ЯҢАЛЫКЛАР
2020 елның 01 октябрендә 15.00 сәгатьтән 16:00 сәгатькә кадәр Буа шәһәре, Ленин урамы, 52 адресы буенча урнашкан “Бердәм Россия” партиясенең Буа җирле бүлекчәсе җәмәгать кабул итү бүлмәсендә Татарстан Республикасы Дәүләт Советы депутаты Шакир Шәяхмәт улы Яһудин тарафыннан гражданнарны шәхси кабул итү була.
Белешмәләр һәм алдан язылу өчен телефон: 3-44-29.
Урманны саклау - безнең төп бурыч. Буа шәһәренең "Алтынчәч" балалар бакчасы коллективы да шулай дип саный. Алар "Чиста урман" акциясендә актив катнашты. Әлеге акциянең максаты экологик чиста һәм имин мохитне саклап калу. Коллектив хезмәткәрләре урман территориясен чүп-чардан чистартты. Җыелган чүп-чар махсус җиһазландырылган мәйданчыкка чыгарылды.
"Яр буе зоналарының чисталыгы - ул безнең сәламәт киләчәгебез һәм урман халкының иминлеге", - дип саныйлар балалар бакчасы хезмәткәрләре.
Күчемсез милек объектының кадастр бәясе дөрес билгеләнмәгән дип санасагыз, аны яңадан карау өчен кая һәм нинди нигездә мөрәҗәгать итәргә, нинди документлар кирәк булачагын, шулай ук кадастр бәясен билгеләү өлкәсендәге соңгы закон үзгәрешләре турында белергә теләсәгез, 30 сентябрьдә 8 сәгатьтән 12 сәгатькә кадәр (843)255-25-71 номеры буенча мөрәҗәгать итегез.
Шалтыратыгыз һәм сорауларыгызны бирегез!
26 сентябрьдә Ульяновск өлкәсендә укучылар арасында Сенгилеев районы беренчелегенә мини-лапта ярышлары узды.
Адав-Толымбай урта мәктәбенең малайлар командасы 1 урынны, кызлар командасы 2 урынны алды. Тренер М.И. Вәлиуллинны һәм балаларны җиңүләре белән котлыйбыз. Киләчәктә дә яңа үрләр телибез!
* Лапта – туп һәм бита белән уйнала торган рус халык уены.
Татарстан Республикасы Авыл хуҗалыгы һәм азык-төлек министрлыгы хәбәр итә, 29 сентябрьдә 10:00 сәгатьтә «Агрополия» онлайн мәктәбе кысаларында икенче дәрес узачак. Чираттагы дәрес барышында "Лин Вектор" компанияләр төркемен үстерү буенча директор Наталья Чупина һәм тренер-консультант Виктор Сорокин сак җитештерү элементлары һәм авыл хуҗалыгы тармагында үзгәрешләрне гамәлгә ашыруның гамәли кейслары белән курс үткәрәчәк.
Семинарда Сакчыл җитештерү, кыйммәтләр һәм югалтулар концепциясе, авыл хуҗалыгы тармагында сакчыл җитештерү ысулларын һәм инструментларын куллану нәтиҗәләре, авыл хуҗалыгы тармагында югалтулар мисаллары каралачак.
Татарстан Республикасы Авыл хуҗалыгы һәм азык-төлек министрлыгы хәбәр итүенчә, «Хезмәт җитештерүчәнлеге өлкәсендә федераль компетенцияләр үзәге» автономияле коммерциягә карамаган оешма (АНО) KPMG халыкара консалтинг компаниясе һәм Сөт җитештерүчеләрнең илкүләм берлеге (Союзмолоко) белән берлектә Россия Федерациясендә җитештерүчәнлекнең IT-платформасы мәйданчыгында «Россиянең сөтчелек тармагын үстерү векторы: нәтиҗәлелеккә курс» дигән тармак онлайн-конференциясен оештыралар.
Конференциядә эшчәнлекнең түбәндәге юнәлешләре буенча профильле предприятиеләр катнаша ала: сөт продукциясе, сөт һәм туңдырма җитештерү, сөтле мөгезле эре терлек үрчетү, катнаш авыл хуҗалыгы һәм терлекчелек өлкәсендә хезмәт күрсәтү.
2012 елның 29 июнендәге 97-ФЗ номерлы Федераль закон нигезендә 2021 елның 1 гыйнварыннан вакытлыча керемгә (ЕНВД) бердәм салым рәвешендә махсус салым режимы гамәлдән чыгарыла.
Исегезгә төшерәбез, 2020 елдан ЕНВД куллана ала торган кешеләр исемлеге, әлеге режимны куллану өчен өстәмә шартлар кертелү белән бәйле рәвештә, кимегән. ЕНВДны 2020 елның 1 гыйнварыннан башлап, мәҗбүри маркировкаланырга тиешле товарлар, натураль мех эшләнмәләре, аяк киеме товарлары һәм дару препаратлары сатучы оешмалар һәм шәхси эшмәкәрләр кулланырга хокуклы түгел.
2021 елның 1 гыйнварыннан ЕНВД гамәлдән чыгарылган барлык салым түләүчеләргә, Россия Федерациясе субъектына һәм эшчәнлек төренә бәйсез рәвештә, кагылачак. Шул ук вакытта, ЕНВД салым түләүчесе сыйфатында салым исәбеннән төшерү турында гариза бирергә кирәкми, - исәптән төшерү автомат рәвештә башкарылачак.
ЕНВД бетерелгәннән соң оешмалар һәм шәхси эшмәкәрләр салым салуның гадиләштерелгән системасына, ә шәхси эшмәкәрләр - салым салуның патент системасына яки һөнәри керемгә салым түләүгә күчәргә хокуклы.
Әгәр салым түләүчеләр ел ахырына кадәр яңа салым режимын мөстәкыйль сайламасалар, алар автомат рәвештә Салым салуның гомуми режимына күчереләчәк.
Россия Федераль салым хезмәтенең Татарстан Республикасы буенча идарәсе салым түләүчеләргә салым салуның башка режимын сайлауны алдан билгеләргә тәкъдим итә.
2020 елда план буенча ремонт эшләренең расланган графигы нигезендә, Буа шәһәрендә 26 октябрьдә 9:00 сәгатьтән 15:00 сәгатькә кадәр Татарстан Республикасы радиотелевизион тапшыру үзәге филиалы объектларында, аналог һәм цифрлы телерадиотапшырулар программаларын өзеп, планлы ремонт-профилактика эшләре үткәреләчәк.
ИИС - бу кыйммәтле кәгазьләр белән операцияләр өчен аерым счет, ул салым тотып калынуны яки инвестицияләрдән керемнәргә ташламалы салым салу хокукы бирә.
01.08.2020 елга Россия Федерациясендә 2537 мең шәхси инвестиция счеты ачылды, Татарстан Республикасы әлеге күрсәткеч буенча тулаем Россия буенча 7 урында тора. Ел башыннан ачык шәхси инвестиция счетлары санының артуы күзәтелә.
Тулырак мәгълүмат– безнең фотоҗыелмада.
Үзәк базар территориясендә авыл хуҗалыгы ярминкәсе узды. Буалылар өчен Татарстан Республикасы авыл хуҗалыгы һәм азык-төлек министрлыгының тәкъдим ителгән бәяләре буенча авыл хуҗалыгы продукциясе белән тутырылган өстәлләр җәелде. Ассортиментка районның авыл хуҗалыгы товар җитештерүчеләренең продукциясе, шулай ук "Зеленодольск сөт комбинаты" АҖ Буа филиалы, Шикәр заводы, “Карлинский” сәүдә йорты, Буа икмәк заводы һәм Буа районы кулланучылар җәмгыятьләре товарлары куелды.
Ярминкәнең музыкаль бизәлешен район Мәдәният идарәсе оештырды. Сатып алучылар өчен концерт программасы куелды.