ЯҢАЛЫКЛАР
Бүген узган семинарда Буа муниципаль район башлыгы вазифаларын башкаручы Ранис Камартдинов, район башлыгының беренче урынбасары Илдар Еремеев, авыл хуҗалыгы һәм азык-төлек идарәсе начальнигы Ранис Габитов, районның авыл хуҗалыгы формированиеләре җитәкчеләре катнашты. Терлекчелек тармагы эшенә йомгак ясадылар, «Ямбулат» хуҗалыгында терлекчелек эшләрен оештыру мәсьәләләренә тукталып кына калмыйча, җиһазларны да карадылар, терлекләрне тоту шартлары белән дә таныштылар. Пленар өлеш яки семинар эшенә нәтиҗәләр ясау, киләсе айларга яңа бурычлар кую кебек мөһим сораулар авыл мәдәният йортында дәвам итте.
Бүген район ГХАТ бүлегендә узып баручы 2019 елның соңгы-218 нче пары теркәлде. Язылышу тарихына 26 яшьлек Айнур Хәбибуллинның һәм 21 яшьлек Айсылу Юнысованың исемнәре язылды. Яшь гаиләне район җитәкчесе Ранис Камартдинов котлады, матур теләкләрен җиткереп, традиция буенча истәлекле бүләк тапшырды.
Яшь парларны котлыйбыз һәм бәхетле гаилә тормышы телибез!
Бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров әйтте. Барлык муниципаль районнар белән видеоконференция режимындагы киңәшмәне Татарстан Республикасы Президенты Рөстәм Миңнеханов үткәрде.
Бүген район хакимияте бинасы холлында Буа өлкәннәр һәм инвалидлар өчен интернат-йортта яшәүчеләр тарафыннан эшләнмәләрдән күргәзмә-сату оештырылган. Район предприятиеләре һәм оешмалары җитәкчеләре төрле техникаларда эшләнгән декоратив-гамәли иҗат эшләнмәләрен сатып ала алдылар. Монда кофе бөртекләреннән, кәгазьдән эшләнмәләр, тасмалар чигеп чигү, шулай ук сувенирлар һәм текстиль бизәнү әйберләре, бәйләнгән уенчыклар һәм башка бик күп әйберләр күрергә мөмкин иде. Иҗади эшләнмәләр яныннан сатып алмый үтеп булмый иде, чөнки һәр эш оригиналь һәм зур фантазия белән эшләнгән. Эшләнмәләрне сатудан кергән акчалар социаль хезмәтләрдән файдаланучыларга иҗат өчен материаллар сатып алуга тотылачак.
Бүген Коткаручылар көне. Һөнәри бәйрәм уңаеннан 1 нче Зональ эзләү-коткару отрядының коткаручылары еллык эшчәнлеккә йомгак ясадылар.
Утырыш эшендә муниципаль район башлыгының беренче урынбасары Илдар Еремеев та катнашты. Ул ел дәвамында яхшы нәтиҗәләргә ирешкән хезмәткәрләргә район җитәкчелегенең Рәхмәт хатларын тапшырды.
Бүген Буа шәһәренең (районара) Пенсия фонды идарәсендә Ана капиталы сертификатын театральләштерелгән тамаша белән тапшырдылар.
Сертификат Буадан Елена Николаевага, Наталья Митинага, Рамилә Усмановага, шулай ук Иске Борындык авылыннан Миләүшә Еремеевага, Ташкичүдән Эльвира Габдрахмановага бирелде. Әниләрне Пенсия фонды җитәкчесе Рафыйк Җәләлов якынлашып килүче Яңа ел белән котлады. Аның сүзләренә караганда, быел районда 205 ана Ана капиталы алган. Бүгенге көндә аның суммасы 453 мең сум булса, киләсе ел башыннан ул 3 процентка индексацияләнәчәк һәм 466 мең сум тәшкил итәчәк. Гаилә сертификаты белән бергә ГХАТ бүлеге һәм «Ак Барс Банк» сертификат ияләренә бүләкләр дә әзерләгән иде.
Яңа ел-балаларның һәм өлкәннәрнең иң яраткан бәйрәме. Яңа ел алдыннан «БЕРДӘМ РОССИЯ» партиясенең Буа җирле бүлекчәсе хәйрия акциясе оештырдылар. Ул «Игелек кыл» исемле җирле партия проекты кысаларында үткәрелде. Әлеге акция балаларга бәйрәм кәефе генә түгел, ә авыр тормыш хәлендә калучылар проблемаларына җәмәгатьчелек игътибарын җәлеп итү мөмкинлеге дә бирде. Атна буе «БЕРДӘМ РОССИЯ» символы- аю Буа шәһәренең балалар бакчаларына барды, балаларны якынлашып килүче Яңа ел белән котлады һәм алар белән бергә чыршы тирәли әйлән-бәйлән йөрде, бүләкләр тапшырды, ә балалар җавап итеп аңа шигырьләрен сөйләделәр. Яңа ел чыршылары һәм бәйрәм тамашалары һәр бала өчен үзенчәлекле вакыйга, ә игелекле хәйрия эшләре акциясе тирә-юньдәгеләргә игътибар күрсәтергә чакыра, яхшылык һәм шатлык китерү теләге уята.
Яңа ел бәйрәмнәре һәм кышкы каникуллар уңаеннан Буаның «Гармония» халыкны социаль тәэмин итү комплекслы үзәгенең гаиләгә һәм балаларга социаль ярдәм бүлекчәсе белгечләре янгын куркынычсызлыгы буенча федераль хезмәтнең ТР буенча идарәсе һәм Буа районы буенча Россия ГТХМ Баш идарәсе белән берлектә Буа муниципаль районы территориясендә уртак рейдларын дәвам итәләр.
Буа муниципаль районының тормыш дәрәҗәсен күтәрү һәм керемнәрне легальләштерү буенча ведомствоара комиссиясе пенсия яшендәге гражданнарның хезмәт хокукларын бозу мәсьәләләре буенча «Кайнар линия» эше оештырылуын хәбәр итә.
Граждан пенсия яшенә ирешүгә хезмәт хокуклары һәм ирекләрендә, шул исәптән эшкә кабул иткәндә дә, аңа чикләүләр билгеләү өчен сәбәп була алмый. Барлык эш бирүчеләр (физик затлар һәм юридик затлар, аларның оештыру-хокукый формаларына һәм милек формаларына бәйсез рәвештә) хезмәт законнары һәм хезмәт хокукы нормаларын үз эченә алган башка актлар нигезләмәләренә таянып эш итәргә тиеш. Эшкә кабул итү буенча таләпләр бердәм булып тора, ягъни пенсия алды яшендәге гражданнарны эшкә кабул итү башка хезмәткәрләрне эшкә алу кагыйдәләреннән аерылмый.
Буа муниципаль районының тормыш дәрәҗәсен күтәрү һәм керемнәрне легальләштерү буенча ведомствоара комиссиясе түбәндәгене хәбәр итә: хезмәт мөнәсәбәтләрен рәсмиләштермәү (эш бирүче белән төзелгән хезмәт килешүе булмау), конвертларда хезмәт хакы түләү яки минималь хезмәт хакыннан түбәнрәк хезмәт хакы түләү фактлары буенча «кайнар линия» телефоны буенча 8(84374)3-29-93 мөрәҗәгать итәргә мөмкин.
2019 елның 1 гыйнварыннан "Хезмәткә түләүнең минималь күләме турында" Федераль законның 1 статьясына үзгәреш кертү хакында " 2018 елның 25 декабрендәге 481-ФЗ номерлы Федераль закон белән Россия Федерациясе территориясендә хезмәткә түләүнең минималь күләме аена 11 280 сум тәшкил итә.