ЯҢАЛЫКЛАР

2019 елның 30 сентябрендә «Без-ул дөнья!» медиаконкурсы старт алды. Әлеге проект инде 2015 елдан бирле " Татарстан Республикасының Иҗади яшьләр академиясе»төбәк иҗтимагый оешмасы ярдәмендә тормышка ашырыла. Проект эшләү дәверендә төрле номинацияләрдә 500дән артык иҗат эше алынды һәм эшкәртелде. Ел саен проект яңа әйләнеш ала, яңа темалар, номинацияләр, призлар һәм, әлбәттә, яңа кешеләр һәм иҗат өчен чиксез киңлек барлыкка килә.

Татарстан Республикасы буенча ЭЭМ ЮХИДИ идарәсендә картинг буенча 2019 ел сезоны йомгакларын ясауга багышланган тантаналы чара узды. Буа картингчысы Солтан Мурзаков та бүләкләр алды.

5 октябрьдә билбау көрәше буенча Әлки муниципаль районы спорт мәктәбе призына республика турниры булды, анда Татарстанның төрле шәһәрләреннән һәм районнарыннан балалар, шул исәптән Буа районы спортчылары да катнашты.

Безнең спортчылар җиңү белән кайттылар! 1 нче урынны Владислава Фомина, 2 нче урынны Ангелина Корнишина алды, тренер: Вениамин Анатольевич, Наил Фатыйхович.

Спортчыларыбызны котлыйбыз һәм ТР беренчелегендә зур уңышлар телибез.

Кичә Буа шәһәренең Үзәк базарында Буа муниципаль районы җитештерүчеләренең авыл хуҗалыгы продукциясе ярминкәсе узды. Халыкара өлкәннәр көненә багышланган ярминкәдә Буа муниципаль районы башлыгы вазифаларын башкаручы Ранис Камартдинов катнашты, бәяләр республика җитәкчелеге тәкъдимнәренә туры килә, тәкъдим ителгән барлык продукция кулай бәяләрдән сатыла, дип билгеләп үтте.

Бүген Буа муниципаль районы башлыгы вазифаларын башкаручы Ранис Камартдиновның Буа өлкәннәр һәм инвалидлар өчен интернат-йортында яшәүчеләр белән очрашуы булып узды. Очрашуда РФ Дәүләт Думасы депутаты Илдар Гыйльметдинов, Законлылык һәм хокук тәртибе комитеты рәисе, ТР Дәүләт Советы депутаты Шакир Яһүдин, Буа якташлыгы президенты Ирек Закиров, Башкарма комитет җитәкчесенең социаль мәсьәләләр буенча урынбасары Лилия Садретдинова катнашты. Кунаклар интернат-йортта яшәүчеләрне бәйрәм белән котладылар, нык сәламәтлек, күңел көрлеге, актив озын гомер, гаилә җылысы һәм иминлек теләделәр.

Бүген мәдәния үсеш үзәгенә быел 70 яшен тутырган өлкәннәрне чакырдылар. Районда бүгенге көндә мондый юбилярларның саны 464кә җитә. Аларга иң беренче котлау сүзләрен муниципаль район башлыгы вазыйфаларын башкаручы Ранис Камәретдинов җиткерде. Ул әлеге буын кешеләрен районыбызның алтын фонды, дип атады. Ранис Рафисович залда утыручы өлкәннәргә бүгенге тормышыбыз, хезмәтләре белән районның икътисадын үстерүдә, киләчәкне тәрбияләүдә керткән өлешләре өчен рәхмәт әйтте. Исәнлектә, картаймый яшәүләрен теләде. Аннан сәхнәгә 50 ел бергә гомер иткән гаиләләр – Буадан Николай һәм Валентина Волковлар, Владимр һәм Галина Пайгуновлар, Әбрар һәм Розалия Садыйковлар, 1 октябрьдә 70 яшен тутырган шәһәрдән Зоя Насейкина, Бикмураздан Вәгыйзь Хөсәенов, Ирек Хуснетдинов күтәрелделәр. Барысына да бүләкләр, чәчәк бәйләмнәре тапшрдылар.

Өлкәннәрне тәбрикләргә РФ Дәүләт Думасы депутаты Илдар Гыльметдинов, ТР Дәүләт Советы депутаты Шакир Ягудин, Буа якташлыгы җәмгыяте җитәкчесе Ирек Закиров та кайткан иде. Илдар Гыйльметдинов тәбрикләү сүзләрен ирештергәндә киләчәктә яңа эшләнеп килә торган  программалар, өлкәннәр өчен нинди яңалыклар көтеләсе турында да әйтеп китте:

-Буада бер-бер артлы спорт комплекслары төзелә, аларга йөрегез, сәламәтлегегезне кайгыртыгыз. Безгә әле сезнен өчен күп эшлисе бар. Бигрәк тә пенсияләр, авыл хуҗалыгы өлкәсендә, дияр идем Озакламый авыл хуҗалыгын комплекслы үстерү буенча яңа программа гамәлгә керәчәк. Программалардан балаларыгыз, оныкларыгыз файдаланып, алар өчен сөенеп яшәргә булсын,- диде ул. Мәдәният хезмәткәрләре әзерләгән концерт барысы өчен дә бүләк булды. Юбилярларга район җитәкчелеге тарафыннан әзерләнгән азык-төлек салынган пакетлар тапшырдылар.    

Бүген Буа драма театрында Халыкара укытучылар көненә багышланган тантаналы чара узды. Педагогларны Буа муниципаль районы башлыгы вазифаларын башкаручы Ранис Камартдинов, РФ Дәүләт Думасы депутаты Илдар Гыйльметдинов, законлылык һәм хокук тәртибе комитеты рәисе, ТР Дәүләт Советы депутаты Шакир Яһүдин, Буа якташлыгы президенты Ирек Закиров, башкарма комитет җитәкчесенең социаль мәсьәләләр буенча урынбасары Лилия Садретдинова котладылар. «Үз тормышын бу һөнәргә багышлаган кешеләр хаклы рәвештә зур хөрмәт һәм абруй казаналар. Кеше тормышта нинди генә уңышларга ирешмәсен,аның шәхес буларак формалашуында аның укытучылары мөһим роль уйный. Педагогик хезмәт ветераннарын фидакарь, нәтиҗәле хезмәтләре, районыбыз яшьләрен укыту һәм тәрбияләү эшенә бәяләп бетергесез өлеш керткәннәре өчен аерым билгеләп үтәсем килә. Сез һәрвакыт яшь педагоглар өчен маяк булып калырсыз, чөнки берничә буынны тәрбияләүгә һәм укытуга керткән өлешегез берни белән дә чагыштырырлык түгел", - диде үзенең чыгышында Ранис Рафис улы. Кунаклар укытучыларга озын гомер, бетмәс-төкәнмәс энергия, яңа проектларны тормышка ашыру, рәхмәтле укучылар һәм ата-аналар теләделәр.

Бүген  Бүген  Татарстан  Республикасы Авыл хуҗалыгы  һәм азык-төлек  министрлыгында  терлекчелек  тармагының  2019 елдагы  9 айлык  эшенә  йомгаклар  ясадылар.    Киңәшмәне Татарстан  Республикасы Авыл хуҗалыгы  һәм азык-төлек  министрлыгының терлекчелекне  үстерү  бүлеге  башлыгы   Сирень Нигъмәтҗанов  үткәрде.

Чарада  муниципаль районнарның  авыл хуҗалыгы һәм азык-төлек идарәләре башлыклары, терлекчелек буенча    консультантлары, селекция-нәсел  хезмәтләре  башлыклары һәм башка җаваплы  затлар   катнашты.   

Буа муниципаль районында мәктәп укучылары арасында 2019-2020 нче уку елының Спартакиадасы старт алды.
3 октябрь көнне Наратлык урманында Буа муниципаль районының төп гомуми белем бирү мәктәпләре арасында Көзге кросс буенча беренче ярышлар узды. Ярышларда 11 команда катнашты. Нәтиҗәләр түбәндәгечә билгеләнде: 1 урын - МБОУ "ТР БМР Югары Лашчы мәктәбе"; 2 урын - МБОУ "Олы Фролово мәктәбе"; 3 урын-МБОУ "ТР БМР Түбән Наратбаш мәктәбе".
Җиңүчеләрне котлыйбыз һәм киләчәктә дә уңышлар телибез!

Шушы көннәрдә районда педагогия хезмәткәрләренең профессиональ үсешенә багышланган республика семинары булды. Бу өлкәдә соңгы елларда югары нәтиҗәләргә ирешүче буалы укытучылар һәм тәрбиячеләр кунаклар алдында тәҗрибәләре белән уртаклаштылар.

Район мәгариф идарәсе начальнигы урынбасары Алия Бикчәнтәева әйтүенчә, семинар үткәрү өчен Татарстанның Мәгариф һәм фән министрлыгы тарафыннан Буаның сайлануы юкка түгел.  Районда югары һәм беренче квалификацияле категориягә ия укытучылар  нисбәте республика уртача күрсәткеченнән югарырак. Төрле һөнәри конкурсларда   җиңүләре  дә күп. Шундый укытучыларның кайберләре республика районнарыннан җыелган район мәгариф идарәләре начальниклары урынбасарлары, кадрлар эше һәм педагогларны аттестацияләү буенча методистлары алдында чыгышлар ясадылар, мастер-класс күрсәттеләр.  Әлеге очрашулар шәһәрнең Р. З. Сәгъдиев исемендәге мәктәбендә, 2 номерлы лицеенда, “Ромашка” һәм “Светофорик” балалар бакчаларында үтте. Аларда төрле күргәзмәләр дә оештырылды. Семинар пленар өлеш белән тәмамланды