ЯҢАЛЫКЛАР

Агроиминиятләштерү-аграрийларның финанс тотрыклылыгын тәэмин итүнең нәтиҗәле коралы. 13 февральдә 11.00 сәгатьтә "Казан Экспо" агросәнәгать форумы кысаларында Татарстан Республикасы Авыл хуҗалыгы һәм азык-төлек министрлыгы тарафыннан оештырылган түгәрәк өстәл нәкъ менә шундый темага багышлана. 2019 елда агроиминләштерү нәтиҗәләре белән Татарстан Республикасы Авыл хуҗалыгы һәм азык-төлек министры урынбасары Илдус Габдрахманов таныштырачак. Чарада шулай ук Агроиминияләштерү Милли Союзы  Президенты Корней Биждов катнашачак.

Түгәрәк өстәл кысаларында авыл хуҗалыгы җитештерүчеләре өчен иминиятләштерүнең иң актуаль мәсьәләләре каралачак, алар арасында агроиминиятләштерү, законнардагы соңгы үзгәрешләр һәм иминиятнең гамәли аспектлары. Аграрчылар үзләре өчен бик күп файдалы мәгълүмат алып кына калмыйча, үзләрен кызыксындырган сорауларны да бирү һәм үз тәҗрибәләре белән уртаклашу мөмкинчелеге дә булачак.

2020 елның 30 апреленә кадәр гражданнар 2019 елда алынган керемнәр турында хисап тотарга тиеш.

 Милкендә минималь вакыттан азрак булган фатирны сатса, якын туганнарыннан кыйммәтле бүләкләр алса, милекне арендага биреп, чит ил чыганакларыннан керем алса,   мондый очракларда  һәр кеше декларацияне тапшырырга тиеш.

Үз керемнәре турында шулай ук шәхси эшмәкәрләр, нотариуслар, адвокатлар кабинетларын гамәлгә куйган адвокатлар һәм башка затлар хисап тотарга мәҗбүр.

"Челтәр компаниясе" ААҖ филиалы Буа электр челтәрләре электр хуҗалыгы объектларында ремонт һәм профилактик эшләр башкару турында хәбәр итә, шул сәбәпле 12,13, һәм 14 февральдә 9.00 сәгатьтән 17.00 сәгатькә кадәр Татар Буасының  Үзәк урамы буенча 25-84 йортларда, Яшел  урамында 1-37 нче йортта ут булмаячак.

18 февральдә 10.00 сәгатьтән 14.00 сәгатькә кадәр, автомат ут сүндергечләрен алыштыру сәбәпле, Нагорная урамы буенча 12 нче йортта  Каенлык авылында, шул ук көнне 10.00 сәгатьтән 17.00 сәгатькә кадәр Таковар авылында су кудыру, дуңгыз фермасы, АЗС объектларында  вакытлыча ут булмаячак.

Татарстан Республикасы буенча Росреестр идарәсенә торак һәм бакча йортлары төзелешендә хәбәр итү тәртибе гамәлдә булган чорда җирле үзидарә органнары тарафыннан кадастр исәбенә кую һәм теркәү өчен 5 730 гариза бирелгән.  90% тан артык очракта (5 164 гариза буенча) хокукларны теркәү органы тарафыннан уңай карар кабул ителде.

Исегезгә төшерәбез, торак һәм бакча йортларын төзүнең хәбәр итү тәртибе «Россия Федерациясе Шәһәр төзелеше кодексына һәм Россия Федерациясенең аерым закон актларына үзгәрешләр кертү турында» 2018 елның 3 августындагы 340-ФЗ номерлы Федераль закон белән кертелде. Росреестрга дәүләт хакимиятенең, җирле үзидарәнең вәкаләтле органнары тарафыннан кадастр исәбенә һәм мондый объектларга хокукларны теркәүгә гаризалар бирү бурычы «Күчемсез милекне дәүләт теркәвенә алу турында» 2015 елның 13 июлендәге 218-ФЗ номерлы Федераль законның 19 статьясындагы 1.2 өлеше белән билгеләнгән.

Буада «Россия Ел укытучысы-2020 " Бөтенроссия конкурсының зона этабын ачу тантанасы узды. Бәйгене ачу тантанасында Татарстан Республикасы Мәгариф һәм фән министрлыгының милли мәгариф бүлеге башлыгы Энҗе Гыйззәтуллина, Татарстан Республикасы Мәгарифне үстерү институтының методик үсеш бүлеге башлыгы Ольга Мартьянова, Буа муниципаль районы Башкарма комитеты җитәкчесенең социаль мәсьәләләр буенча урынбасары Лилия Садретдинова, Башкарма комитет җитәкчесе урынбасары - «Буа муниципаль районы мәгариф идарәсе» МКУ башлыгы Илгиз Ханбиков һ. б. катнашты.

Бәйгедә Татарстан Республикасының алты районыннан 15 педагог катнаша. Уңышлар телибез!  Һөнәри конкурста катнашу Сезне яңа уңышларга һәм ачышларга рухландырсын.

Мәҗбүри пенсия иминияте буенча хокук мөнәсәбәтләренә ирекле рәвештә кергән физик затлар иминият взносларын киләсе тәртиптә түли.

Иминият взносларының минималь күләме федераль закон тарафыннан финанс елы башына билгеләнгән минималь хезмәт хакы күләмен һәм Россия Федерациясе Салым кодексының 425 статьясындагы 2 пунктының 1 пунктындагы 1 пунктчасында билгеләнгән иминият взнослары (2020 елда 12 130,00 сум) тарифын исәпләү (22%) буларак билгеләнә.

Шулай итеп, 2020 елда түләнергә тиешле иминият взносларының минималь күләме 32 023,20 сум тәшкил итә.

Иминият взносларының максималь күләме финанс елы башына федераль закон тарафыннан билгеләнгән 8 тапкыр минималь хезмәт хакы күләмен һәм Россия Федерациясе Салым кодексының 425 статьясындагы 2 пунктының 1 пунктчасы белән билгеләнгән Россия Федерациясе Пенсия фондына иминият взносларының 12 тапкыр арттырылган тарифын билгеләү буларак билгеләнә.

2020 елда иминият взносларының Максималь Күләме 256 185,60 сум тәшкил итә.

2019 елның 1 гыйнварыннан Татарстан Республикасы территориясендә һөнәри керемгә салым кертелде.

«Һөнәри керемгә салым»  махсус салым режимын кулланучы физик затлар һәм шәхси эшмәкәрләр пенсия фондына иминият взносларын түләргә тиеш түгел. Үзмәшгульләр пенсия фондына взносларны ирекле тәртиптә күчерәләр.

Мөһим! Пенсия хокукларын формалаштыру (иминият стажы һәм шәхси пенсия коэффициентын алу) мәҗбүри пенсия иминиятенә фактта түләнгән иминият взносларыннан чыгып кына башкарыла.

Иминият взносларын түләү өчен, үзмәшгуль гражданнарга мәҗбүри пенсия иминияте буенча ирекле хокук мөнәсәбәтләренә керергә кирәк.  Моның өчен Пенсия фондының территориаль органына шәхсән гариза бирергә яки почта аша гариза җибәрергә кирәк.

РФ Салым кодексының 430нчы маддәсе нигезендә, 2020 елда иминият взносларының теркәлгән күләме 32 448,00 сум тәшкил итә, максималь күләме - 256 185,60 сум, иминият взносларын фиксацияләнгән күләмдә түләгән очракта, индивидуаль пенсия коэффициенты күләме – 1,141 сум, иминият взносларын максималь күләмдә – 9,013 сум тәшкил итәчәк.

Татарстан Республикасы Министрлар Кабинетының 2015 елның 1 июнендәге 391 номерлы карары белән расланган «Татарстан Республикасының иң яхшы территориаль иҗтимагый үзидарәсе» республика конкурсы турындагы Нигезләмә нигезендә Буа муниципаль районы территориясендә «Татарстан Республикасының иң яхшы территориаль иҗтимагый үзидарәсе» республика конкурсының I этабы узды.

Бәйгенең I этабында катнашу өчен конкурс материалларын «Мелиоратор»,«Студенческий», «Заводская», «Питомник», «Кленовый» территориаль иҗтимагый үзидарәләре тәкъдим итте.

Конкурс комиссиясе нәтиҗәләр ясады һәм иң яхшыларны билгеләде:

1 урын –  «Заводской» территориаль иҗтимагый үзидарәсе

2 урын -  «Питомник» территориаль иҗтимагый үзидарәсе

3 урын –  «Кленовый» территориаль иҗтимагый үзидарәсе

Җиңүчеләр әлеге конкурсның II этабында катнашачаклар.

«Светофорик» балалар бакчасында чаналар парады узды. Конкурсның максаты-гаиләнең уңай имиджын формалаштыру, гаилә кыйммәтләрен һәм гореф-гадәтләрен үстерү һәм пропагандалау, кышкы чорда мәдәни ялны оештыру.  Әкият чаналары ярышында 15 гаилә катнашты. Ата-аналар балалар белән әкияти чаналар әзерләделәр.  Жюрига иң-иңнәрне билгеләү җиңел бирелмәде, барлык конкурсантлар да  матур итеп бизәлгән чаналар күрсәтеп кенә калмыйча, шигырьләр дә сөйләделәр, җырлар  да җырладылар. Тамашадан соң  парад  балалар бакчасы бинасы тирәсендә чана  шуу белән дәвам итте. Бәйгедә катнашучыларның барысы да  мактау грамоталары белән бүләкләнде

Буа шәһәрендә республика прокуратурасы хезмәткәрләренең Бөек Ватан сугышында Җиңүнең 75 еллыгына багышланган «Кызыл ромашка» иҗат бәйгесенең зона этабы узды. Татарстан Республикасы прокуратурасы оештырган бәйге региональ мәдәният министрлыгы ярдәме белән үткәрелә. Чарада жюри рәисе сыйфатында Татарстан Республикасы прокуроры урынбасары Юлия Ивановна Наумова катнашты. Буа муниципаль районына визит барышында Юлия Наумова шулай ук Мәдәни үсеш үзәге холлында куелган  "Свияжск-Ульяновск тимер юлы" күргәзмәсен карады. Бәйге тамашачылары булып  шәһәр һәм район прокуратуралары хезмәткәрләре, аларның гаилә әгъзалары, авыл җирлекләре башлыклары, Буа муниципаль районы учреждениеләре хезмәткәрләре катнашты.