ЯҢАЛЫКЛАР

Хөрмәтле буалылар! Бүген барлык өч мәйданчыкта - Үзәк һәм Яшьләр паркларында көндәлек музыкаль-уен программасы, ә шулай ук шикәр заводы паркында һава шартларының начарлануына бәйле рәвештә УЗДЫРЫЛМАЯЧАК.

Казаннан Буага яки Буадан Казанга – 200 сум!. "Көнчыгыш" автовокзалы ҖЧҖ Буа шәһәре өчен акция игълан итте: әлеге маршрут буенча йөрү бәясе 200 сум тәшкил итә.

Апас-Казан-150 сум ₽. Моннан тыш, 11 яшькә кадәрге балаларга юл бәясе бәянең 50%ын тәшкил итәчәк.
Көнчыгыш автовокзалы Казан-Буа-Казан регуляр рейсларын уңайлы автобусларда башкара: Казан-1 һәм Казан-2 тимер юл вокзалларыннан автобуслар көн саен китә.

Китү вакыты: ЖД-1 : 6.45, 8.15, 11.15, ЖД-2 : 7.30, 9.00, 12.00
Буада пассажирларны автовокзалдан һәм якындагы тукталышлардан алалар.

Китү вакыты: 13.00, 14.00, 15.00 сәгать.

Оешма сервис хезмәтләренең югары сыйфатын гарантияли. Маршрутта югары комфортлы яңа автобусларда тәҗрибәле шоферлар хезмәт күрсәтә.
Билетларны броньлау түбәндәге  телефоннар аша башкарыла:
+7(903) 306-48-12
+7(927) 030-43-43

2020 елның 1 декабрендә салым агенты тотып калмаган һәм салым хәбәрнамәсенә кертелгән гражданнар тарафыннан мөлкәти, җир, транспорт салымнарын һәм НДФЛны түләү өчен билгеләнгән вакыт чыкты.

Әгәр ниндидер сәбәпләр аркасында күрсәтелгән вакыт узганчы салым түләү бурычын үтәмәсәгез, салым инспекциясе моны якын арада эшләргә киңәш итә.

Яңа 2021 елда беренче бала 9 гыйнварда туган. 3450 грамм авырлыктагы һәм 55 сантиметрлы малай Талип һәм Чулпан Фәхретдиновлар гаиләсендә туа. Сабый гаиләдә беренче бала. Яшь әти-әниләрне котлыйбыз!

Балаларның социаль-әһәмиятле ялын оештыруда гаилә ролен арттыру, гаилә кыйммәтләрен пропагандалау, әлеге мәсьәләләргә киң җәмәгатьчелек, дәүләт, муниципаль органнар һәм учреждениеләр, массакүләм мәгълүмат чаралары җитәкчеләре игътибарын җәлеп итү максатыннан, Яңа ел каникуллары көннәрендә Бала хокуклары буенча вәкаләтле вәкил «Шаян кар бабайлары» дигән республика акциясе башлап җибәрде.

Акциядә Татарстан Республикасының, Россия Федерациясенең теләсә кайсы кешесе, яшәү урынына һәм  яшенә карамастан, катнаша ала. Акция 2021 елның 6 гыйнварыннан 11 гыйнварына кадәр үткәрелә.

Акциядә катнашу өчен:

- кардан, пластилиннан, камырдан яисә  кул астындагы материаллардан шаян кар бабайны ясарга, яисә  тема буенча теләсә нинди иҗади эш хуплана.;

- Instagram һәм ВКонтакте социаль челтәрләрендә #снеговик16 хэштегы белән эшнең фотосын урнаштырырга кирәк.

Буа шәһәре ГХАТ бүлегендә беренче парны котлау матур традициягә әверелде.

Бүген 2021 елның 9 гыйнварында Гафиятуллин Ренат Рәшит улы һәм Нәҗметдинова Эльмира Ринат кызы никахларын теркәделәр.

Бу тантанада башкарма комитет җитәкчесе урынбасары Фәнис Мифтахов катнашты. Фәнис Фәризович яшь парларны котлап, аларга тынычлык, бәхет, ныклы үзара мәхәббәт, татулык һәм аңлашу теләде. Яшь гаиләгә бу вакыйга уңаеннан истәлекле бүләкләр һәм чәчәкләр тапшырылды.

Быел Буада бәйрәм концерт программалары һәм халык күңел ачулары берьюлы өч паркта уза, алар берничә ел элек яңартылган: Үзәк һәм Яшьләр паркы. Яңа елга яңа парк ачылды. Ул Буа шикәр заводы белән янәшә урнашкан, Шикәр заводы паркы — буалыларның һәм район кунакларының иң яраткан ял итү урыннарының берсе, биредә кайнар чәй һәм камыр ризыклары белән сәүдә рәтләре эшли, сувенир продукциясе сатып алырга була. Моннан тыш, Буаның бу паркында гына балкып торган таганнарны күрергә һәм Кыш бабайның әкияти резиденциясенә кереп, Яңа ел бүләге алырга мөмкин.

Буаның барлык өч паркында да популяр җырчы Мөнир Рахмаевның чыгышы район башлыгы Ранис Камартдиновның матур бүләге булды. Талантлы башкаручының яраткан җырларын тыңларга, биергә күрше Апас, Тәтеш, Чүпрәле районнарыннан төрле яшьтәге һәм милләт вәкилләре килгән иде.

«Бәйрәмгә бөтен гаилә белән килдек. Буаның барлык паркларында да булдык, шәһәр паркларын бик матур итеп бизәгәннәр, барысы да әкияттәге кебек ялтырап тора. Мондый бәйрәм өчен Буа районы башлыгына рәхмәт. Афәрин, күршеләр», - диләр Апас районыннан килгән Вәлиевлар гаиләсе.

Мөнир Рахмаев та  Буада талантлы, хезмәт сөючән кешеләр яши, дип билгеләп үтте. Ул район башлыгы Рәнис Камартдиновка бәйрәм уңаеннан тамашачыга шундый бүләк ясаганы өчен рәхмәт белдерде.

«Буа районы җитәкчелегенә рәхмәт! Ранис Рафис улы барысын да югары дәрәҗәдә эшләде. Халык өчен, кешеләр өчен куелган тырышлык нәтиҗәсе бу!»,- диде Мөнир Рахмаев.

Чыгышы тәмамланганнан соң артист теләгән һәркем белән фотога төште.

Хөрмәтле православие динендәге ватандашлар!

Сезне чын күңелдән Раштуа бәйрәме-киләчәккә ышаныч һәм өмет уятучы якты бәйрәм белән котлыйм!

Бу бәйрәм гаиләләрне, буыннарны һәм халыкларны рухи яңарышка һәм яңаруга омтылуда берләштерә һәм якынайта, чисталык, ихласлык, кешелеклелек һәм шәфкатьлелек символы булып тора, җәмгыятьтә әхлак нигезләрен һәм татулыкны ныгытуга ярдәм итә. Барлык кешеләрнең тыныч тормышы хакына түземлек һәм хезмәттәшлеккә әзерлек традицияләре республикабызның чәчәк атуы нигезе булды. Дуслык һәм үзара аңлашу мөнәсәбәтләре-аның тотрыклы социаль-икътисади үсеше һәм рухи баету нигезе.

Бу матур Раштуа көннәрендә безнең йөрәкләребез изге гамәлләр кылырга рухландыручы, аңа мохтаҗ булган кешеләргә ярдәм итүче ышаныч, өмет һәм мәрхәмәт тудыра. Раштуа бәйрәме Сезнең күңелегезгә тынычлык алып килсен, йөрәкләрегезне туганнарыгызга һәм якыннарыгызга мәхәббәт белән җылытсын. Барыгызга да чын күңелдән нык сәламәтлек, якты һәм чиста уй-фикерләр, барлык игелекле башлангычларда уңышлар, бәхет һәм иминлек телим!

Шушы көннәрдә Буа районының Исәк  авылында ял итү мәйданчыгын ачтылыр. Ул якташлар ярдәме белән төзелде. Сәламләү сүзе белән район башлыгы Ранис Камартдинов чыгыш ясады. Ранис Рафисович билгеләп үткәнчә, бүген авылларны төзекләндерү - өстенлекле юнәлешләренең берсе. Быел гына да районда 47 торак пунктта шундый эшләр башкарылды. Казан шәһәрендәге Буа якташлыгы зур ярдәм күрсәтә. Ачылу кысаларында авыл халкы өчен яңа ел программасы әзерләнгән иде. Импровизацияләнгән сәхнәдә Ринат Рәхмәтуллин, Ленар Салихов, Камилла Мусина, Гөлгенә Галәветдинова һ. б. чыгыш ясады. Балалар һәм өлкәннәр Яңа ел тамашасында һәм конкурсларда бик теләп катнаштылар. Һәр бала Буа якташлыгыннан Яңа ел бүләге алды. Ирек Закиров билгеләп үткәнчә, мондый чаралар традициягә әвереләчәк.

Хөрмәтле буалылар, кадерле якташлар! Сезне якынлашып килүче яңа 2021 ел һәм Раштуа бәйрәме белән чын күңелдән котлыйм!

2020 ел тарихка китте, ул республикабыз һәм район тарихында ТАССРның 100 еллыгы, Бөек Җиңүнең 75 еллыгы, районның 90 еллыгы һәм Буа шәһәренең 240 еллыгы белән хәтердә калачак.  Пандемиягә карамастан бу истәлекле  вакыйгаларны матур итеп уздырдык.  Монда билгеле сезнең өлешегез зур, хөрмәтле якташлар. Районыбызны тагын да матуррак һәм уңайлырак итергә тырышканыгыз өчен  һәрберегезгә рәхмәт!