ЯҢАЛЫКЛАР

16
февраль, 2015 ел
дүшәмбе
Эшмәкәрләрне тынычлыкта калдырачаклар: уңай һәм тискәре яклары
Татарстанның күзәтчелек органнары 2015 елда кече һәм урта эшмәкәрлек вәкилләрен “тынычлыкта” калдырырга карар кылган. Роспотребнадзор идарәсе вәкилләре мондый тикшерүләрне 40 процентка киметергә вәгъдә итә. Ә менә янгын куркынычсызлыгы белән бәйле тикшерүләр бөтенләй үткәрелмәскә мөмкин...
14
февраль, 2015 ел
шимбә
Гашыйклар көне җитте
14.02.2015 изге Вәли, икенче төрле әйткәндә, Гашыйклар көне. Әлеге бәйрәм Россиядә XX гасырның 90нчы елларыннан бирле билгеләп үтелә. 14 февральдә кешеләр бер-берсенә мәхәббәт белдереп йөрәк рәвешендәге открыткалар, чәчәк бәйләмнәре, төрле сувенирлар бүләк итәләр. Ә безнең газета укучылар изге Вәли көнен ничек  үткәрергә җыеналар? Бу хакта үзләреннән сораштырдык.  
Ильмир ХӘСӘНОВ, район имам-мөхтәсибе:
- Ислам динендә ир-ат һәм хатын-кыз арасындагы мә-хәббәт никахтан соң гына башлана. Аңа кадәр булган мөнәсәбәтләр канун буенча кабул ителми. Шуңа да изге Вәли бәйрәме мөселман өчен ят нәрсә булырга тиеш. Безнең үзебезнең бөек дини бәйрәмнәребез бар бит. Яшьләр күбрәк шуларны үз итсеннәр иде.
Әзһәр ЗЫЯТДИНОВ, шәһәрнең Р. З. Сәгъдиев исемендәге мәктәбе  директоры:
-Укучылар ел саен Изге Вәли көнендә бер-берсенә, укытучыларына хөрмәт белдереп, “валентинкалар” өләшә-ләр. Мин моны начар гадәт дип уйламыйм. Гәрчә бу бәйрәмне үзем кабул итмәсәм дә. Минем өчен рәсми бәйрәмнәр генә бар. Аларда гына якыннарыма бүләк ясыйм.
Гөлнур ШӘЙХЕТДИНОВА, Казан федераль университетының II курс студенты:
- Мин бу бәйрәмне көтеп алам. Яраткан егетем Айнурга одеколон, “валентинка” бирәчәкмен. Үзе узган ел мине кафега чакырды, чәчәк, открытка бүләк итте. Иң мөһиме яратуын аңлатты. Ә быел Вәли көне шимбәгә туры килә, без, берничә пар, дус кызымның квартирында бәйрәм итмәкче булабыз. Өстәлдәге ризыкларны да йөрәк рәвешендә бизәячәкбез.
Сергей ФОМИН, район үзәк дәваханәсе табибы:
-Изге Вәли көне безнең өчен гаилә бәйрәме ул. Хатыным Татьяна, балалар бер-беребезне котлыйбыз, “валентинка”лар бүләк итәбез. Ә кичен гаиләбез түгәрәк өстәл артына җыела. Традиция буенча әни безнең яраткан тортны пешерә. Яратуыбызны, кайгыртуыбызны белдереп, аны да котлыйбыз. Аннары бергәләшеп сыйланабыз.
13
февраль, 2015 ел
җомга
Плансыз эш бармый
Шикәр заводы ничек эшләде? Аның дирекциясе шушы көннәрдә коллектив алдында отчет тотты.
Әлегә ике автомәктәп укыта
“Права”лы булырга теләүчеләрнең автомәктәпләр сайлау мөмкинлеге чикләнде. Бу автомәктәпләр эшчәнлегенә таләпләр кырыслану белән бәйле. Шәһәрдә дүрт укыту базасы бар иде, яңа таләпләр чыккач эшне дәвам итү хокукын әлегә ветеринария техникумы һәм “Автомобилист” автомәктәпләре генә алды.
12
февраль, 2015 ел
пәнҗешәмбе
ЮХИДИ штрафларын түләүдән качып булмаячак...
Полиция хезмәткәрләре салган штрафларны вакытында түләмәүче машина йөртүчеләр саны һаман да югары булып кала. Хәер, узган ел суд приставлары аларны киметү максатыннан шактый уңышлы эшләгән.
Финанс пирамидалары: акчасыз калган халыкка нишләргә?

Хәзерге вакытта илдә финанс һәм икътисади вәзгыять шактый катлаулы. Халыкның “рубль”гә карата ышанычы кимегәннән-кими. Шуңа күрә татарстанлылар кулларындагы акчадан тизрәк котылырга тели. Күпләр аны шикле оешмаларга илтеп тапшырудан да курыкмый хәтта. Кагыйдә буларак, әлеге оешмалар клиент акчаларын кыска вакыт эчендә ике-өч тапкырга арттырырга вәгъдә итә...


 
Грипп Татарстанга кайчан килер?
Россия буенча 1600 мәктәп һәм 200 балалар бакчасы, грипп киң таралыш алганга, карантинга ябылган. Роспотребнадзор мәгълүматлары буенча,  илебезнең 17 төбәгендә авыручылар саны эпидемия чиген узган. Иң кискен вәзгыять Чиләбе өлкәсендә һәм Пермь краенда күзәтелә. Татарстанда әлегә грипп белән чирләүчеләр алай күп түгел, әмма соңгы атнада тын юлларының кискен вирус инфекциясен (ОРВИ) йоктыручылар саны эпидемия бусагасына якынлаша.
Район үзәк китапханәсендә якташыбыз иҗаты күргәзмәсе

Район үзәк китапханәсендә якташыбыз иҗаты күргәзмәсе
11
февраль, 2015 ел
чәршәмбе
Срогы чыккан продуктлар исемлегендә - казылык, балык һәм шоколад
Товарларга бәяләмәләр, аның турында мәгълүмат юк һәм киштәләрдә срогы чыккан продуктлар ята – февраль аенда ике кибетне тикшереп, Татарстан Республикасы Яшел Үзән территориаль органының контроль-инспекция бүлеге белгеч-эксперты Рөстәм Хәбибуллин шундый җитешсезлекләрне ачыклады.
Яңача исәпләү: сумнарда түгел, балларда
Быелдан пенсияләрне яңача саный башлыйлар. Ничек? Әлеге язмада шуны ачыкларга тырышырбыз.
ЯҢАЛЫКЛАРГА ЯЗЫЛУ
Район турында
Гражданнар мөрәҗәгате
Социаль эшкуарларга һәм социаль юнәлешле коммерциягә карамаган оешмаларга ярдәм
«Матбугат хезмәте»
Телефон: 8 (84374) 3-10-93, 3-11-93
Факс: 8 (84374) 3-10-93, 3-11-93
E-Mail: bua@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International