ЯҢАЛЫКЛАР

Кайбер участокларда суның вакытлыча чикләнүе сәбәпле, шәһәрдә эчәргә яраклы су ташыла. "Буа-Водоканал" ААҖ автоцистерналары күрсәтелгән урамнарда  бирелгән вакыт кыссаларында график нигезендә урнашкан.

Техник су ташу түбәндәге график буенча башкарыла:

МПП ЖКХ (Инженер челтәрләре) Мукачев Сергей  элемтә тел. 89276773786
 Вахитов урамы  17.00-17.30 «Альбина» кибете
Кыр, Җиңүнең 65 еллыгы урамы 17.30-18.00   2 МКД янында 
Дала, Г.Исхакый урамнарыс 18.00-18.30
Ф.Җамалиев урамы  18.00-19.00
Кояшлы урамы  19.00- 19.30
Бакча урамы 19.30-20.00
Дуслык һәм  параллель урамнар  20.00-20.30
Г.Шәрәф  һәм  параллель урамнар   20.30-21.00
Г.Кутуй  һәм  параллель урамнар  21.00-22.00

1941 елның 22 июнендә Бөек Ватан сугышы башлана. Бу дата ил тарихына язылды һәм һәр гаилә язмышлары белән тыгыз бәйләнгән.

10 меңнән артык буалы Ватан сакчылары сафына керде, 3 меңнән артык якташыбыз туган якларына әйләнеп кайта алды.

Бүген без барыбыз да шул Бөек сугышның миллионлаган корбаннары турында искә алабыз: фронттан әйләнеп кайтмаган сугышчылар, концлагерь тоткыннары, үз тормышларын корбан иткән партизаннар, блокадалы елларда ачлыктан һәм бомбалардан үлгән ленинградлылар, яндырылган авылларда яшәүчеләр, җәзаланган хәрби әсирләр турында.

Буалылар Бөек Ватан сугышында һәлак булганнар һәйкәленә чәчәкләр салдылар, бер минутлык тынлык белән сугыш корбаннарын  искә алдылар.

Бөек Ватан сугышында һәлак булганнар истәлегенә үткәрелгән митингта муниципаль район башлыгы Ранис Камартдинов, Буа һәм Чүпрәле районнары хәрби комиссары, ветераннар советы рәисе Җәүһәрия Хөснетдинова, учреждение һәм оешма вәкилләре катнашты.

Көннең үзенчәлеге - Исәк авыл җирлегендә "Уйнагыз гармуннар" фестивале булды.

Иәак авылында "Уйнагыз гармуннар" икенче төбәкара фестивалендә катнашучылар да Авыл көненең кунаклары иде. Яшь һәм зурлыклары белән аерылып торган гармун һәм баян көйләре бәйрәмне милли моңнар белән бизәде.

Катнашучылар үзләренең музыка коралларында уйнау мөмкинлекләрен һәм осталыкларын күрсәттеләр.

Жюри составына ТАССРның атказанган артисты, ТРның халык артисты Миңгол Галиев, "Исәгем" җыры авторы, башкаручы, композитор Наилә Яхина, баянчы Әлфис Галиуллин һәм Айнур Моратов керде.

Исәк авыл җирлегендә Авыл көне билгеләп үтелде. Авылның иң матур почмагында урнашкан иркен мәйданда иртәдән музыка яңгырады, учакта аш-су пеште, самавар кайнады.

Бәйрәм авылдашларны, кунакларны һәм дусларын җыйды.

Бәйрәм кунакларын район башлыгы Ранис Камартдинов, Буа якташлыгы Президенты, тумышы белән Исәк авылыннан булган Ирек Закиров һәм башка кунаклар сәламләде. Бу көнне авыл тормышына һәм үсешенә үз өлешләрен кертүчеләр, аның матур традицияләрен саклаучылар аеруча билгеләп үтелде.

Бәйрәмдә традицион уеннар һәм конкурслар, шулай ук ата-бабаларыбызның оригиналь, күптән онытылган уеннарын уйнарга мөмкин иде. Балалар һәм өлкәннәр бик теләп өстәл уеннарында катнаштылар.

Бәйрәмнең һәр кунагы тәмле чәй белән сыйланды, милли ризыкларны татып карады, тәне һәм күңеле белән ял итте. Ә иң мөһиме-туганнарын һәм якыннарын күрде, чөнки авыл көне - җылы очрашулар бәйрәме.

Яшьләр көне чаралары кысаларында Татарстан Республикасы Яшьләр эшләре һәм спорт министрлыгының ютуб каналында 28 июньдә 17.45 сәгатьтә #ЖильёМолодымРТ тапшыруы турыдан-туры трансляцияләнәчәк.

Министрлык вәкилләре, экспертлар үз торакларын сатып алганда яшьләргә дәүләт ташламаларыннан ничек файдаланырга мөмкин булуы турында сөйлиячәкләр.

«Яшь гаиләләрне торак белән тәэмин итү», «Авыл территорияләрен үстерү» федераль программалары буенча торак бәясенең 30 процентыннан 80 процентына кадәр субсидияне ничек алырга?

Яшь белгечләргә фатир сатып алганда, яки үз йорты сатып алганда нинди ташламалар бар.

Гражданнарны вакытында сыйфатлы һәм ышанычлы мәгълүмат белән тәэмин итү һәм кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан Республикасы (Татарстан) буенча идарәсенең Буа, Чүпрәле, Тәтеш, Апас районнарында территориаль бүлеге тарафыннан икмәк-күмәч эшләнмәләренең, кондитер продукциясенең сыйфаты һәм иминлеге һәм яраклылык вакыты буенча «кайнар линия» оештырылачак.

«Кайнар линия» 2021 елның 21 июненнән 02 июленә кадәр түбәндәге телефоннар буенча эшләячәк: 3-53-89, 3-17-04, 09.00 дән 16.00 сәгатькә кадәр.

Елның җылы вакытында икмәкнең бәрәңге авыруы белән зарарлануы еш була Башка бактерияләрдән аермалы буларак, споралар формасындагы бәрәңге авыруын китереп чыгаручы бактерияләр югары температурага (120°С га кадәр) югары түземлек күрсәтә һәм икмәк пешергәндә һәлак булмый.

Бәрәңге таякчыгы гадәттә бодай оныннан, ягъни гадәти «ак» оннан пешерелгән икмәк-күмәч эшләнмәләрендә үсә. Кислотасы югары булган арыш продукциясендә бәрәңге таякчыгы үсми диярлек, шулай ук югары рецептурлы азык эшләнмәләрендә дә, әйтик, торт һәм пирожныйларда да.  Ул дымлылыгы түбән булган икмәк-күмәч эшләнмәләрендә: сушка яки сухарыйларда да  булмый.

Җәй – эссе чор! Җәйге кызуда без күп күләмдә төрле сыеклыклар кулланабыз: су, чәй, морс һәм соклар.

Сок продукциясен сатып алганда нәрсәгә игътибар итәргә? 

Нинди сок  иң яхшысы һәм сок продукциясен ничек дөрес итеп сакларга? Сыйфатсыз сокны танырга һәм аны кулланудан баш тартырга мөмкинлек бирәчәк билгеләр турында сөйлибез.

2021 елның 15 июнендә Татарстан Республикасы Буа муниципаль районы Буа шәһәре Башкарма комитеты бинасында Татарстан Республикасы Буа муниципаль районының 2020 елга шәһәр бюджетын үтәү проекты буенча ачык тыңлаулар узды. Анда Буа шәһәр Советы депутатлары, предприятие, оешма һәм учреждениеләр, иҗтимагый оешмалар, сәяси партия вәкилләре, кызыксынган гражданнар катнашты.

Татарстан Республикасы Буа муниципаль районы Буа шәһәре бюджетының 2020 елга үтәлеше турындагы доклад белән Буа шәһәре Башкарма комитеты җитәкчесе Р. Я. Галәветдинов чыгыш ясады.

Ачык тыңлауларда катнашучылар 2020 елга Буа муниципаль районы бюджеты үтәлеше турындагы хисап проектын хупладылар, аны Буа шәһәр Советының даими комиссияләренә тапшырырга, Буа шәһәр Советына 2020 елга Буа муниципаль районы бюджеты үтәлеше турындагы хисап проектын чираттагы утырышта карарга һәм аны икенче укылышта кабул итәргә тәкъдим иттеләр.