ЯҢАЛЫКЛАР

Буа муниципаль районының авыл җирлекләрендә көн саен гражданнар җыены уза.

Чираттагы гражданнар җыены Бик Үти авылында узды. Авыл кешеләрен районда башкарыла торган эшләр белән таныштырдылар, быелгы уңышлар һәм проблемалар турында сөйләделәр.

Очрашу Бик-Үти авыл җирлеге башлыгының, аннары җирле бюджет учреждениеләре җитәкчеләренең хисап докладын тыңлаудан башланды. Очрашу барышында район Башлыгы Ранис Камартдинов катнашучыларны районда һәм шәһәрдә узган эш нәтиҗәләре белән таныштырды һәм агымдагы елга бурычлар билгеләде, шулай ук сорауларга җаваплар бирде.

Авыл халкын авыл мәдәният йорты төзелеше борчый торган мәсьәлә бердәнбер булып кала.

Татарстан Республикасы (Татарстан) буенча Роспотребнадзор идарәсенең Буа, Чүпрәле, Тәтеш, Апас районнарында территориаль бүлегендә түбәндәге адреслар буенча: Буа ш., Ефремов ур., 135 «В»; Тәтеш ш., Свердлов ур., 43,  2022 елның 19 гыйнварында кабул итү узачак.

Бердәм "Ачык ишекләр" көненең максаты-идарә компетенциясе кысаларында эшкуарларга түләүсез консультацион ярдәм күрсәтү.

Татарстан Республикасында яңа коронавирус йогышы (Covid-19) таралуын кисәтү максатларында эшкуарларны “Ачык ишекләр" нең бердәм көнендә кабул итү алдан язылу номерлары буенча башкарылачак 8(84374)3-52-89, 3-17-04; 8(84373) 2- 52-59».

2022 елның 14 гыйнварында Татарстан Республикасы территориясендә:

- күзнең күрү сәләте 1000 метрга кадәр һәм аннан да начаррак булган буран;

- көчле көньяк җиле 15-20 м/с ка кадәр;

-юлларда кар өемнәре;

- көндез һәм кич көчле кар.

Хөрмәтле салым түләүчеләр!

Федераль салым хезмәтенең Татарстан Республикасы буенча 8 нче районара инспекциясе 2022 елның 1 гыйнварыннан декларация кампаниясе башлануын искә төшерә.

2021 елда алынган керемнәр турында декларацияне 2022 елның 4 маена кадәр тапшырырга кирәк. 3-НДФЛ формасын үз исәпкә алу урыны буенча салым органына яки КФҮкә тапшырырга мөмкин. Декларацияне шулай ук физик затлар өчен салым түләүченең шәхси кабинетында яки «Декларация» программасы аша тутырырга мөмкин. Моның өчен Россия Федераль салым хезмәтенең 15.10.2021 ел, № ЕД-7-11/903 боерыгы белән расланган 3-НДФЛ формасын тутырырга кирәк.

Росстат мәгълүматларына караганда, COVID-19дан үлүчеләрнең 83% ы-60 яшьтән өлкәнрәк пациентлар. Бөекбританиядә үткәрелгән анализ нәтиҗәләре буенча 80 яшьлек юбилеен билгеләп үткән кешеләр арасында коронавирус инфекциясеннән үлем куркынычы 11 тапкыр арта. Өлкән яшьтәге кешеләр коронавирус йогышы белән авырганда аеруча куркыныч зонасында.

Бу кичерелгән COVID-19 дан соң кешене борчый торган симптомнар комплексы, ул вакытта инде йогышлы авыруның вирусы һәм кискен күренешләре яки катлауланулары булмаган, дәвалауның төп курсы тәмамланган, әмма пациент үзен сәламәт хис итми. Бу термин инде халыкара авырулар классификациясенә "COVID-19 күчерелгәннән соңгы халәт" буларак кертелгән. Диагноз башка авырулары булмаган пациентларга гына куела. Бу синдромның дәвамлылыгы ярты елга кадәр һәм аннан да күбрәк булырга мөмкин. 

         Федераль законнар җыелмасына кертелгән үзгәрешләр яктылыгында Россия Пенсия фондына әлегә кадәр социаль яклау һәм Россия хезмәт региональ органнары Татарстан Республикасы буенча 18 меңнән артык түләү делолары нигезендә тормышка ашырган социаль ярдәм төрләрен түләү буенча өстәмә функцияләр һәм бюджет вәкаләтләре тапшырыла.

         Сүз түбәндәге биш категориягә караган пособиеләр, түләүләр һәм компенсацияләр хакында бара:

• Балалары булган эшләмәүче гражданнар;
• Радияция тәэсиренә дучар булган гражданнар;
• Реабилитацияләнгән затлар;
• Медицина күрсәтмәләре буенча транспорт чараларыннан файдаланучы  инвалидлар (инвалид балалар);
• Пенсион тәэминаты Россия Пенсия фонды аша башкарылучы хәрби хезмәткәрләр һәм аларның гаилә әгъзалары.

Бүген Буа муниципаль районы Башкарма комитеты ГХАТ бүлегендә 2022 нче елның беренче парын тантаналы рәвештә теркәделәр. Яшь парлар Айдар һәм Гүзәл Фатыйховларны район җитәкчелеге исеменнән Буа муниципаль районы Башкарма комитеты җитәкчесе урынбасары Илгиз Ханбиков котлады, аларга бүләк һәм чәчәкләр тапшырды. Яшьләрне шулай ук Россия Эчке эшләр министрлыгының Буа районы буенча идарәсенең шәхси состав белән эшләү бүлеге җитәкчесе Рафаэль Сәлахов тәбрикләде. Фатыйховлар гаиләсенә озын һәм бәхетле гаилә тормышы телибез! Сезнең уртак тормышыгыз үрнәк булсын, никахта һәрчак бер-береңә мәхәббәт һәм наз булсын.

Район халкын һәм кунакларны Иске Яңа ел бәйрәменә чакырабыз!

Быел, 13 гыйнварда, Иске Яңа елны өч мәйданчыкта бәйрәм итәчәкбез:

Үзәк паркта

Яшьләр паркында

шәһәрнең  Шикәр паркында!

Программада:

Яңа ел әкияте

🔘Шәһәрнең үзешчән сәнгать артистларының, авыл коллективларының һәм башкаручыларның, мәгариф учреждениеләренең иң яхшы музыкаль номерлары

🔘күңелле уеннар

🔘сәүдә рәтләре

баллы мамык, кайнар чәй

Программа 18:00 сәгатьтә башлана

Дәүләт Думасы депутаты Буа муниципаль районына эшлекле сәфәр белән килде.

Депутатның районда эшләве «Бердәм РОССИЯ» партиясенең җирле җәмәгать кабул итү бүлмәсендә гражданнарны кабул итүдән башланды. Максим Топилинга сораулар белән ике кеше мөрәҗәгать итте. Буа муниципаль районының Адав-Толымбай авыл җирлеге Советы депутаты Фәрит Садриев Буа район мәдәният йортын реконструкцияләүне программага кертергә,ә Әлфия Бурнашева  1 нче төркем инвалид булган оныгы өчен инвалид креслосын алуда ярдәм итүләрен сорады.