ЯҢАЛЫКЛАР

Татарстан Авыл хуҗалыгы һәм азык-төлек министрлыгы тарафыннан республикада авыл хуҗалыгы кооперациясен үстерүгә зур игътибар бирелә. Фермерлар өчен кооперативка керү өстенлекләргә ия. Беренче чиратта - продукцияне җитештерү, саклау һәм эшкәртү буенча көчләрне берләштерү исәбенә җитештерүнең рентабельлеген арттыру. Икенчедән, кредит ресурсларына керү, һәм, өченчедән, эре төбәк һәм федераль сәүдә челтәрләренә чыгу мөмкинлеге. Әмма кооперативның уңышлы эшләве өчен нәтиҗәле идарә итү зарур. "Кооператив идарәче" модульле экспресс-курс кысаларында барлык теләүчеләрне дә нәкъ менә шуңа өйрәтәләр.

2 февральдән 6 февральгә кадәр "Кооператив идарәче" курсы буенча дүрт көнлек күнегүләр башланды. Әлеге дәресләр "РИВЦ" Агроонлайн АҖ мәгариф платформасында төзелгән онлайн модульнең дәвамы булып тора. Эшлекле дәресләргә Чиләбе һәм Волгоград өлкәләреннән тыңлаучылар килде.

Әлеге мәгълүматны Росреестр тест режимында чагылдыра башлады

Росреестр ачык  кадастр картасында торак төзелеше өчен яраклы территорияләрне сайлап алу технологиясен тестлаштыруга кереште. Мондый муниципаль һәм мәгълүм булмаган дәүләт милке объектлары турындагы белешмәләрне Татарстан Республикасы территориясендә ачык  кадастр картасында китерә башладылар. Шулай ук сынауда Пермь крае, Самара һәм Псков өлкәләре катнаша.

Җирләрдән файдалануның нәтиҗәлелегенә анализ «Торак һәм шәһәр мохите» милли проекты кысаларында Хөкүмәт рәисе Михаил Мишустин кушуы буенча ведомство тарафыннан үткәрелә. 2020 елда эш нәтиҗәләре буенча якынча 5,7 мең җир кишәрлеге һәм территориясе ачыкланган, аларның мәйданы 100 мең гектарга якын, алга таба әйләнешкә кертү өчен, бу, эксперт бәяләүләре буенча, 310 млн кв. м. торак төзергә мөмкинлек бирә.

Татарстан Республикасы буенча Росреестр идарәсе җитәкчесе урынбасары Артем Костин аңлатканча, әлеге яңалык потенциаль инвесторларның ачык кадастр картасында онлайн режимында торак төзү өчен яраклы җирләрне сайлый һәм бәяли алсын өчен кирәк. Сервис башкарма хакимият органнары, җирле үзидарә органнары һәм кызыксынучы затлар арасында элемтә булдырырга мөмкинлек бирәчәк. Потенциаль инвесторлар конкрет объект белән бәйле мөрәҗәгать формасын тутыра һәм аны вәкаләтле органга җибәрә алачак.

Татарстан Республикасы Авыл хуҗалыгы һәм азык-төлек министрлыгы хәбәр иткәнчә, ташламалы "кыска" һәм еллык 1-5% ставкасы буенча инвестиция кредитларын агропредприятиеләрне цифрлаштыру, маркировкалау өчен җиһазлар сатып алу һәм башка максатларга алырга мөмкин. Бу хакта Россия Федерациясе Авыл хуҗалыгы министрлыгы боерыгында әйтелә.

Хәзер ташламалы шартларда инвестиция кредитларын авыл хуҗалыгы техникасын автомат рәвештә йөртү, ашламаларны, орлыкларны һәм үсемлекләрне саклау чараларын төгәл кертү, уңышны карталау, ясалма интеллектка нигезләнгән төгәл игенчелек системаларына яки мәгълүматлар җыю һәм тапшыру өчен җиһазлар белән тәэмин итүгә алырга мөмкин.

Ташламалы инвесткредитлар шулай ук чыбыксыз системаларны төзүгә һәм җиһазландыруга, шул исәптән база станцияләрен төзүгә, төгәл игенчелек инфраструктурасын үстерү өчен коммуникацион җиһазлар сатып алуга һәм урнаштыруга биреләчәк. Программа продуктларын, техниканы һәм җайланмаларны сатып алу һәм гамәлгә кертү, шул исәптән авыл хуҗалыгы җитештерүен цифрлаштыру һәм продукцияне эшкәртү өчен Интернетка киң полосалы керү мөмкинлеген тәэмин итү дә каралган.

Дәүләт ярдәменең әлеге төреннән авыл хуҗалыгы предприятиеләре дә файдалана ала. Әйтик, сөт заводлары сөт продукциясенең аерым төрләренә маркировканы аппарат-программа белән тәэмин итүгә, кодлар сатып алуга, кертүгә акча тота алачаклар.

Ташламалы инвестиция кредитлары шулай ук ашлыкны һәм җитенне тирәнтен эшкәртү предприятиеләренә дә киңәйтеләчәк.

Сөт терлекчелеге белән шөгыльләнүче аграрийлар терлек азыгын, шул исәптән ашлык, шрот һәм комны, шулай ук премикслар, витаминнар, аминокислоталар сатып ала алалар. Шул ук шартларда терлек азыгы җитештерү өчен чималны үсемлекчелек продукциясен эшкәртү предприятиеләре дә сатып ала алачак. Ашлык һәм он сатып алуга ташламалы кыска сроклы кредитларга, он һәм икмәк җитештерүчеләрдән тыш, макарон сәнәгате дә рөхсәт алачак.

2020 елда Татарстанның Кадастр палатасы бердәм дәүләт күчемсез милек реестрыннан 2,4 млн. нан артык өземтә биргән, бу 2019 елга караганда 36% ка күбрәк. Электрон формада бирелгән мәгълүматларның күләме 93% (2,2 млн. артык) тәшкил иткән, шул ук вакытта кәгазь вариантта 180 меңнән артык өземтә бирелгән.

Узган ел нәтиҗәләре буенча аерым затның күчемсез милек объектларына булган хокуклары турында запрос алулар саны 130 процентка якын арткан. Әйтик, 2020 елда 930 меңгә якын әлеге өземтә бирелгән, 2019 елда – 400 меңгә якын. Шулай ук татарстанлылар күчемсез милек объекты турында мәгълүматларны актив соратып алган. Узган ел шундый 110 мең өземтә бирелгән, бу 2019 ел белән чагыштырганда 75% ка күбрәк (62489). Моннан тыш, күчемсез милек объектына хокукларны күчерү турында Күчемсез милекнең бердәм дәүләт реестрыннан өземтәләрнең  27% ка диярлек (40526) артуы теркәлгән.

Шул ук вакытта республикада яшәүчеләр төп характеристикалар һәм күчемсез милек объектына теркәлгән хокуклар турында өземтәләргә азрак заказ биргән (24% ка). Чагыштыру өчен: 2020 елда алар саны 347500 булса , ә 2019 елда 459306 булган.

Федераль салым хезмәтенең Татарстан Республикасы буенча идарәсе хәбәр иткәнчә, "Россия Федерациясе Салым кодексының икенче өлешенә һәм "Россия Федерациясе Салым кодексының беренче һәм икенче өлешенә һәм Россия Федерациясенең аерым закон актларына салымнар һәм җыемнар турында үзгәрешләр кертү турында" Федераль законның 9 статьясына үзгәрешләр кертү хакында" 2019 елның 15 апрелендәге 63-ФЗ номерлы Федераль закон белән 2020 елга транспорт салымы һәм җир салымы буенча салым декларацияләрен тапшырмыйлар.

Моның белән бәйле рәвештә, транспорт яисә җир салымы буенча ташламаларга хокуклы оешмаларга салым органына Россия Федераль салым хезмәтенең 2019 елның 25 июлендәге ММВ-7-21/377@ Россия Федераль салым хезмәтенең (КНД 1150064) әмере белән расланган формада транспорт салымы һәм (яисә) җир салымы буенча салым ташламалары бирү турында гариза җибәрергә кирәк. Гариза белән бергә оешма әлеге ташламага хокукны раслый торган документларны тапшырырга хокуклы.

Татарстан Республикасы (Татарстан) буенча Роспотребнадзор идарәсенең Буа, Чүпрәле, Тәтеш, Апас районнарындагы территориаль бүлеге район гражданнарыннан маркировкаланмаган товарлар (аяк киеме, тәмәке эшләнмәләре, хушбуй, фототоварлар, шиннар һәм пневматик покрышкалар, җиңел сәнәгать продукциясе) сату фактларын ачыклаганда язмача хәбәр итүне сорый:

- 422430, ТР, Буа ш., Ефремов ур., 135.;

- рәсми сайттагы  «Гражданнар мөрәҗәгатьләрен кабул итү» бүлеге аша– www.16.rospotrebnadzor.ru; http://rpn.tatar.ru/;

- электрон почта адресы буенча: rpn.buinsk@tatar.ru »

РОСРЕЕСТР ХЕЗМӘТЛӘРЕ КҮРСӘТҮ ПРОЦЕССЫ МАКСИМАЛЬ ОРИЕНТЛАШАЧАК

Бу хакта Росреестр җитәкчесе урынбасары Елена Мартынова хәбәр итте.

"Росреестрның цифрлы трансформация ведомство программасы кысаларында бизнес-процессларга реинжиниринг уздырылачак һәм дәүләт хезмәтләре күрсәтү өчен цифрлы платформа эшләнәчәк, онлайн режимында мәгълүматлар алмашу өчен нәтиҗәле киңлек булдырылачак, шул ук вакытта әлеге бурычларны тормышка ашыру өчен Росреестрның территориаль органнары һәм Федераль кадастр палатасы филиаллары белән тыгыз хезмәттәшлек нигез булачак", - диде Мартынова.

Хәзерге вакытта ведомствоның архитектура-техник советы булдырылды инде, ул Росреестрның цифрлы трансформациясе белән Стратегик идарә итү эшен координацияли. Совет эшенә цифрлы трансформация буенча төбәкара эшче төркем җәлеп ителәчәк. Шулай ук 2021-2024 елларга Росреестрның бердәм үзәкләштерелгән мәгълүмати иминлек системасын булдыру концепциясе эшләнде.

Хәзерге вакытта Буа үзәк хастаханәсендә график буенча коронавирус йогышыннан вакцинациянең икенче этабы уздырыла. 35 кеше инде "Спутник V" вакцинасының икенче составын алган.

 Исегезгә төшерәбез, прививка ясарга теләүчеләр 1 нче сырхауханнең регистратурасына (яңа поликлиника) 3-27-88 телефоны буенча мөрәҗәгать итә яки Дәүләт хезмәтләре порталы аша языла ала.

Прививка кадату өчен алдан язылып куялар. Хәзерге вакытта вакциналар юк, киләсе тәэмин итү көтелә. Әмма башлангыч исемлекләр формалаша.  Бүгенгә вакцина ясатуны 150 кеше көтә.

 Соңгы мәгълүмат буенча антитәнчекләргә анализ башка таләп ителми, ковидтан прививканы 18 яшьтән зуррак барлык теләүчеләр дә ясата алачак.

Вакцина турында тулырак мәгълүмат        «Буа үзәк район хастаханәсе» сайтында crb-buinsk.ru

Вакцинациягә язылу өчен телефон: 8(843)74 3-27-88, шулай ук Дәүләт хезмәтләре порталы аша да язылырга мөмкин.

Тиешле сыйфатлы, алмаштырып булмаган товарлар исемлеге расланды. Россия Федерациясе Хөкүмәтенең 31.12.2020 ел, №2463 карары белән расланган исемлеккә түбәндәгеләр керә. :

Өй шартларында авыруларны профилактикалау һәм дәвалау өчен товарлар (санитария һәм гигиена, металл, резина, текстиль һәм башка материаллар, медицина әйберләре, авыз куышлыгы гигиенасы чаралары, линза, балалар карау предметлары), дару препаратлары;

Шәхси гигиена предметлары (теш щеткалары, тараклар, , чәч каптырмалары, көдерләткечләр, париклар, шиньоннар һәм башка шундый ук товарлар);

Парфюм-косметика товарлары;

2021 елның беренче аенда Буада 12 пар үз мөнәсәбәтләрен законлаштырган. Шуның кадәр үк бала туган.

Узган елның шул ук чоры белән чагыштырганда быелгы гыйнварда 4 туйга күбрәк булган. Ә менә балалар кимрәк туган, узган ел район буенча 24 бала тууы теркәлгән иде.