ЯҢАЛЫКЛАР
Тренер Ибраһимов Руслан җитәкчелегендә "Юность" балалар-яшүсмерләр спорт мәктәбенең 2005/2006 елгы яшүсмерләр командасы А төркемендә зур шәһәрләр арасында волейбол буенча Татарстан Республикасы Беренчелегендә шәһәр данын яклады.
Ярышларда Татарстаннан 8 команда катнашты. Буалылар республиканың бронза призеры булды. Шунысын да билгеләп үтәргә кирәк, бу- зур шәһәрләр арасында А төркемендә командалар дебюты. Спортчыларны котлыйбыз!
Мартның һәр өченче сишәмбесендә дөньяның барлык илләрендә Бөтендөнья социаль эш көне билгеләп үтелә. Һәм бүген без сезне үз тормышын шушы һөнәргә багышлаган кеше белән таныштырырга телибез. Резедә Фазыл кызы Шакирҗанова 2004 елдан бирле «Гармония» халыкка социаль хезмәт күрсәтү үзәгендә социаль хезмәткәр булып эшли . Социаль өлкәдә эш стажы 14 елдан артык. Резедә Фазыловна ялгыз һәм ялгыз яшәүче 8 өлкән яшьтәге гражданны карый. «Эш җиңел түгел. Әмма аларның һәркайсының тормышларын бизәргә һәм җиңелрәк итәргә тырышам, алар да кадерле һәм якын кешегә әверелә», - дип билгеләп үтә Резедә Фазыл кызы
Республика «Сувар» газетасы редакциясе Туган телләр һәм халыклар бердәмлеге елы кысаларында «Сувар пики – 2021» матурлык һәм талантлар бәйгесе оештырды. Бәйгенең җиңүчесе автомат рәвештә «Татарстанның Чуваш чибәре-2021» бәйгесенең финал этабына кертелә. Бу исемне якташыбыз Валентина Юркина яклаячак.
Әйдәгез, аның өчен тавыш бирик!
Тавыш бирү өчен Вконтакте төркеменә сылтама - https://vk.com/suvargazeta?w=wall-78974186_5167
Татарстанда терлекчелек актив рәвештә үсә, гаилә фермалары һәм эре комплекслар төзелә. Татарстан Республикасы Авыл хуҗалыгы һәм азык-төлек министрлыгының кайнар линиясенә нәселле таналар сатып алу буенча сораулар белән еш мөрәҗәгать итәләр. Шуңа күрә Министырлыг нәселле терлекне кайда сатып алырга мөмкин булуы һәм аны сатып алуга нинди субсидияләр алып булуы турында хәбәр итә.
Татарстан Республикасы буенча Росреестр идарәсе, Эшкуарлыкка ярдәм итү фонды белән берлектә, кече һәм урта бизнес субъектлары өчен күчемсез милек рәсмиләштерү буенча бушлай вебинарлар сериясен дәвам итә. Чираттагы онлайн-дәрес бу пәнҗешәмбе көнне-18 мартта 15.00 сәгатьтә узачак.
Аны үткәрү вакытында түбәндәге төп темалар яктыртылачак:
- Күчемсез милекне арендага алу һәм аренда килешүе буенча хокукларны һәм бурычларны тапшыру турындагы шартнамәне дәүләт теркәве үзенчәлекләре турында.
- Билгеле булмаган вакытка төзелгән аренда шартнамәсен һәм яңа арендатор тарафыннан аренда килешүе буенча хокукларны һәм бурычларны тапшыру турындагы шартнамәне дәүләт теркәве таләп ителәме?;
- Күчемсез милек объектының бер өлешен кадастр исәбенә кую зарурилыгы турында
«Россия Федерациясендә җирле үзидарәне оештыру принциплары турында» 2003 елның 06 октябрендәге 131-ФЗ номерлы Федераль законның 33 статьясындагы 2 өлеше, 14, 15 статьялары нигезендә, Буа шәһәрендә яшәүчеләрнең Р.Люксембург урамы, 40 адресы буенча урнашкан территорияне яңадан зоналарга бүлү тәкъдиме белән Буа шәһәре һәм Буа шәһәре башкарма комитеты «Татарстан Республикасы Буа муниципаль районының җирдән файдалану һәм төзелеш кагыйдәләренә үзгәрешләр кертү проектын әзерләү турында» 14 нче карар чыгарды.
Буа шәһәре башкарма комитеты җитәкчесе Р.Я. Галәветдинов
Татарстан Республикасында 552 мең га мәйданда көзге культуралар чәчелде, аларның торышы яхшы. Һава шартларының шулай торуы көзге культуралар өчен бик уңай, диде бүген Татарстан Республикасы Хөкүмәте Йортында узган республика киңәшмәсендә Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров.
Барлык муниципаль районнар белән видеоконференция режимындагы киңәшмәне Татарстан Республикасы Премьер-министры Алексей Песошин уздырды.
Россия Федераль салым хезмәтенең Татарстан Республикасы буенча идарәсе салым түләүчеләрне «Гражданнарның банкротлыгы: нюанслар һәм нәтиҗәләр» темасына вебинарда катнашырга чакыра, ул 2021 елның 18 мартында 10:00 сәгатьтә узачак.
Вебинар спикеры: Россия Федераль салым хезмәтенең Татарстан Республикасы буенча идарәсе җитәкчесе урынбасары Кузьмина Олеся Сергеевна.
Вебинар кысаларында каралучы тема буенча онлайн режимда сораулар бирү мөмкинлеге каралган.
Вебинар бушлай. Анда теләгән һәркем катнаша ала.
Вебинарда катнашу өчен түбәндәге сылтама буенча күчәргә кирәк :https://w.sbis.ru/webinar/689c8043-b08d-4e00-a063-f9be356510fc) һәм ачылган биттә «Катнашачакмын» дип басыгыз.
Россия Федераль салым хезмәтенең Татарстан Республикасы буенча 8 нче районара инспекциясе искә төшерә: 2021 елның 30 апреленнән дә соңга калмыйча физик затларга 2020 елда алынган керемнәр турында хисап тотарга кирәк. Бу гражданнар салым суммасын мөстәкыйль исәпләргә һәм үзләренең исәпкә алу урыны буенча салым органына физик затлар кеременә салым буенча 3-НДФЛ формасы буенча декларация тапшырырга тиеш дигән сүз.
Хөрмәтле Буа муниципаль районы халкы!
2021 елның 14 апрелендә 9: 30 сәгатьтә Буа муниципаль районы Башкарма комитеты бинасында (Буа ш., Жорес ур., 110а йорт) «Татарстан Республикасы Буа муниципаль районында «Казан – Ульяновск» - Кондитер фабрикасы» автомобиль юлында, 1+100 км, Карлы елгасы аша күперне реконструкцияләү» линия объектын планлаштыру проекты һәм ызанлау проекты буенча ачык тыңлаулар булачак.