ЯҢАЛЫКЛАР

Буа районы мәдәният хезмәткәрләре Апаста узган “Өмет йолдызы – Звезда надежды” районара эстрада сәнгате фестивалендә катнаштылар. Фестиваль нәтиҗәләре буенча, "Ләйсән" халык җыр һәм бию ансамбленә һәм "Вокал соло" номинациясендә Зөлфинә Әхмәтовага катнашкан өчен дипломнар тапшырылды, Илсөяр Кузьмина "Вокал соло" номинациясендә - 3, Олеся Васина-2, "Вокал дуэты" номинациясендә 2 урынны Сиринә һәм Илгиз Усмановлар яулады. Буа шәһәренең Мәдәни үсеш үзәгенең "Сөембикә" татар фольклор коллективы диплом һәм махсус приз белән бүләкләнде.

Гомумән алганда, Буа муниципаль районы артистларының чыгышларына  югары бәяләнде һәм 1 урын бирелде.

Буа муниципаль районы мәдәният идарәсе каршындагы «Буа туган якны өйрәнү музее» муниципаль бюджет мәгариф учреждениесендә якташыбыз, рәссам, Татарстан Республикасының атказанган сәнгать эшлеклесе Шамил Нигъмәтнең шәхси күргәзмәсе ачылды. Ачылышта рәссамның хатыны, апасы, уллары һәм якын туганнары катнашты. Тасманы кискәннән соң, күргәзмәне Буа муниципаль районы башлыгының социаль мәсьәләләр буенча урынбасары Лилия Садретдинова, Казандагы Буа якташлыгы җәмгыяте Президенты Ирек Закиров, Татарстан Республикасы Рәссамнар берлеге рәисе Илнур Сираҗиев һәм рәссамның тормыш иптәше Рәфидә Хатыйп кызы Шамил Абдрахман улы турындагы җылы хатирәләре белән уртаклаштылар, район мәдәният йорты артистлары рус һәм татар телләрендә җырлар башкардылар.

Күргәзмә музейның күргәзмәләр залында ике ай дәвамында эшләячәк.

Буа сәнгать мәктәбендә Халыкара туган тел көненә багышланган "Бердәм гаиләдә" дигән туган телләрнең район фестивале узды. Фестивальдә катнашучыларны Башкарма комитет җитәкчесенең социаль мәсьәләләр буенча урынбасары Лилия Назыйм кызы Садретдинова һәм Буа муниципаль районы мәгариф идарәсе башлыгы Наталья Александровна Македонская  котлады. Халыкара туган тел көнен билгеләп үткәндә, без дөньяда булган телләрнең, мәдәниятләрнең бәһасез санына ихтирамыбызны белдерәбез. Бу көндә  барлык телләр дә тигез булып санала, чөнки һәркайсы тере мирас булып тора. Бүген һәркем үз туган телебезгә карата мөнәсәбәт турында уйланырга тиеш. Без аны беләбезме? Туган телебездә сөйләшәбезме?   Тел бит ул-халыкның мәдәнияте, гореф-гадәтләре. Башка телләр белән танышу дөньяның кызыклы икәнен белергә  һәм төрлелеген аңларга ярдәм итә. Бәйрәмдә җырлар, шигырьләр, сәхнәләштерелгән әсәрләр, төрле халык биюләре башкарылды. Чара кысаларында Туган телләр буенча республика олимпиадасында җиңүчеләрне һәм призерларны, шулай ук әлеге укучыларны әзерләгән укытучыларны бүләкләү дә булды.

«Буа районы мәдәният идарәсе» МКУ Ватанны саклаучылар көненә бәйге игълан итә. Төп приз- кинога 2  билет! Катнашу шартлары бик гади:

1. Инстаграмга армия фотосын ( хезмәт иткән вакытыгыздын) бастырырга.

2. Безне  @official_buinsk та билгеләргә һәм #язащитникКонкурс  хэштегын куярга

3. Иң күп лайклар җыярга

Конкурс нәтиҗәләре 23 февральдә 12: 00 сәгатьтә билгеле булачак.

Җиңүче теләсә кайсы фильмга 2 билет алачак.

* Билетлар 2021 елның февраль ахырына кадәр гамәлдә.

Хезмәт иткән  елларыгыз турындагы хатирәләр белән уртаклашыгыз! Бу сезнең бәйрәм!

"Ромашка" балалар бакчасында юкка чыга торган телләрне саклау һәм үстерү, лингвистик күптөрлелекне һәм күп телле белем бирүне үстерү, шулай ук тел һәм мәдәни традицияләр турында хәбәрдарлыкны арттыру максатыннан Халыкара туган тел көне узды. Тел - ул халык мәдәнияте. Бу көнне һәркем үз туган телебезгә карата булган мөнәсәбәт турында уйланырга тиеш.

Чара башында педагоглар 4 телдә җыр башкардылар. Тукайның "Туган тел" эстафетасын балалар күтәреп алды, алар татар, рус, чуаш телләрендә шигырьләр укыдылар, халык биюләрен башкардылар. Н.А. Ершова О.Степанованың “Таван челхе ”шигырен укып,  чуаш теленең матурлыгын күрсәтте. Соңыннан педагоглар шәлле лирик татар биюен башкардылар. Бу истәлекле көндә без балаларга Идел буе халыкларының туган теленең моңлылыгын һәм матурлыгын күрсәтергә тырыштык диләр тәрбиячеләр.

Түбән Новгород шәһәрендә 2004/2005 елларда туган яшүсмерләр арасында үткәрелгән төбәкара турнирның 6 сериясенең берсе тәмамланды. « Юность» спорт  мәктәбенең 2005/2006 елгы егетләр җыелма командасы тренер Ибраһимов Руслан җитәкчелегендә икенче урынны алды. Һәм киләсе турга узды.

Спорт мәктәбе администрациясе һәм тренер үсмерләрнең “ Volleyfire“ командасының  ата-аналар комитетына һәрьяклы ярдәм күрсәткәне, ярышка баруны тиз һәм бик яхшы оештырганнары өчен рәхмәт белдерәләр.

«Светофорик» балалар бакчасында «Сани - Fest» чаналар бәйгесен үткәрү матур традициягә әверелде. Чаналар парады-ул үзенчәлекле һәм матур итеп бизәлгән кышкы хәрәкәт итү чарасы бәйгесе. Конкурсның төп таләбе -креатив һәм иҗат. Ата-аналар балалар белән берлектә чаналар бизәп, аларны әкияти хәрәкәт чараларына әйләндерделәр. Дефилендә 11 гаилә катнашты. Жюрига  иң яхшыларны сайлап алу җиңел булмады, барлык конкурсантлар да лаеклы әзерләнгәннәр. Барлык катнашучыларга да грамоталар һәм истәлекле бүләкләр тапшырылды.

Татарстан Республикасында Бала хокуклары буенча вәкаләтле вәкилнең балалар җәмәгать ярдәмчесе-Егорова Карина, Татарстан Республикасы Буа муниципаль районы Ырынгы урта мәктәбенең 10 сыйныф укучысы, әлеге акцияне оештырды һәм үткәрде.

«Мин хәтерлим» акциясе барышында Бөек Ватан сугышында һәлак булганнар һәйкәленә чәчәкләр салдылар. Һәлак булганнарны бер минут тынлык белән искә алдылар. Шулай ук Бөек Ватан сугышы ветераны Тимряков Кирилл Степановичны Ватанны саклаучылар көне белән котладылар.

Буа муниципаль районында «Гармония» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе социаль педагоглары «Яшүсмер» клубы кысаларында Халыкара Туган тел көненә багышланган чираттагы  дәрес үткәрделәр. Чараның максаты- рус теленә карата кызыксыну һәм мәхәббәт тәрбияләү, фикерләү эшчәнлеген активлаштыру, акыл, игътибар, хәтер, тәрбияләү, иптәшлек, үзара ярдәм, җаваплылык хисе тәрбияләү. Чара барышында белгечләр тарафыннан «Словоград буйлап сәяхәт» квест-уены үткәрелде. Бу сәяхәттә балалар 4 станциядә тукталдылар. Зирәклек проспектында, кроссвордлар паркы буйлап йөрделәр, Табышмаклар тыкрыгына керделәр, анда балалар үзләренең тапкырлыкларын күрсәтә алдылар һәм тагын бер кат рус теле буенча белемнәрен тикшерделәр. Балалар җир шарында 2000нән артык тел барлыгын, берничә кеше генә сөйләшә торган телләр һәм миллионлаган кеше сөйләшкән телләр барлыгын белделәр. Һәм алар арасында рус теле аерым урын алып тора. Рус телен ярату өчен аны белергә кирәк. Грамматикадан башка математиканы да укып булмый, дип юкка гына әйтмиләр бит.

Бүген Буада Татарстан Республикасы Авыл хуҗалыгы һәм азык-төлек министры урынбасары Ленар Гарипов, район башлыгы Ранис Камартдинов, фермер хуҗалыклары башлыклары катнашында сөт һәм ит юнәлешендәге терлекчелек продукциясен җитештерүне үстерү мәсьәләләре буенча фикер алыштылар.

Бүгенге көндә районның авыл хуҗалыгы формированиеләрендә 23 мең башка якын эре мөгезле терлек бар, шул исәптән 6 меңнән артык сыер, 74 мең баш дуңгызлар. 2020 елда районда сөт җитештерү 33 мең тонна тәшкил итте, ит җитештерү 21 мең тоннадан артып китте. Терлекчелек продукциясен сатудан кергән табыш якынча 3 млрд. сум.