Муниципаль районнар Буа муниципаль районы

ЯҢАЛЫКЛАР

апрель, 2015 ел

чәршәмбе

Шәһәрнең Энгельс урамында көздә подрядчы оешма су торбалары салганда калган балчык өемнәре яз да тора

Сары балчык һәм туфрак катыш тау өемнәре урамны ямьсезләп кенә калмыйча, җәяүлеләргә дә комачаулый. Автомобильчеләргә дә рәхәт түгел. Торба салган урында асфальт убылган һәм йөртүчеләр әлеге “траншеяны” балчык изеп әйләнеп узарга мәҗбүрләр.

Әбделхәй Хәйруллов:"Мин уңган һәм усал буалыларга рәхмәтле"

Дөресен әйткәндә, Әбделхәй Хәйрулловны беренче генә язуыбыз түгел. Бу юлы юбилярны, кат-кат биографияләренә тукталмыйча, икенче “ракурстан” ачарга булдык.

Батыр” спорт мәктәбендә иң яшь футболчылар очрашты

Биредә 2006-2007 елларда туган ир балалар арасында мини-футбол буенча районара турнир узды. Биш команда арасында барган киеренке көрәштә җиңүне “Батыр” спорт мәктәбеннән Радик Садыйков шәкертләре яулады.

Буа үзәк дәваханәсе поликлиникасы Май бәйрәмнәрендә ничек эшли

1, 3, 4, 9, 10 майда дәваханә поликлиникасы ял итәчәк. 2 һәм 11 майда поликлиникада көндезге 12 сәгаткә кадәр терапевт, хирург, стоматолог, педиатрның кизү торуы оештырылачак, алар авыруларны кабул итәчәк. Шулай ук процедура кабинеты да эшләячәк.

апрель, 2015 ел

дүшәмбе

Май аенда 13 көн ял итәчәкбез

Май бәйрәмнәрендә татарстанлылар дүрт көн рәттән ял итәчәк – 1, 2, 3, 4 майда. Җиңү көненә багышланган бәйрәм өч көн – 9, 10, 11 майда булачак.

апрель, 2015 ел

шимбә

Буа электр челтәрләренең коллектив килешүе Россия энергокомпанияләре арасында иң яхшысы

“Бөтенроссия электрчылар һөнәр берлеге” иҗтимагый берләшмәсе “Челтәр компаниясе” ачык акционерлык җәмгыяте филиалы – Буа электр челтәрләренең беренчел һөнәр берлеге оешмасын диплом белән бүләкләде. БуЭС моңа “Россия Федерациясе энергетика компанияләрендә иң яхшы коллектив килешүе” конкурсында беренче урын алуы белән лаек булды.

Шәһәрнең Ефремов урамында күпкатлы йортлар алдындагы рәшәткәләр сүтелә

Коймалар алынган урыннарда тротуарлар ясалачак.

апрель, 2015 ел

җомга

“Мәктәп проектыннан Татарстан Республикасының интеллектуаль элитасын формалаштыру” укучыларның IV республикакүләм фәнни-гамәли конференциясен үткәрү турында мәгълүмат.

Татарстан Республикасы Мәгариф һәм фән министрлыгы боерыгы нигезендә ( №15222/15 13.03.2015) 2015 нче елның 24 нче апрелендә Буа шәһәре сәләтле балалар өчен лицей-интернатта “Мәктәп проектыннан Татарстан Республикасы элитасын формалаштыру” дигән IV Республикакүләм фәнни-гамәли конференциясе уздырылды.

“Эврика” конкурсы җиңүчеләре

Укучыларның фәнни-инновацияле эшләренең “Эврика” дип исемләнгән беренче район конкурсы узды.

Г. Тукай туган көнгә багышлап үткәрелүче шигырь бәйрәме уңаеннан райондашларыбызның иҗат җимешләрен укырга тәкъдим итәбез:

Булды микән, әткәй, бала чагың?

Булды микән үсмер елларың?

Явыз дошман басып алган чакта

Унбер айлык кына булгансың.

Ач-ялангач әнкәеңә карап,

Ничек түзгән ана йөрәге!

Кулларыңа бирер өчен хәтта

Булмагандыр икмәк кисәге.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ