ЯҢАЛЫКЛАР

Буаның «Гармония» халыкка социаль хезмәт күрсәтү комплекслы үзәге каршындагы гаиләгә һәм балаларга социаль ярдәм бүлекчәсе белгечләре «Безнең ишегалды уеннары» дигән чара уздырганнар . Чара Боерган авыл җирлегенең социаль участогында “Ишегалды уеннары " технологиясе кысаларында үткәрелде.

Очрашу башында белгечләр балаларны хәрәкәтчән уеннар белән таныштырдылар. «Лев» һәм «Ракета» командаларына бүленеп, балалар тизлектә, җитезлектә һәм зирәклектә ярыштылар. Мәйданда дәрт һәм күңеллелек хөкем сөрде, һәркем үз көчләрен сынап карады һәм дусларының ярдәмен тоя алды.

Буаның «Гармония» халыкны социаль тәэмин итү комплекслы үзәгенең гаиләгә һәм балаларга социаль ярдәм бүлекчәсе социаль педагогы «Киләчәк турында кайгырту» программасы буенча «Бәхетле никахның ун кагыйдәсе» дигән темага профилактик дәрес үткәрде. Дәрестә "Бәхетле никах законнары"дип исемләнгән төркемле дискуссия үткәрелде. Яшүсмерләр никах, булачак әнидә белән хатында нинди проблемалар килеп чыгарга мөмкинлекне һәм аларны ничек хәл итәргә кирәклеген тикшерделәр. Шулай ук кызлар "Баланы җылыт" уенын уйнадылар һәм "Бәхетле никахның ун кагыйдәләре"дигән белешмәлекләр алдылар. Әлеге дәреснең максаты: бәхетле никахның чын кагыйдәләре турында күзаллауларны формалаштыру, шәхси ресурсларны активлаштыру

27 июнь көнне Буа шәһәренең Үзәк стадионында җәй һәм яшьлек бәйрәме узды. Бәйрәм чарасында тематик мәйданчыклар эшләде. Буа яшьләре мастер-классларда катнашып, өстәл уеннары, баскетбол, зур туп белән футбол уйный, шулай ук робот техникасы һәм аквагримм мәйданчыгында була алды. Дистәләгән бала Кубик-рубик җыю буенча турнирда һәм традицион велоузышта катнашты.

Шәһәр һәм район яшьләрен башкарма комитет җитәкчесе вазифаларын башкаручы Ленар Шакирҗанов сәламләде.

Бүген тантаналы шартларда 14 яше тулган балаларга паспортлар тапшырылды. Бәйрәм шәһәрнең актив яшьләренә бүләкләр тапшыру белән дәвам итте.

Яшьләр һәм район халкы өчен бәйрәм дискотекасы оештырылды. "i-былбылым" һәм "URAM"- татар реп - хитлары авторы MOONCHOS чыгыш ясады.

Казанда Каенлыкта татар халык бәйрәме-Сабантуй узды. Масштаблы халык күңел ачуында гадәттәгечә буалылар да катнашты.

Иртәдән үк Каенлыкка шәһәр халкы һәм кунаклары агыла башлады. Аларны авылча эшләнгән ишегалларында каршы алдылар.  

Буа-Аланга Башкортстан, Үзбәкстан, Кытай, Әрмәнстан һәм башка илләрдән кунаклар килде.

Бүген көн тәртибендә 2 комиссия: наркотикларга каршы комиссия һәм хокук бозуларны профилактикалау буенча комиссия утырышы.

«Мәк» Бөтенроссия оператив-профилактик операциясен үткәрүгә бәйле әзерлек эшләренең барышы турында Россия Эчке эшләр министрлыгының Буа районы буенча бүлеге башлыгы Ринат Хәсәнов җиткерде.

Аннан соң "Җәйге чорда балалар һәм яшүсмерләрне физик культура һәм спорт белән даими шөгыльләнүгә җәлеп итү өчен шартлар тудыру турында", "Җәйге чорда гаилә белән эш оештыру", "Буа шәһәре халыкны эш белән тәэмин итү үзәге ДКУнең" 2020 елда балигъ булмаганнар һәм өлкәннәр арасында наркоманияне профилактикалау буенча эшчәнлеге турында, "Җәйге чорда балаларны һәм яшьләрне эшкә урнаштыру турында" чыгышлар тыңланды.

Соңгы мәсьәлә актуаль булып тора. Утырышта катнашучылар студентлар һәм мәктәп укучыларының җәйге вакытта эшләргә теләвен билгеләп үттеләр. Ранис Камартдинов әлеге мәсьәләне эшләп бетерергә, мәсәлән, яшьләрне,  җиләк-җимеш җыюга җәлеп итү юнәлешен карарга кушты.

Мәгълүматлар базасына республика территориясендә яшәүче кешеләр турында мәгълүмат белән 111 миллионнан артык язма керәчәк.

Татарстан халыкларының тарихи истәлеген торгызу һәм генеалогик тикшеренүләргә ярдәм итү өчен республика архив хезмәте тарафыннан «Ядкәр» («Хәтер») генеалогик проекты эшли башлады.

Мәгълүматлар базасына Татарстан территориясендә яшәүче кешеләр турында мәгълүмат белән 111 миллионнан артык язма керәчәк. Белгечләр документлар индексацияләнәчәк ди, башка архивлардан документлар алу һәм җирле халык арасында анкета үткәрү планлаштырыла.

Кайбер участокларда суның вакытлыча чикләнүе сәбәпле, шәһәрдә эчәргә яраклы су ташыла. "Буа-Водоканал" ААҖ автоцистерналары күрсәтелгән урамнарда  бирелгән вакыт кыссаларында график нигезендә урнашкан.

Безнең һәрберебез коммуналь хезмәтләрне күрсәтүне туктатып тору яки чикләү белән очрашты, һәм еш кына бу көтелмәгән хәл булды. Бу белешмәлек сезгә коммуналь хезмәтләрне туктату яисә чикләү нәрсә икәнлеген һәм аның нинди тәртиптә башкарылачагын ачыкларга ярдәм итәр, дип ышанабыз. 

НОРМАТИВ БАЗА

- «Кулланучылар хокукларын яклау турында»07.02.1992 ел, №2300-I РФ Законы,

- Күпфатирлы йортлардагы һәм торак йортлардагы биналарның милекчеләренә һәм файдаланучыларына коммуналь хезмәтләр күрсәтү кагыйдәләре. РФ Хөкүмәтенең 2011 елның 6 маендагы 354 номерлы карары (алга таба - кагыйдәләр). 

Россия Федерациясе Хөкүмәтенең 15.12.2020 ел, № 2099 карары нигезендә, кулланучыларга һәм хуҗалык итүче субъектларга сөт продукциясен идентификацияләү чаралары белән маркировкалау кагыйдәләре раслануы турында хәбәр итәбез:

2021 елның 1 июненнән маркировкалау «туңдырма» һәм «сырлар» категорияләре өчен мәҗбүри була. Бу датадан башлап сыр һәм туңдырма җитештерүчеләр системада теркәлергә һәм үз товарларын каталогта тасвирларга тиеш. Бу вакытка кодлар заказы буенча процесслар, аларны товарларга төшерү, кодлар түләү һәм әйләнешкә кертү турында хисап бирү процессы тулысынча җайга салынырга тиеш.

2021 елның 1 июленнән алдагы календарь елында табышы егерме миллион сумнан артып киткән сатучы (башкаручы, агрегат хуҗасы) кулланучыларга илкүләм түләү инструментларын кулланып исәп-хисап ясау мөмкинлеген тәэмин итәргә бурычлы. Тиешле үзгәрешләр 2021 елның 1 июленнән үз көченә керә.