ЯҢАЛЫКЛАР

1 апрельдән санитар-экологик икеайлык һәм "ЭкоЯз-2021" акциясе старт алды. Экоакция нәтиҗәләре буенча иң яхшы балалар бакчасы, мәктәп, гаилә, предприятие, муниципаль берәмлек, шулай ук беренче тапкыр иң яхшы экоишегалды билгеләнәчәк. Санитар икеайлык 31 майга кадәр дәвам итәчәк. Бу вакыт эчендә шәһәрне һәм районны чүп-чардан, узган елгы яфраклардан чистарту, шәһәр территорияләрен, юл буйларындагы участокларны тәртипкә китерү планлаштырыла. Ишегалларына, паркларга, скверларга, балалар, спорт мәйданчыкларына аерым игътибар биреләчәк. Мәдәният учреждениеләре, мәгариф оешмалары, традиция буенча, шимбә өмәсенә беренчеләрдән булып чыктылар. Шулай итеп, ял итү үзәге хезмәткәрләре үзләренә беркетелгән К. Маркс урамын чистарттылар. Кыш буена җыелган чүп-чарны җыйдылар. Бу ял көннәрендә өмәгә районыбызның барлык халкы да кушылыр дип өметләнәбез. Моның өчен үзебездән башларга кирәк: үз йортың, ишегалды, шулай ук йорт янындагы территорияне чистарту. Күп фатирлы йортларда яшәүчеләр бергәләп ишегалды территорияләрен тәртипкә китерергә тиешләр. Һәркем чиста урамнар буйлап йөрергә тели, әмма бу чисталыкны бик азлар гына эш белән дәлилли . Чисталык һәрберебезгә бәйле икәнен истә тотыйк әле!

Татарстан Республикасы буенча Росреестр идарәсе җитәкчесе урынбасары Артем Костин милек хокукын рәсмиләштерү мәсьәләләре буенча гражданнарны чираттагы видео аша кабул итте.

Бу юлы видео аша кабул итү хезмәтеннән өч гариза бирүче файдаланган. Күчемсез милекне рәсмиләштерүнең барлык сораулары буенча һәр гариза бирүчегә җентекле аңлатмалар бирелде.

Хөрмәтле эш бирүчеләр!

2021 елда хезмәтне саклау буенча яңа кагыйдәләр нигезендә Россия профсоюзлары берләшмәсе, башкарма хакимиятнең профильле федераль органнары экспертлары, норматив хокукый актлар авторлары һәм һөнәри берләшмә вәкилләре белән берлектә, хезмәтне саклау өлкәсендә яңа документларга күзәтү буенча вебинарлар сериясен, аларны алга таба куллану буенча тәкъдимнәрне җыю һәм гомумиләштерү эшен оештыралар.

Вебинарларда катнашу-бушлай.

2021 елның 13 апрелендә Татарстан Республикасында Кеше хокуклары буенча вәкаләтле вәкил һәм Татарстан Республикасы буенча Россия Федерациясе Социаль иминият фонды җитәкчеләре, Татарстан Республикасы буенча Медик-социаль экспертиза Баш бюросы, Татарстан Республикасы Сәламәтлек саклау министрлыгының гражданнарны бергәләп кабул итүе була. Кабул итүгә алдан язылу өчен телефон: (843) 236-41 - 80 (Татарстан Республикасында Кеше хокуклары буенча вәкаләтле вәкилнең кабул итү бүлмәсе). Кабул итү Татарстан Республикасында Кеше хокуклары буенча вәкаләтле вәкил Аппаратында түбәндәге адрес буенча узачак: Казан ш., Карл Маркс ур., 61. Татарстан Республикасы муниципаль районнарында яшәүчеләр шулай ук «Skype» яки «Zoom»  программалары аша турыдан-туры тоташтыру юлы белән үз сорауларын бирә алалар.

9 апрельдә 14.00 сәгатьтә Татарстан Росреестры һәм эшмәкәрлеккә ярдәм фонды экспертлары Instagramда әлеге тема буенча аңлатмалар бирәчәк.

Шулай ук турыдан-туры эфир вакытында сез күчемсез милекне теркәүнең кыскартылган срокларыннан ничек файдаланырга, шулай ук күчемсез милеккә хокукларны рәсмиләштергәндә килеп туган барлык мәсьәләләр буенча һөнәри консультацияне кая алырга икәнлеген белерсез. Үз сорауларыгызны сез хәзер үк Росреестрның Татарстан рәсми аккаунтының @rosreestr_tatarstana яки # dom_pred фонды Instagramда бирә аласыз.

Буа районы «Гармония» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлекчәсе хезмәткәрләре «Өлкәннәр өчен куркынычсызлык мәктәбе» программасы буенча даими рәвештә дәресләр уздыралар. Өйдәге чираттагы дәресләрдә социаль хезмәт алучылар арасында грипп, ОРВИ һәм СVID-19 коронавирус инфекциясен профилактикалау темасы буенча фикер алыштылар. Аеруча игътибар коронавирус инфекциясе йоктыруның куркыныч булуына  бирелде, чөнки өлкән буын вәкилләре  бу чирне авыр кичерә.

Белгечләр тагын бер кат сәламәтлекне саклауның гади, әмма нәтиҗәле чаралары турында искә төшерделәр: кулларны ешрак юарга, җәмәгать урыннарына бармаска, ОРВИ (ютәл, төчкерү, томау төшү) билгеләре булган кешеләр белән якын элемтәләрдә тормаска  һәм бер бинада булмаска.

Шулай ук коронавирус инфекциясенә каршы вакцинациянең мөһимлеге турында сөйләделәр һәм, теләге булганнарга, бүлек хезмәткәрләре прививка ясау өчен сырхауханәгә язылырга ярдәм итәчәкләр.

Әлеге чарада барлыгы 372 кеше катнашкан. Аларның барысына да әлеге тематика буенча белешмәлекләр өләшенде.

Бу хакта Татарстан Росреестры эксперты Энҗе Мөхәммәтгалиева 8 апрельдә 13.30 сәгатьтә "Татарстан 24" телеканалының турыдан-туры эфирында "Торак-коммуналь советлар" программасында сөйлиячәк.  Ир белән хатынның уртак милке мәсьәләләренә багышланган сорауларга җавап бирәчәк

Шулай ук туры эфир вакытында сез милекне уртак биләмәгә рәсмиләштерү үзенчәлекләре, нинди документлар мәҗбүри нотариаль таныкланырга тиешлеге турында белерсез.

Шул ук вакытта һәр тамашачы үзен борчыган сорауны бирергә мөмкин. Моның өчен программаның туры эфирының кайнар линиясе (843) 511-99-66, 8-800-500-32-55 номерын җыярга кирәк.

Буада Россия Эчке эшләр министрлыгының Буа районы буенча ЮХИДИ бүлеге, "Юл хәрәкәте иминлеге" ДБУ Буа бүлекчәсе, Буа муниципаль районының " Форпост "яшьләр (студентлар) җәмәгать тәртибен саклау буенча оештыру үзәге" муниципаль бюджет учреждениесе һәм Татарстан Республикасы ДОСААФның Буа муниципаль берәмлеге тарафыннан автомобиль ярышы буенча Дәүләт автоинспекциясенең 85 еллыгына багышланган республика конкурсының район этабы үткәрелде.

Норлат авылында яшәүче тыл хезмәтчәне Гайнуллина Нурзидә Насыйр кызын 90 яшьлек юбилее белән котладылар. Аңа 90 яшь тулды. Юбилярны олы юбилее белән Буа шәһәре Башкарма комитеты җитәкчесе Рафис Галәветдинов, Нурлат авыл җирлеге вәкиле һәм социаль яклау бълеге  хезмәткәрләре тәбрикләде.

Кече һәм урта эшмәкәрлек субъектлары өчен уңай шартлар тудыру максатыннан Росреестрның Татарстан Республикасы буенча идарәсе бизнес вәкилләре өчен сораштыру башлап җибәрә. Идарә сайтында үз фикереңне калдырырга һәм күчемсез милеккә хокукларны рәсмиләштерү процедурасын яхшырту буенча тәкъдимнәр кертергә мөмкин rosreestr.tatarstan.ru. Сораштыру өстәмә мәгълүматта кече һәм урта эшмәкәрлек вәкилләре өчен 2021 елның 6 маена кадәр.

Татарстан Республикасы буенча Росреестр идарәсе җитәкчесе урынбасары, Лилия Борһанова: