ЯҢАЛЫКЛАР
Чәчү кампаниясенә әзерлек кысаларында аграрийларга федераль һәм республика акчаларын җиткерә башладылар. Хуҗалыклар 800 млн. сум алганнар инде, якын арада тагын 2,3 млрд.сум җибәреләчәк. Бүген бу хакта Татарстан Республикасы Хөкүмәте Йортында узган киңәшмәдә Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров хәбәр итте.
Барлык муниципаль районнар белән видеоконференция режимындагы киңәшмәне Татарстан Республикасы Президенты Рөстәм Миңнеханов уздырды. Киңәшмәдә Татарстан Премьер-министры Алексей Песошин катнашты.
2021 елның 17 апреленнән Буа районы территориясендә Россия Федераль салым хезмәтенең Татарстан Республикасы буенча 8 нче номерлы инспекциясенең Буа шәһәре Камил Зыятдинов ур., 4/2 адресы буенча урнашкан территориаль-аерымланган бүлекчәсе эшен туктата. Салым түләүчеләрне салым администрацияләү һәм дәүләт хезмәтләре күрсәтү элеккечә үк Татарстан Республикасы буенча 8 нче номерлы Россия Федераль салым хезмәте районара салым инспекциясенең тулы күләмдә Яшел Үзән ш., Туктаров ур., 8 нче йорт адресы буенча гамәлгә ашырылачак.
Кулланучылар хокукларын яклау һәм кеше иминлеге өлкәсендә күзәтчелек федераль хезмәте искәртеп узганча, гигиеник тикшеренүләр мәгълүматлары буенча, мәктәп укучыларының 30-50% ы мәктәпне тәмамлау вакытына якынайганда һәм киләчәктә күзлек кияргә мәҗбүр.
2019 елның 1 июленнән товарлар белән сәүдә итүче һәм хезмәт күрсәтүче барлык эшмәкәрләр һәм оешмалар исәп-хисап ясаганда касса аппаратларын кулланырга һәм касса чекларын бирергә тиеш. Чексыз сатып алуга ризалашмагыз.
Ассортиментны киңәйтергә, җитештерүне арттырырга, дәүләт ярдәме чараларын кулланырга. Буа Район кулланучылар җәмгыяте. алдына шундый бурычлар куелды.
Бүген Буада Татпотребсоюз идарәсе рәисе Рашат Шәймәрданов эш визиты белщн булды. Аны район башлыгы Ранис Камартдинов каршы алды, аның җитәкчелегендә кулланучылар кооперациясен үстерүнең Юл картасын гамәлгә ашыру мәсьәләсе буенча киңәшмә узды.
Каты көнкүреш калдыкларын чыгару вакыты: эш көннәрендә 18.00 сәгатьтән, шимбә көнне 15.00 сәгатькә кадәр.
Театр-ул тылсымлы дөнья. 22-26 март көннәрендә "Йолдызкай" балалар бакчасында театр атналыгы узды. Атна буе балалар бакчасы театр белән яшәде. Театральләштерелгән эшчәнлек белән кызыксынуны үстерүгә юнәлдерелгән төрле чаралар оештырылды. Балалар һәм педагоглар әкиятләрне рус һәм татар телләрендә яратып сәхнәләштерделәр.Театр эшчәнлеге тәрбияләнүчеләрнең тормышын кызыклы һәм эчтәлекле, якты хис-кичерешле һәм иҗат шатлыгы белән тулы итәргә мөмкинлек бирә.
Буа районының 15 укучысы «Талантлар ачу» Сәләтлеләр университетының язгы мәктәбендә укый. Чара 8-10 нчы сыйныф укучылары өчен оештырылган. Язгы мәктәп кысаларында катнашучылар Татарстан Республикасында үсеш мөмкинлекләре турында беләчәкләр, предметлы компетенцияләр белән танышачаклар һәм үсеш картасын төзиячәкләр. Балалар тренингларда эшлиләр: "Дөрес итеп хыялланырга өйрәнәбез", "Мин һәм максат", "Булачак һөнәрне ничек сайларга?". Укучыларны биш командага бүлделәр, һәм һәр команда үзенең "персонаж" ын булдыра һәм аның белән 20 ел яши, ягъни үзенең нинди авырлыклар белән очрашуын һәм ничек башкарып чыгуын күрәчәк һәм үзе аша кичерәчәк.
"АБВГДЕЙКа" балалар бакчасында Бөтендөнья театр көненә багышланган чаралар узды. Иртә таңнан әкият персонажлары балаларны һәм ата-аналарны каршы алдылар һәм аларга уңышлы көн теләп, театр битлекләре бүләк иттеләр. Балалар бакчасында тәрбияләнүчеләр "Театраль калейдоскоп" квест уенында катнаштылар. Анда түбәндәге остаханәләр буенча сәяхәт иттеләр: 1. "Афиша" 2. "Мимика һәм хәрәкәт" 3. "Фотопробалар" 4" Ораторлык сәнгате " 5. "Музыкаль-театр сәнгате". Көн дәвамында балалар бик теләп уйнадылар, әкият персонажлары белән аралаштылар, аларда булган вакыйгаларны кичерделәр. Артистлар булу һәркемгә ошады! Иң мөһиме-өйрәнергә һәм роль уйнарга гына түгел, ә башкаларга шатлык китерә белү мөһим!
Исегезгә төшерәбез, 1 апрельдән башлап Бөтенроссия халык санын алу 20 декабрьгә кадәр дәвам итәчәк. Төп этап исә 23 августтан башлап үткәреләчәк. Аны беренче көзге айның соңгы көненә тәмамлау күздә тотыла. Бу вакытка илдә эпидемиологик хәлнең тотрыклануы көтелә.
Һәр россияле җанисәптә турыдан-туры катнаша ала. Моның өчен аңа берничә мөмкинлек бирелгән:
- "Дәүләт хезмәтләре" порталы. Шулай ук Порталның мобиль кушымтасы аша исәпкә алу кәгазенә керү мөмкинлеге дә бар. Тутыру 14 телдә булырга мөмкин. Узганнан соң, сез җанисәп алуны узуны раслаучы код алачаксыз. Әгәр исәп алучылар сезнең өйгә килсә, сез шул кодны күрсәтергә тиеш буласыз. алачаксыз код раслау узган халык санын алу, ул күрсәтергә кирәк, исәпкә алучыларга, әгәр алар өйләренә килеп җитә;