ЯҢАЛЫКЛАР

Яңа ел һәм Раштуа бәйрәмнәре бәхетсезлек очрагы белән тәмамланмасын өчен, тормыш куркынычсызлыгы буенча белгечләр үз-үзеңне тотуның төп кагыйдәләрен һәм бәла булган очракта кирәк булачак телефон номерларын искә төшерәләр.

Янгыннар. Яңа ел каникуллары чорында, күпьеллык статистика буенча, көнкүреш янгыннары саны сизелерлек арта. Бәйрәмне үзегезгә төшермәгез, ут белән сак булыгыз һәм гади кагыйдәләрне үтәгез–урын өстендә тәмәке тартмагыз, балаларга янгын куркынычы булган предметлар белән уйнарга, электр үткәргечләрне арттырмагыз. Кышкы чорда җылыту приборлары-янгыннарның иң еш сәбәбе. Мич ягып җылытуны һәм электр җиһазларын бигрәк тә җентекләп күзәтеп торырга кирәк. Исерткеч эчемлекләр кулланмагыз! Кеше үлеменең иң еш сәбәпләренең берсе-кулда тәмәке белән исерек  килеш йоклап китү. Пиротехник эшләнмәләрне куллану ябык биналарда, кешеләр күпләп җыела торган урыннарда, торак ишегалларында һәм балконнарда, шулай ук сәхнә мәйданчыкларында һәм стадионнарда тыелган. Бу кагыйдәләрне бозучыларга–штраф, ә фаҗига булган очракта-җинаять җаваплылыгы яный.

Яңа ел бәйрәмнәре алдыннан “Гармония” халыкка социаль хезмәт күрсәтүнең Буа комплекслы үзәге гаиләсенә һәм балаларына социаль ярдәм күрсәтү бүлеге белгечләре районның янгын часте хезмәткәрләре белән берлектә социаль куркыныч хәлдәге гаиләләрнең торак урыннарын карап чыгуны оештырдылар. Ведомствоара чараларның төп максаты - әлеге гаиләләрнең яшәү шартларын контрольдә тотуны тәэмин итү һәм көнкүрештә янгын куркынычсызлыгы чараларын үтәү буенча инструктаж уздыру. Шулай ук элек билгеләнгән автономияле янгынга каршы хәбәрчеләрнең эшкә сәләтлелеген планлы тикшерү уздырыла. Ведомствоара төркемгә керүче янгын сүндерү хезмәте хезмәткәре янгынга каршы датчикларны эксплуатацияләү буенча инструктаж үткәрә. Гражданнарга буклетлар һәм "Йортта һәм урамда үз-үзеңне тоту кагыйдәләре", "Янгыннан торакны саклагыз!" дигән белешмә тапшырыла.

Җир кишәрлегеннән файдалануның шартлыча рөхсәт ителгән төренә, рөхсәт ителгән төзелешнең чикле параметрларыннан читкә тайпылуга рөхсәт бирү буенча гавами тыңлаулар нәтиҗәләре турында хәбәр 

       2020 елның 22 декабрендә Буа шәһәре башкарма комитетында Җир кишәрлекләреннән (капиталь төзелеш объектыннан) файдалануның шартлы рөхсәт ителгән төренә, рөхсәт бирү мәсьәләләре буенча гавами тыңлаулар, рөхсәт ителгән төзелешнең чикле параметрларыннан тайпылуга рөхсәт бирү, ТР, Буа шәһәре, Вахитов ур,151А адресы буенча урнашкан җир кишәрлегенә рөхсәт бирү, ТР, Буа ш., Вахитов ур. 116 адресы буенча урнашкан җир кишәрлеген файдалануның шартлы рөхсәт ителгән төренә рөхсәт бирү, буенча гавами тыңлаулар узды.

22.12.2020 Россиядә Россия Федерациясе Пенсия фонды төзелү көнен билгеләп үттеләр, ә нәкъ менә оешканнан соң 30 ел үтте!

Татарстан Республикасының Буа шәһәрендә РФ Пенсия фонды идарәсендә (районара) бу вакыйганы эш киңәшмәсе буларак уздырдылар.

Рәфыйк Җәләлов хөрмәтле хезмәттәшләрен Пенсия фонды юбилее белән котлады, әмма “Бүген тантана уздыру вакыт ытүгел, чөнки идарә хезмәткәрләренең кызу эш вакыты”, - диде.

Яңа ел-тылсымлылык, елмаюлар һәм бәхет вакыты. Бу бәйрәм һәркем өчен мөһим. Балалар, бәйрәм кәефен тоеп, әкияткә ышана башлыйлар, ә балаларның ихлас соклануы һәм шатлыгы бәйрәмне тагын да тулыландырып, матурлык өстәп торалар.

22 декабрьдә Буа муниципаль районының «Гармония» халыкка социаль хезмәт күрсәтү үзәге белгечләре «Яшүсмер» клубында Яңа ел уенчыгы ясау буенча мастер-класс үткәрделәр. Чараның максаты балаларны джут җепләреннән эшләнгән аппликациянең яңа төре белән таныштыру иде. Бурычлар: балаларны җептән шар  формалаштырырга; күз үлчәмен, киң фикерләүне, кул моторикасын үстерергә; эшне башкарганда пөхтәлек, иҗади эшчәнлеккә кызыксыну тәрбияләргә.

Татарстан Республикасында «Туган телләр һәм Халыклар бердәмлеге елы» дип игълан ителгән 2021 ел алдыннан Мәскәү татарлары автономиясе һәм  «Татармультфильм» студиясе ТР ның РФ дәге Тулы вәкаләтле вәкиллеге һәм меценат Рөстәм Мәһдиев ярдәме белән балаларда татар телен һәм татар мәдәниятен өйрәнүгә кызыксыну уятуга юнәлтелгән инновацион проект эшләгәннәр.

Анимацион сериал укытуның алдынгы һәм традицион методикаларын, шулай ук заманча мультипликацион һәм компьютер технологияләрен берләштерде. Мультфильмның төп герое Ак Бүре һәм аның дуслары балаларны татар сүзләренә һәм өйрәтәчәк, шулай ук күпмилләтле Россия халкыны мәдәниятенең гаҗәеп дөньясына озатучы булачак. Менә инде ике сүз - "ак" һәм "бүре" - сезнең лексик запаста бар. Оештыручылар очраклы гына "Ак бүре" шигарен сайламаган. Чөнки туган тел - ул милли мирас хәзинәсен ачучы һәм буыннар элемтәсен ныгытучы балалар йөрәгенә ачкыч.

Бүген Буа районы мәгариф идарәсе коллективына яңа җитәкче тәкъдим ителде. "Буа муниципаль районы мәгариф идарәсе" МКУ җитәкчесе итеп Наталья Македонская билгеләнде. Наталья Александровнаны яңа вазыйфага билгеләнүе белән котлыйбыз һәм яңа вазыйфада уңышлар телибез.

Яңа Чәчкаб авыл җирлегендә Кыш Бабай белән Кар Кызы 60, 55 һәм 50 ел бергә яшәгән авыл кешеләре гаиләләрен билгеләп үтәргә булдылар. 

Мөгаен, бу үрнәк гаиләләрне белмәүчеләр авылда юктыр. Бу озын, бәхетле һәм имин тормыш кичергән гаиләләр. Алар бер-берсен теләсә кайсы  вакытта да хуплыйлар, барлык проблемаларны бергәләп хәл итәләр, балаларның уңышларына шатланалар. Һәм аларның балалары – аларның төп таянычлары.

Яңа ел алдыннан аларга сәламәтлек, бәхет һәм алга таба чәчәк атуларын телибез. Яңа ел белән!

24 декабрьдә 11.00 сәгатьтә Татарстан Республикасы буенча Росреестр идарәсе Instagram да җир законнарын бозу мәсьәләләре буенча туры эфир уздырачак.

Турыдан-туры эфир вакытында Татарстан Росреестры эксперты Аркадий Белкин күчемсез милек хуҗаларына, күршегез сезнең җир кишәрлегенә үз хокукларыгыз турында белдерсә, ничек эш итәргә, җир законнарын бозучылардан ничек сакларга дигән киңәшләр бирәчәк.

30 ел элек, 1990 елда, иң гади күчеш чорында түгел, Россия Федерациясе Пенсия фонды төзелде, ул бүген Россиядә социаль тәэмин итү өлкәсендә дәүләт хезмәтләре күрсәтүнең иң эре федераль системаларының берсе.

Гадәти фикергә карамастан, республиканың Пенсия фонды пенсия түләү белән генә шөгыльләнми. Пенсия фонды кешене тумыштан ук озата бара.

Татарстан Пенсия фонды эшчәнлеге өлкәсенә керә: