ЯҢАЛЫКЛАР
Быел, эпидемиологик хәл сәбәпле, әлеге чара беренче тапкыр онлайн режимда узачак.
Бу көнне бәйрәмдә катнашучы Музейлар бәйрәмнең төп темасы белән бәйле чараларны тормышка ашыралар.
Сезнең игътибарга Буа туган якны өйрәнү музееның Халыкара музейлар көненә багышланган чараларның онлайн-программасын тәкъдим итәбез:
1) 13.05.2020-18.05.2020 Музейда көн һәм төн Узган еллардагы хатирәләр…
2) 18.05.2020 "Буа туган якны өйрәнү музее" турында видеоролик
3) 18.05.2020 Музей төне " Якташ рәссам, Россия рәссамнар берлеге әгъзасы Заһретдинов Васил Вагыйп улының виртуаль күргәзмәсе"
4) 18.05.2020 12.00 Онлайн трансляция: музей йорт мөдире Ильдия Гиниятуллина котлавы һәм Халыкара музейлар көне уңаеннан Күл Черкене авылында Бакый Урманче музее буенча экскурсия.
5) 18.05.2020 13.00 Онлайн трансляция: музей директоры Люция Әхмәтҗанованың Халыкара музейлар көне белән котлавы һәм туган якны өйрәнү музее буйлап экскурсия.
Башта ул Фирдүс Салаватуллин һәм Илсур Йосыповның фермер хуҗалыгын карады, анда 2 га мәйданда 20дән артык кеше белән кәбестә утырту бара. Аннары Ранис Рафис улы Җәмил Дәүләтшин крестьян-фермер хуҗалыгында булды. Бүген ул кура җиләге һәм алмагачлар утырта. Моннан тыш, район җитәкчесе "Коммуна", "Бола", "Ямбулат" хуҗалыкларын карады, анда язгы кыр эшләренең барышы белән танышты. Хәзер район хуҗалыкларында минераль ашламалар белән тукландыру һәм чүп үләннәренә каршы препаратлар сиптерү эшләре бара. Районда чәчү тәмамланып килә, "Заря" һәм "Дружба" хуҗалыкларында 1500 га кукуруз чәчәсе генә калды.
Яз башында "Дорсервис" ҖЧҖ юлчылары шәһәр урамнарында юлларны төзекләндерү турында хәбәр иттеләр инде. Әмма юл катламының эксплуатацион торышы җитешсезлекләре ачыкланды. Шушы көннәрдә юл эшчеләре урамнардагы чокырларны кабат ремонтлауга керештеләр.
Эшләр Ефремов, Р.Люксембург, Космовский, Жорес, Г. Исхакый, Вәлитов, Дала, Арефьев, Ибраһимов урамнарында алып барыла.
Продуктларны партиянең ТабибларгаРәхмәт акциясе кысаларында бирделәр. «Бердәм Россия» Россиянең иң эре ваклап сату челтәрләренең берсе - «Магнит» белән медикларга азык-төлек җыелмалары бирү турында килеште. «Бүгенге көндә медхезмәткәрләр физик яктан гына түгел, ә югары эмоциональ киеренкелек белән эшлиләр. «Бердәм Россия» ягыннан мондый ярдәм - ул, барыннан да элек, психологик ярдәм», - диде Буа район үзәк хастаханәсенең баш табибы Рөстәм Сәмәрханов һәм «Бердәм Россия» активистларына күрсәткән игътибарлары һәм ярдәме өчен рәхмәт белдерде.
Хәзерге вакытта Татарстан Республикасында яңа коронавирус йогышы таралуны булдырмау буенча чаралар күрү шартларында, Татарстан Республикасы Икътисад министрлыгы тарафыннан икътисадның аеруча зыян күргән тармаклары исемлегенә кертелмәгән кече һәм урта эшкуарлык субъектларына ярдәм чаралары әзерләнде, аерым алганда, «Татарстан Республикасы эшкуарлыкка ярдәм итү фонды» коммерциячел булмаган микрокредит компаниясе тарафыннан ташламалы шартларда микрозаймнар бирү тәкъдим ителә, «Татарстан Республикасы кече һәм урта эшкуарлыгына ярдәм һәм аны үстерү программаларын гамәлгә ашыру үзәге» дәүләт казна учреждениесенә азык-төлек һәм азык-төлек продуктлары китерү хезмәтләре өчен түләүгә бәйле кредитлар һәм чыгымнар буенча процент ставкасын субсидияләү, шулай ук «Татарстан Республикасы Гарантия фонды» коммерциячел булмаган оешмасы тарафыннан «Ярдәм» заем акчаларын җәлеп итү һәм гамәлдәге кредит килешүләре буенча бурычларны реструктуризацияләү өчен «Реструктуризацияләү» гарантия продукты өчен җитәрлек залог белән тәэмин ителмәгән эшкуарлар өчен поручительлек.
Кризиска каршы федераль һәм республика чаралары турында тулырак мәгълүматны түбәндәге сылтама буенча белергә мөмкин: https://yadi.sk/i/P62hiLus5UYaBA
Иртәгә, 17 майда, бөтен дөньяда СПИДтан үлгәннәрне искә алу көне (Хәтер көне) билгеләп үтелә. Бу көн җәмәгатьчелек игътибарын ВИЧ/СПИД проблемаларына юнәлтү, хәбәрдарлыкны арттыру, корбаннарны искә алу һәм ВИЧ-инфекцияле кешеләргә ярдәм итү максатыннан үткәрелә. Әлеге датага багышланган чараларның берсе-кеше иммунодефициты вирусы белән зарарланган кешеләргә карата дискриминация булдырмый торган социаль мохит формалаштыру.
Татэнергосбыт «Кояшлы куян» энергияне сак тоту темасына XI Республика балалар иҗат эшләре конкурсына гаризалар кабул итүне дәвам итә.
Канаш дистанциясе хәбәр иткәнчә, 2020 елның 19 маенда Буа – Боерган арасындагы тимер юлны капиталь ремонтлау буенча эшләр башкарылачак. Шуңа бәйле рәвештә тимер юлның әлеге участогында урнашкан Р241-Казан-Буа-Ульяновск автомобиль юлы трассасында 120 км (115 км +255 км) тимер юл кичүе аша хәрәкәт 08.00 дән 17.00 гә кадәр чикләнәчәк.
Автотранспортны берьяклы тәртиптә җайга салучы күрсәтмәсе белән үткәрү оештырылачак. Эшләрнең гомуми вакыты 8 сәгать тәшкил итәчәк.
2020 елның 28 маенда Татарстан Республикасында Кеше хокуклары буенча вәкаләтле вәкил гражданнарга хокукый ярдәм күрсәтү һәм гражданнарның хокукларын саклауны тәэмин итү максатыннан, республика гражданнарының хезмәт хокукларын яклау мәсьәләләре буенча «кайнар линия» үткәрә.
15 майда дөньяда Халыкара гаилә көне билгеләп үтелә. Буалылар арасында физик культура һәм спорт үсешенә бүгенге көндә дә зур өлеш кертүче спорт гаиләләре шактый. Абыйлы-энеле Мансур һәм Рамил Җамалетдиновлар районның спорт тормышында аерым урын алып торалар. Мансур Миңнехадиевич-гер спорты буенча спорт мастеры, «Татарстан Республикасының физик культура һәм спорт отличнигы», күп тапкырлар Сабантуйлар чемпионы. Рамил Миннехадиевич-көрәш буенча спорт мастеры, аркан тарту буенча чемпион. Ел саен районда танылган көрәшче, ТР спорт мастеры Җамалетдинов Рамил Миңнехади улы кубогына "Көрәш" буенча шәхси-команда беренчелеге үткәрелә. Аларның уллары да спортның бу төре белән шөгыльләнәләр, район һәм республика ярышларында призлы урыннар яулыйлар. Без алар белән горурланабыз!