиләдәге олы кыз беренче сыйныфта укый. Ольгага балалар  турында кайгыртырга энесе ярдәм итә. Бу гаиләгә волонтерлар ярдәме кирәклеге визит вакытында хәл ителде.

Су турында мөһим һәм кызыклы фактларны Буа шәһәренең 2нче лицееның 8нче сыйныф укучылары белде. Татарстан Экология һәм табигать  ресурслары министрлыгының Идел аръягы территориаль идарәсе белгечләре балалар өчен иң кыйммәтле табигый ресурс турында мавыктыргыч экодәрес үткәрделәр. Балалар фикер алышуларда актив катнаштылар һәм су структурасы, аның молекулалары турында белделәр. Моннан тыш,  гамәлдә балалар җирле сулыкларның су сыйфатын тикшерделәр. Укучылар өчен 5 төрле сыеклык пробиркасы әзерләгәннәр: Буа чишмәсеннән, Карлы елгасыннан, краннан һәм дистилляцияләнгән судан. Сигезенче сыйныф укучыларына  судагы иснең, утырымның һәм төснең булу-булмавын тикшерергә туры килде. Анализ нәтиҗәләре буенча балалар иң чиста һәм үтә күренмәле суны билгеләделәр. Экологлар табигый ресурсны ничек саклап калу ысуллары белән уртаклаштылар һәм укучыларны үзләренең лабораториясенә су сыйфатын өйрәнү буенча  лекциягә чакырдылар.

"Без бәйрәм бүләк итәбез!" исеме белән  27 октябрьдә Мәдәни үсеш үзәгендә иҗат сезоны (Буа шәһәре Халыклар дуслыгы йортында) ачылды.

"Бердәмлектә без көчле" дигән пролог Россия халыкларының мәдәни мирасы елына багышланган иде. Халыкларның матурлыгы үзешчән сәнгать артистлары башкарган бию һәм җырларда күрсәтелде.  

Бәйрәм кунаклары өчен "Сөембикә" татар фольклор коллективы, "Раздолье" рус җыры яшьләр ансамбле, "Туслӑх" чуваш ансамбле, "Каскад" яшьләр ансамбле, "Яшь җилкәннәр" хореография коллективы, "Ләйсән" халык җыр һәм бию ансамбленең хореография төркеме, "Кроссворд" триосы чыгыш ясады, чараны алып барды - Гөлнара Хәйбуллова.

Яшь гитарачылар, "Җырлыйк эле" әйдәп баручылар мәктәбе укучылары талантлары белән сөендерде."Петрушка" курчак театрыннан яшь актерлар дебют чыгышы белән билгеләп үтелде.

Концерт ахырында Мәдәни үсеш үзәге солистлары башкаруында Татарстан халыклары җырларыннан попурри яңгырады. Тамашачылар артистларга көчле алкышлар белән рәхмәт белдерделәр.

"Татарстан Республикасында дәүләт һәм муниципаль хезмәтләр күрсәтүнең күпфункцияле үзәге" дәүләт бюджет учреждениесе (алга таба – КФҮ ДБУ) бәйрәм алды, ял һәм бәйрәм көннәрендә КФҮ ДБУ филиалларының эш графигын тәкъдим итә:

«Казан шәһәре халыкны эш белән тәэмин итү үзәге» ДКУ 2022 елның 3 ноябрендә Казан шәһәре оборона-сәнәгать комплексы предприятиеләрен чакырып вакантлы эш урыннары ярминкәсе уздыра.

Вакантлы эш урыннары ярминкәсен берьюлы ике мәйданчыкта үткәрү планлаштырыла: Казан шәһәре «В.И. Ленин ис. мәдәни-ял комплексы» (Копылов ур., 2а) һәм «Чулпан» мәдәни үзәге (Җиңү проспекты, 48а).

Буа районы Татарстаннан шефлыкка алынган Лисичанск шәһәренә гуманитар ярдәмнең икенче партиясен җибәрде.

Район җитәкчесе Ранис Камартдинов әйтүенчә, йөкне оператив рәвештә җыеп алганнар. Район халкы хәбәр таралуга тиз арада ярдәм күрсәтергә керешкән.

«Без 25 тоннадан артык бәрәңге, 2 тонна суган, 7 тонна кишер, 3 тонна кәбестә һәм  кызыл чөгендер, бер тонна алма җыя алдык. Йөкнең гомуми авырлыгы 40 тоннага якын», - диде район башлыгы социаль челтәрләрдә.

Исегезгә төшерәбез, Лисичанскида 120 тонна авырлыктагы рекордлы гуманитар йөкне Татарстанның берничә районы бергә формалаштырды. Ул Лисичанск шәһәре  халкының сорауларын исәпкә алып җыела.

Изге хәер-фатыйха биреп, бөтен Буа халкы ир-егетләрне урамнарда төзелеп озатты.

Әләмнәр, «Без җиңәчәкбез»  дип язылган плакатлар тоткан буалылар үз геройларының җиңүенә һәм исән-имин әйләнеп кайтуларына чын күңелдән ышана. Буа районы башлыгы Ранис Камартдинов социаль челтәрләрендә озату кадрлары белән уртаклашты. Ул шәхсән үзе колоннаны  район чигенә кадәр озата барды.

Татарстан Республикасы буенча Россия Федераль салым хезмәте идарәсе искә төшергәнчә, 2022 елның 1 декабренә кадәр физик затлар милкенә, җир салымына, транспорт салымына һәм аерым очракларда физик затлар кеременә салым түләргә кирәк.

25 октябрьдә Татарстан Республикасы Министрлар Кабинетында Брифингта Россия Пенсия фондының Татарстан Республикасы буенча бүлеге идарәчесе Эдуард Вафин «Балалар һәм йөкле хатын-кызларга гаиләләргә бердәм универсаль пособие кертү турында» мәгълүмат белән чыгыш ясады.

Күпләр Буа энциклопедиясен каян алырга мөмкин булуын сораштыра. Энциклопедияне Үзәк район китапханәсендә  Буа ш., Р.Люксембург ур., 155 й., адресы буенча сатып алырга була.

Бер экземплярның бәясе 1950 сум. Теләгән һәр кеше аны үзе өчен дә, бүләккә дә сатып ала ала. Монда якташларыбыз, каһарманнарыбыз һәм гади гражданнар турында зур мәгълүмат тупланган. Ышанам, ул һәр йортта иң  кадерле китап булачак.